|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
25-07-2009, 01:35 AM
|
||||
|
||||
تعالوا نحل مشاكلنا قبل ما توسع
زملائى الاعزاء
جزاكم الله خيرا على مجهوداتكم الغير عادية فى المنتدى بجد ان بتباهى بهذا القسم بين زملائى من الاقسام الاخرى بس فى الفترة الاخيرة ظهرت مشاكل مش متعودين عليها فى قسمنا طول عمرنا اسرة واحده وعمرنا ما حنتفرق ابدا وبصراحة المشاكل كلها مع الاستاذ عصام جاويش اللى عرفت انه مزعل مدرسين فى المنتدى زى الاستاذ بدوى الدجوى والاستاذ sword والاستاذ horizon والاستاذ سيد صيام وعرفت كمان أن فيه مدرسين تانيين زعلانيين المهم أنا عملت الموضوع ده بعد اذنكم عشان نحل الخلافات الموجودة والجميع هنا من كبار وأعمده هذا المنتدى لذلك أرجو من الجميع فتح نقاط اختلاف وجهات النظر لمناقشتها ولكن لى رجاء من الجميع الحفاظ على روح الاسرة الواحده التى اعتدنا عليها دائما فى الردود
__________________
سبحان الله وبحمده ... سبحان الله العظيم
عدد خلقه ... وزنه عرشه ... ومداد كلماته ... وسعة رحمته  |
|
#2
25-07-2009, 02:01 AM
|
||||
|
||||
|
المشكلة فعلا استاذ احمد ان احنا اتحسدنا كفريق كامل ويهب بلا اى حساب بداية من بدوى sword, horizon لجاويش كلهم ناس اعطو للمنتدى الكثير
ارجو ان نعمل على اذابة الخلافات عن طريق مواحهة المشكلة حتى بكالمة تليفون او حتى على الخاص
__________________
بدر السعدنى مدرسة طبرى الحجاز الثانوية
|
|
#3
25-07-2009, 02:34 AM
|
||||
|
||||
|
ياريت يا جماعة لو فية اي خلافات مندفنش رؤسنا في الرمل ونفتح ملفات المشاكل دي وتتناقش بصراحة لارضاء جميع الاطراف في النهاية تقبلو تحياتي
__________________
 |
|
#4
25-07-2009, 02:47 AM
|
||||
|
||||
|
مستر احمد احب اقول اولا انى انا اللى زعلان منهم لانهم يريدوننى مشرف بلاصلاحيات وطبعا ده سهل جدا وكل اللى هاعمله ادخل المنتدى نصف ساعه يوميا اقول شكرا وخلاص وفى الحاله دى كله هيكون مبسوط منى اما انى بادخل المنتدى اكثر من 12 ساعه يوميا اتابع كل عمل فى المنتدى ولا اكتب اى تعليق الا بعد قراءه الماده العلميه واقوم بمهاهمى كمشرف انقل الموضوعات التى لاتخص القسم واحذف المخالف وادمج الموضوعات المتشابهه واثبت مايستحق التثبيت وانا عندما ثبت موضوعات لى وضحت لمستر بدوى اننا مازلنا فى الاجازه ونريد موضوعات تجعل المنتدى واحه للغه نمارس اللغه فعلا لكن من اول شهر 8 تكون كل الموضوعات خاصه بالطلاب وتنقل المواضيع الخاصه بالمدرسين الى حجره مدرسى اللغه الانجليزبه جاء مستر horizon وانشا موضوع عن كيفيه اعداد ملزمه الدرس الخصوصى ثم مستر sword عمل موضوع مشابهه عن ازاى نوزع المنهج فى الدرس الخاص وجدت ان الموضوعين متشابهين فدمجتهم وجدت الغمز واللمز بالكلام من جانبهم ومفروض استاذن منهم وانا فى المنتدى وانتم فى المنتدى المشرفين لايستاذنون فى دمج الاعمال وهذا حدث معى وانا مشرف مستر بدوى حذف لى مشاركات ولمستر محمود فتحى ولمستر احمد يحيى بدون استاذان فلماذا اطالب انا بالاستئذان؟ ثم جاء الاستاذ سيد صيام ايضا يهاجمنى لا ادرى باى صفه وهناك موضوع له هنا اقصد مشاركه اسماها الوصايا العشر يتحدث فيها بلهجه الناظر الذى يعاقب تلميذه وعلى فكره هو زميلى فى الجامعه وفى سنى تقريبا اما اننى زعلت غيرهم لم يحدث كنا فى نقاش علمى عادى ولكن يبدو ان هناك من يهول الامور ويريد ان يشوه الصوره لاسباب يعلمها الله
اعتقد انى وضحتلك نقاط الخلاف مع الاساتذه الفضلاء وهى نقل الموضوعات المتعلقه بالدروس الخصوصيه الى حجره المدرسين وهم اشتكوا ان لى موضوعات مثبته واشتكوا لمستر بدوى واعاد موضوعاتهم ولغى تثبيت موضوعاتى لكنهم عادوا يهاجموننى بطريقه التلميح ثم التصريح والسخريه وقال لى الاستاذ سيد صيام ان احدهم قال له اننى قلت انا الكل فى الكل وهذا ورب الكعبه كذب وافتراء وحسبى الله ونعم الوكيل فيمن كذب على والاستاذ سيد صيام انفعل وتحدث بكلام ليس من حقه ولايليق ويشهد بهذا مستر محمود فتحى ومستر احمد يحيى وانا شرحت لحضرتك التفاصيل ولكنى اطلب ان يتكلم الاستاذ محمود فتحى والاستاذ احمد يحيي فى هذا الموضوع لانهم يعرفون تفاصيل الموضوع ويوصفهم حيادين هذا الرابط فيه تفاصيل الخلاف وارجو الا يحذفها مستر بدوى http://www.thanwya.com/vb/showthread.php?t=138479
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه آخر تعديل بواسطة مستر/ عصام الجاويش ، 25-07-2009 الساعة 03:28 AM |
|
#5
25-07-2009, 03:18 AM
|
||||
|
||||
|
اقتباس:
حضرتك شايف انك مش غلطان وانا شايف انك غلطان والمفاجاة بقى انى اللى بيقولوا انهم زعلانين منك هيدافعوا عنك بس انا لا بعد كلامك ده
__________________
 ALIVE
|
|
#6
25-07-2009, 03:47 AM
|
||||
|
||||
|
لكنهم عادوا يهاجموننى بطريقه التلميح
لا دى طريقة حضرتك اللى اتبعتها الاول مش اى حد وبلاش نفتح النقطة دى افضل والاستاذ سيد صيام انفعل وانا شرحت لحضرتك التفاصيل ولكنى اطلب ان يتكلم الاستاذ محمود فتحى والاستاذ احمد يحيي فى هذا الموضوع لانهم يعرفون تفاصيل الموضوع ويوصفهم حيادين ومين اللى حكى لهم على تفاصيل الموضوع ماشى يا رب يدخلوا واشوف هيقولوا ايه وبعدين يعنى ايه حيادين ؟ والباقى ولاد ........... بس يا رب يفضل رأيك فيهم كده لغاية الاخر لا يامستر بدوى مش طريقتى انا صريج جدا مع كل الناس والغلط باقول عليه غلط والصح صح هم اللى استخدموا الاسلوب ده وكل الناس فاهمه قاصدين مين حضرتك لما حذفت موضوعات بتروح تستاذن من الاساتذه ؟ طبعا لا وده حقك ولما بتلغى تثبيت الموضوعات او تدمج او تنقل هل بتستاذن من كل مدرس ؟ اكيد لا النقطه التانيه (ومين اللى حكالهم؟ مستر محمود ومستر احمد فى المنتدى بشكل دائم وبيتابعوا الموضوعات ولم يعجبهم هذا الوضع ) اما الباقى ولاد.. انت عارف انا لا خرج اى لفظ جارح لا احد فى المنتدى كل الناس ولاد حلال وكلهم خير وبركه لكن الاختلاف طبيعه بشريه اما هم حيادين نعم لان ليس بينهم خصومه مع مستر horizon ومستر sword
