هل تعتقد انك فعلت كل شىء

[كريم ايمن مصطفى]

معلش يا شباب انا اسف الموضوع ده ممكن يضايق بعض الناس بس انا كنت محتار وكنت محتاج اخذ راى حد .
هل تعتقدون انكم بذلتم كل ما فى وسعكم حتى تدخلوا طب او صيدلة او اسنان ? هل سهرتم ? هل حرمتم نفسكم من اشياء بتحبوها ?
انا كنت حابب اعرف رد كل واحد فيكم علشان انا حاسس ان انا معملتش الحاجات دى بعكس اصدقاء ليا كتير ومع ذلك انا واصدقائى اللى عملوا الحاجات دى حلينا كويس فى الامتحانات.بس المشكلة انى عارف ان الله لايضيع اجر من احسن عملا علشان كده خايف.شكرا يا شباب و اسف على الاطالة

[برنسيسة الهدوء]

بصراحة انا شايفة بالنسبه ليا اني عملت كل حاجه تتعمل ذاكرت وبذلت مجهود كبير ومحدش فالبيت بخل عليا باي حاجه
لاتقلق ياكريم ان الله لايضيع اجر من احسن عملا

[كريم ايمن مصطفى]

شكرا ليكى يا عاشقة التحدى وادعيلى ادخل صيدلة

[برنسيسة الهدوء]

يارب تدخل صيدلة وانا ادخل اسنان وابقي ابعت العيانين يشتروا الدوا من عندك

اختك لمار

[كريم ايمن مصطفى]

هههههه شكرا يا لمار وانا سعيد انى اتعرفت عليكى

[ياسمينايا]

بص ياستاذ أيمن ..
أعظم حاجه لما الواحد يبذل مجهوود كبيير وميحسش ان هو عمل حاجه ويتفاجئ ان شاء الله بدرجات كويسه تخليه يدخل الكليه الهو عايزها..
ان شاء الله ربنا معاك ومعاناكلنا ومش تقلق ..((ان الله لا يضيع اجر من احسن عملا))
وبعدين مش معقووله حضرتك تحل كويس في الامتحان وتبقى مذاكرتش كويس..
ان شاء الله ربنا مع الكل وكل واحد يدخل الكليه الهو عايزاها ياارب..

[|| Dr sCorpion ||]

لا معتقدش كده خالص
يمكن اكون ذاكرتـ بس ضيعت وقت كتيييييييييييييييييييير
بس تقريبا انا زيك كده
مش السنه دى بس لأ طول عمرى مذاكرتى اقل من اصحابى
وفى الاخر درجاتنا بتبقى قريبه من بعضها
الحمــــد للـــــــــه

[Dr_toka]

لا الحمد لله عملت كتير وكتير وكتير كمان
بس ربنا يسترها
وكلهم بيشهدوا ليا بكده ومدرسينى كمان
يارب ادخل صيدله ادعووووووووولى

[M.E.M.s]

ايوة الحمد لله انا عملت اللى عليا بس مش قوى انا ندمان على كل لحظة ضيعتها بس الحمد لله

[هنا إبراهيم]

ان شاااء الله يا تقى تدخلى صيدلة باذن الله

وانا كماااااااااااااااااااااان وكل واحد بيتمنى اى كليه يدخلهاااااااااااااااا



بي بالنسبه لى

كان ممكن اعمل اكتر من اللى عملته

بس الحمد لله ربناااااااا يسترر بقى

[Dr_toka]

ان شاء الله هيبقى خير لينا كلنا
ومهما عملنا هنحس اننا كنا مقصرين
ومجموعنا مش بمذاكرتنا ده كرم ربنا لينا

[maryam.s]

انا فعلا فعلا كان ممكن ما يفرقش معايا مجهودى لانى الحمدلله متوكلة على الله بس اكييييييييييييييييد انا بندم على كل لحظة ضيعتها بس غير اللحظات اللى ضيعتها فيه لحظات كنت بستمتع بيها لانى بجد كل ما اقابل واحدة فى اولى كلية سواء عملية او لا تقولى كده بالحرف حاولى تستمتعى بقدر الامكان فى الثانوية لانك لما تدخلى الكلية هتقولى ان الثانوية كانت احلى سنى عمرك وانا طبعا طبقت الكلام حرفى انا واصحابى مفيش مناسبة ما حضرنهاش الا الافراح لانى مش بحبها ونخرج ونروح اعياد ميلاد بالهبل لان اصلا شلتى بالعشرين بنت او اكتر وكمان فى المدرسة بقى فصل 3|1 سمعته ايه!!!!!!!! الاساتذة بيدخوا هيشدوا شعرهم الا اللى كنا بنحترمهم ومادتهم العلمية !!!!!!لالالا اظننا السنة ديه زودناها قوى هناك!!!!!!!!!
ولا مرة نظمت انا عيد ميلاد مفاجاة لاتنين من اصحابنا وكان فى شهر 3 كمان بالهدايا بالجاتوه بالحضور بكله بس طبعا الدفعة ما تتوصاش البنتين كان اولا لعارفين بس بجد كانت ايام جميلة جدا
يالا ربنا يستر لان لو النتيجة ماكانتش حلوة بجد انا هزعل من نفسي قوى عشان بابا وماما ما قصروش معايا فى حاجة بالمة
ربنا يستر وكلكم تدخلوا الكليات اللى انتو عايزنها ياااااااااا رب

[dr_bosy]

لا اعتقد اني الحمد لله عملت اللي عليا وكنت والحمد لله متوكله ع ربنا ولا يبقي سو توفيق الله والقدر يعني مش ف ايدينا بس انا والحمج لله عندي ثقه كبيره ف ربنااا وان شاء الله خييييييييير ويارب كل واحد يدخل الكليه اللي هو عايزاهاااااااااااااااااااااااااااااااااااااا

[كريم ايمن مصطفى]

يارب يا جماعة ندخل الكلية اللى بنحلم بيها يارب اصل انا لسه قارى خبر مش مطمئن شوية وزير التعليم العالى حيقلل اعداد المقبولين فى طب 25%

ربنا يستر

[هنا إبراهيم]

مش تقلق ان شاء الله يا كريم

ان شاء الله هتدخل طب

بس يبقى تقول للمرضى بتوعك يشترى الدواء من عندى

اوكى ولا؟