مصطلحات في التنسيق لازم كل طالب يعرفها

[eng--zako]

اولا : التوزيع الجغرافي
بس يا صاحبي التوزيع الجغرافي يا عني لو مجموعك يجيب الكلية اللي في بلدك متقدرش تروحها في حتة تانية يا عني ايه دلوقتي مثلا انت كاتب في توزيع الرغبات هندسة القاهرة و بعدين اسكندرية و اسيوط الخ ده المفروض لأنك في القاهرة و لا قدر الله مجبتش القاهرة و جتلك في اي حتة تانية بتعمل تحويل 10/100 كليات متناظرة و تيجي القاهرة في نفس السنة من غير متسافر يعني مثلا طالب جتلوه هندسة المنيا يحول القاهرة او بلده يعني انما اللي يخوفك من التوزيع الجغرافي انك مثلا عاوز تخش هندسة اسكندرية و انت اصلا في القاهرة و كتبتها رغبة اولي و مجموعك ان شاء الله يحيب هندسة القاهرة متقدرش تخش هندسة اسكندرية و لازم تخش القاهرة لكن اذا كنت كاتب القاهرة رغبة اولي و اسكندرية رغبة تانية و مجموعك مجبش القاهرة تقدر تروح الرغبة التانية اسكندرية طالما مجموعك ميجبش القاهرة و يجيب اسكندرية او تحول 10/100 كليات متناظرة و ترجع القاهرة
و كذلك ينطبق التوزيع الجغرافي علي جميع الكليت و المعاهد .....

ثانيا : تحويل 10/100 كليات متناظرة:
التناظر يعني التساوي في الرتبة فمثلا طب اسكندرية يناظر طب طنطا و غيره و بالمثل هندسة و غيرة لكن لكل قاعدة حالات خاصة فمثلا صيدلة عين شمس لا يناظرها اي صيدلة اخري لأتهم بيدرسوا صيدلة اكلينيكية و ايضا هندسة الكتروبية منوف ملهاش نظائر ... نيجي للمهم ان شاء الله بعد نتيجة تنسيق كل مرحلة بيطلع تحويل ال 10/100 ده و هوه الكتروني بردو يعني من عالنت بيدخل الطالب اللي جاتلوا كلية بعيدة عنه مثلا طالب في اسكندرية و كان كاتب في الرغبات بالترتيب هندسة اسكندرية ثم دمياط ثم الخ الخ حتي المنيا نظام السكة الحديد علي رأي والدي من الاقرب للأبعد ماشي و جاتلوا هندسة بره مدينتة المنيا مثلا بيعمل ايه ؟ بيفتح و يقدم تحويل من عالنت من علي نفس موقع التنسيق ماشي بيطلعلو 3 رغبات لنفس الكلية بيحددها و في الحالة دي الطالب حيختار اول واحدة اسكندرية ثم طنطا ثم شبين مثلا اشمعنا 3 عشان لو كثافة الاسكندرية لا تسمح يجي طنطا و هكذا علي كل الكليات و المعاهد .

و ياريت اكون وفيت و لو في حاجة تانية اسألوا انا ابويا مدير عام شئون طلاب في كلية اداب دمنهور و كان امين عهدة التنسيق لكذا سنة في محافظة البحيرة ايام ما كان التنسيق يدوي بالملفات و انا الحمد لله بفهم في الحاجات دي.