بالنسبه لراى فيهم سيظل للاخر يامستر بدوى هو هو
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه |
|
#7
25-07-2009, 04:01 AM
|
||||
|
||||
|
اقتباس:
طيب ممكن كلمة بعد اذن حضرتك
اولا : حضرتك اتسببت فى بداية المشكلة يا استاذ عصام موضوع تثبيت الموضوعات ده موضوع خطير والمفروض المشرف ميثبتش موضوع لنفسه أبدا عشان الناس الموجوده تفهمه صح لأن معنى أنه يثبت موضوع خاص بيه يبقى عشان هو المشرف عشان كده أستاذى حضرتك جانبك الصواب فى هذه النقطة لأن ده أفقد المدرسين الثقه فيك وحفكر مستر بدوى بحاجه حصلت السنه اللى فاتت كانت عندى مذكرة أولى ثانوى الترم الاول وكانت المشاهده معديه ال 10000 والاستاذ بدوى والاستاذ محمود فتحى والاستاذ عصام صوت الحق أخدوا قرار بتثبيتها ... وانا اللى شلت تثبيتها عشان المدرسين ميفهموش غلط ويقولوا كوسه عشان ده المشرف ... عشان كده يا استاذ عصام نقطة التثبيت دى خطيرة وليها اسس موجوده من اول ما دخلنا المنتدى .... وبتمشى على الكل . ثانيا : موضوع الدمج ده انا مش معاك فيه خالص لازم تستأذن أصحاب الموضوعين قبل الدمج دى أصول الاشراف استاذى المحترم بالفعل المشرف لديه الصلاحيات فى المنتدى لكن يوجد أصول لابد من الجميع اتباعها أرجو أن تتقبل أرائى بصدر رحب صديقى العزيز ومتابع وفى انتظار باقى التعليقات لحين صفاء النفوس ان شاء الله
__________________
سبحان الله وبحمده ... سبحان الله العظيم
عدد خلقه ... وزنه عرشه ... ومداد كلماته ... وسعة رحمته |
|
#8
25-07-2009, 04:12 AM
|
||||
|
||||
|
اقتباس:
أستاذ عصام احنا بنحاول نحل خلاف موجود عشان كده ياريت تكون اهدى شوية اقتباس:
ويبقى ايه فايده الموضوع ده من اساسه
الموضوع معمول للم الشمل واللى حيتفق عليه هنا الساده المدرسين حيمشى على الكبير والصغير والهدف اننا اسرة واحده وسنظل ان شاء الله اسرة واحده
__________________
سبحان الله وبحمده ... سبحان الله العظيم
عدد خلقه ... وزنه عرشه ... ومداد كلماته ... وسعة رحمته |
|
#9
25-07-2009, 04:14 AM
|
||||
|
||||
|
اقتباس:
صدقنى مينفعش تقول انى غير حيادى واحابى لناس واقف حتى لو هعادى اصحاب الموقع
حضرتك قلتها لى علنا وكمان شفت لك رد على الاستاذ السيد صيام عجيب اوى طلبت التدخل من الاستاذ طارق فؤاد وصوت الحق والاستاذ محمود سرحان جميل لانك مش مقتنع بواحد زيى لانى متواطئ مع الاستاذ السيد صيام عادى حضرتك حر بس فاجئتنى انك بترد ..... منين بتطلب من ناس يجيبولك حقك ومنين بترد الموضوع كان معمول علشان يحل اتعقد تانى لو كنت استنيت لحظة لاننا مشغولين فى مجلس الادارة لكنت رأيت ردى اللى كنت ناوى عليه وكنت هتتفاجئ بس انا اللى اتفاجئت متابع معك استاذى حتى ليلة الامتحان
__________________
ALIVE
|
|
#10
25-07-2009, 04:34 AM
|
||||
|
||||
|
اقتباس:
ان شاء الله مفيش عقد يا مستر بدوى والموضوع حيتحل ان شاء الله المهم النفوس تبقى صافيه اقتباس:
اقتباس:
طيب يالا فاجئنا واعتبر الاستاذ عصام مردش
__________________
سبحان الله وبحمده ... سبحان الله العظيم
عدد خلقه ... وزنه عرشه ... ومداد كلماته ... وسعة رحمته |
|
#11
25-07-2009, 07:02 AM
|
|||
|
|||
|
السلام عليكم
جزاكم الله خيرا أستاذ أحمد فاضل لإصلاح ذات البين. فهذا شئ مأمرون به شرعا. ومن طبعي إذا رأيت شيئا لا يروقني أن أتجاهله. اسمحوا لي أن أكرر: شيئا و ليس شخصا- فالدنيا مليئة بأشياء أكثر أهمية. و التواجد في المنتدي من باب التطوع و ليس الإلزام. وجميعنا ورائه من الإلتزامات ما يكفيه. لكن طالما أن الموضوع قد أثير.. وقد أرسل لي الأستاذ عصام الجاويش رسالة خاصة عنوانها: هذا ردي علي موضوعك.. وحيث أن هناك موضوع حيوي ذكر فيه اسمي من أطراف الخلاف.. فاسمحوا لي بعرض وجهة نظري. ولعله بانتهاء هذا الخلاف يكون لنا جميعا دروسا و عبر للمستقبل. ليس لي شخصيا اعتراض علي صلاحيات المشرف بشرط أن تخضع لمعايير منصفة و ثابته. مثلا: كتبت منذ فترة – قبل بداية الأجازة- موضوعا بعنوان "ركن تبادل الخبرة" كان الأستاذ أحمد فاضل من أوائل المعقبين عليه. وشارك فيه العديد من الإخوة الأفاضل. الموضوع ليس خاصا بالكمبيوتر كما يتذكر البعض. الموضوع خاص بالمدرس و البرامج التي قد يحتاجها في المنهج الجديد: قواميس – خطوط – برامج clipart – وكان هناك أفكار أخري. و بعد مرور ما يقرب من أسبوع علي الموضوع بتفاعل جيد من المدرسين فوجئت بنقله لحجرة المدرسين. وهذا هو بيت القصيد. لماذا بعد أسبوع و الأستاذ عصام يتواجد حسب قوله 12 ساعة يوميا في المنتدي؟ ولماذا بعد كثرة المشاركة و التفاعل؟ بعد سفري خلال الأجازة فوجئت بهمة عالية من إخواني المدرسين في عرض المنهج الجديد. كيف عرضه؟ بعمل ملازم والتي يسميها الأستاذ عصام الجاويش ملازم الدروس الخصوصية. والتي يثني علي فاعليها في كل محفل و لا أدري لماذا يهاجم عمل يشرح طريقة عملها اليوم. فتطوعت بعمل فهرس لأعمال السادة الأفاضل. وناشدت السادة المشرفين بعمل تحديث مستمر لبداية الموضوع ووضع مشاركات السادة الأفاضل في بدايته أولا بأول. تم تثبيت الموضوع علي غير المتوقع. وصلت أعمال بعض الإخوة كالأستاذ عصام وهبة مثلا إلي الوحدة العاشرة وقتها. و بقي الموضوع بدون تحديث عند الوحده السابعة.. رغم تعقيب الأستاذ عصام الجاويش مرتين في نفس الموضوع. ورغم طلبي المباشر و طلب بعض الإخوة بعمل تحديث للموضوع. و بقي الموضوع مثبت فترة من الزمن ولا أدري ما فائدة تثبيته وهو بلا تحديث. ورغم وجود الأستاذ عصام 12 ساعة يوميا في المنتدي. كتبت مشاركة أخري بعنوان: "التحضير للمنهج الجديد" أي كيفية عمل الملازم التي قدمها الأعضاء و التي يسميها الأستاذ عصام ملازم الدروس الخصوصة. تفاعل فيها كثير من الإخوة. وبدأ كل أخ يدلو بدلوه. المشاركة ليست عن الدروس الخصوصية كما يدعي الأستاذ عصام الجاويش. المشاركة عن عمل واعداد الملازم التي تم عمل موضوع مفهرس لها من قبل أمثال أعمال الأستاذ عصام وهبة – الأستاذ بدوي الدجوي- الأستاذ nasrawy100 و غيرهم من السادة الأفاضل. والتي مازالت حتي هذه اللحظة تنال أكثر اهتمام المدرسين شغلهم الشاغل.وبدأ التفاعل و الإستحسان من الإخوة. وقام الإستاذ h0riz0n بعمل موضوع بعنوان "تقسيم المنهج". أيضا ليس عن الدروس الخصوصية كما يدعي الأستاذ عصام. الموضوع يخص أن بعض الوحدات بها Grammar أكثر من اللازم وبعضها بها نقاط Grammar قليلة و كيفية توزيع Grammar بطريقة متزنة علي الوحدات. قام الأستاذ h0riz0n بعمل موضوع مستقل بهذا المحتوي حتي لا يتداخل الموضوعان. فوجئنا بدمج موضوع الأستاذ h0riz0n في موضوعي حتي بدون التعقيب أو الإشارة في ذات المشاركة بمن قام بذلك و لماذا قام بذلك. ثم تبين أخيرا للأستاذ عصام أن الدمج ليس كافيا. فمكان الموضوعين هو حجرة المدرسين أساسا وليس ركن المنهج الجديد. أيضا بعد مرور حوالي أسبوع من المشاركات و التفاعل. و رغم وجود الأستاذ عصام 12 ساعة يوميا في المنتدي. تبين لي بعد ذلك أن أساتذة أخرون قد تم نقل أعمالهم إلي حجرة المدرسين بدون التعقيب أو التنويه. ولكن ليس ذلك بطريقة منصفة أو منهجية. فالأستاذ عصام نفسه له ثلاثة أعمال قد قام بتثبيتها. الاعتراض ليس عن تثبيت الأعمال من عدمه. الاعتراض علي الأعمال ذاتها: لنري عنوان المشاركات التي قام الأستاذ عصام بتثبيتها بنفسه و لنفسه: يلا كله يجهز الاسئلهخلينا ننشط معلومات بعض(خاص بالمدرسين) ركن النقاش حول المنهج وفنيات اللغه The whole thing must go in English here أليست هذه الأعمال من عنوانها تخص المدرسين فقط؟ فلماذا تنقل أعمال و تترك أعمال أخري بل و تثبت رغم كونها تخص المدرسين فقط؟ هذا هو أساس الخلاف الأصلي. وليس الخلاف صلاحيات المشرف. المشكلة في المنهجية و الإنصاف و المعايير الثابتة لي مأخذ آخر علي الأستاذ عصام: في مشاركات كثيرة للإخوة في موضوعات مختلفة يشارك ليس بتعقيب علي صلب الموضوع بل بدعوة المدرسين للمشاركة بموضوع The Whole Thing Must Go in English Here وهذا لا يليق بمشرف. بلغة المنتديات يعتبر هذا spamming و كفاه أن يضعه في توقيعه أو يضعه في إعلان مثبت. في انتظار ردكم حياكم الله Sw0rdD
__________________
 |
|
#12
25-07-2009, 07:10 AM
|
||||
|
||||
|
ماشى يا استاذ عصام انا موافق على تعديل مشاركتك مع ان دى مش صراحة زى ما بتقول
وموافق كمان ان المشاركات المحذوفة ترجع والناس تشوفها بس علشان خاطر محمود فتحى وموافق كمان ان محمود فتحى يبقى فى صفك موافق زى ما هو واضح وعلى فكرة هو تقيل جدا ويعتبر نقطة ضعفى فى اى مكان واى وقت ودى معلومة ممكن تكون جديدة على حضرتك حضرتك مصمم من طريقة كلامك على حاجة معينة انا مش عارفها بس حاسسها وانك واثق ان كلامك هيمشى فى الاخر وانك ممكن تشتكى لحد وتدخله فى الموضوع دى كلها اساليب موجودة امامى ومقتنع بيها براحتك وانا على اتم الاستعداد ومش هاخد موقف ولا هاستغل مكانتى بين اصدقائى انا هتناقش معاك ومع اى حد لحد ما حضرتك تقرر ان النقاش يقف بس لازم تكون واثق من حاجة ان النقاش معايا انا ان شاء الله
__________________
ALIVE
|
|
#13
25-07-2009, 07:18 AM
|
||||
|
||||
|
اقتباس:
منتظرين رد المحترفين
__________________
ALIVE
|
|
#14
25-07-2009, 12:00 PM
|
||||
|
||||
|
يامستر sword اقولها لك مرارا وتكرارا المواضيع التى انشأتها انا تخدم اللغه فى المقام الاول وتناسب المنتديات التعليميه انت اشتكيت ومواضيعك رجعت وتثبيت المواضيع بتاعتى كان يعلم مستر بدوى ادخل شوف تعليقلت الزملاء على هذه الموضوعات لانك لم تشارك فيها تقريبا
وتقول اننى نقلت موضوعك بعد كتره عدد المشاهدات انا لست فى تنافس معك ولا اكرهك بل لنا فعلت ما انا مقتنع به ان ده موضوع خاص بالدروس الخصوصيه ومكانه حجره المدرسين قد اكون مخطأ فى هذا من وجه نظر البعض وانت اشتكيت ورجعلك موضوعك خلاص يبقى مفروض يبقى الموضوع انتهى كمان يامستر sword مش محتاج كل هذه النقاشات حضرتك يامستر بتقول : لي مأخذ آخر علي الأستاذ عصام: في مشاركات كثيرة للإخوة في موضوعات مختلفة يشارك ليس بتعقيب علي صلب الموضوع بل بدعوة المدرسين للمشاركة بموضوع The Whole Thing Must Go in English Here وهذا لا يليق بمشرف. بلغة المنتديات يعتبر هذا spamming و كفاه أن يضعه في توقيعه أو يضعه في إعلان مثبت. في انتظار ردكم لا يامستر انا كنت بارد على الموضوع ثم احث الزملاء على المشاركه فى موضوع ممتاز فعلا يشجع المدرس على ممارسه اللغه ومهاره الكتابه التى يمتحن فيها المدرس الذى يريد ان يحصل على بعثه الى امريكا او انجلترا هل تلومنى على تشجيعى للناس على ممارسه اللغه؟ يامستر انا اعشق اللغه الانجليزيه كلغه ومهنتى هى هواياتى ونفسى اشوف كل الناس تتقن اللغه بجد
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه آخر تعديل بواسطة مستر/ عصام الجاويش ، 26-07-2009 الساعة 12:52 AM |
|
#15
25-07-2009, 12:05 PM
|
||||
|
||||
|
يامستر بدوى انا واثق ان ربنا سيظهر الحق فى النهايه وان هذه الخلافات ستنتهى حتما وستكون نتيجتها مرضيه لكل الاطراف وتقارب فى وجهات النظر بين الجميع
__________________
مستر/ عصام الجاويش معلم خبير لغه انجليزيه بمدرسه التل الكبير الثانويه بنات بمحافظه الاسماعيليه |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:04 AM.
