الرد الذي يعجز اللسان عنده عن الكلام .. ايووون .. يعجز عن الكلام !!

[Rymonda]

ya welcome .. ya welcome


ازيكو يا جدعان

واحشيني وربنا

سيبكوا من الموضوع .. بلا موضوع بلا بتاع ..

جايه اسلم عليكو بس .. احلى سلام للركن العام واللي فيه

الركن العام .. يعني مها..

يعني ولاء ..

يعني الناس الجامده .. اللي مش هينقلوا الموضوع ولا يحذفوه ..

يعني الاعضاء اللي هترد وتشارك .. مش اللي هيقرا ويجري ..

احم احم !!

خليني وديعه وبلاش ارغي كتير

نخش في الموضوع .. عشان الملل بس ..

ايه رأيكم يا جماعه في عنوان الموضوع؟؟

الرد الذي يعجز اللسان عنده عن الكلام

فعلا بتحصل..

ساعات واحد يروح حادفلك كلمه كده .. متعرفش تصد ولا ترد

يمكن دي بقى نباهه منه .. نصاحه .. بلاغه .. على حسب بقى

برضو من غير رغي .. عشان الضرايب بتحاسب ع الكلام الايام دي

احسن حاجه توصل المعني هي الامثله ..

بجد الحاجات دي انا شوفتها وفعلا ردود توقف اللسان ..

على رأي العرب زمان

(يعتبر الجواب المسكت فن من الفنون فأكثر ماينطلق رصاصه على المخطيء الذي لايقدر الرجال فيخطئ
عليهم فيأتيه الجواب الذي يلقمه حجرا وهو خير من السكوت لأنه يلقن السفيه درسا
ويجعله عبرة لمن غيره والجواب المسكت قيمته في فوريته وسرعته فهو يأتي كالقذيفة يسد فم السفيه )
بصوا كده :

امثله للاجوبه المسكته .. او المخرسه بمعنى اصح ..

- جواب الشهير برناردشو حين قال له كاتب مغرور :انا أفضل منك ،فإنك تكتب بحثا عن المال وانا اكتب بحثا
عن الشرف،فقال له برناردشو على الفور :صدقت،كل منا يبحث عما ينقصه


- وسأل ثقيل بشار بن برد قائلا : ماأعمى الله رجلا إلا عوضه فبماذا عوضك ؟ فقال بشار بأن لاأرى
امثالك !!!!


- قالت نجمة انجليزية للأديب الفرنسي هنري جانسون : انه لأمر مزعج فأنا لا أتمكن من ابقاء اظافري
نظيفة في باريس! فقال على الفور :لأنك تحكين نفسك كثيرا -


تزوج اعمى امرأة فقالت :لو رأيت بياضي وحسني لعجبت ، فقال : لو كنت كما تقولين ما تركك المبصرون
لي


- ويروى ان رجلا قال لإمرأته : ماخلق الله احب الي منك ...فقالت : ولا ابغض الي منك ! فقال : الحمد لله
الذي اولاني ماأحب وابتلاك بما تكرهين


- تشدقت امرأة امام صوفي ارنو بكثرة المعجبين بها وانهم يزعجونها ، فقالت صوفي لكم هو سهل ابعادهم
ايتها العزيزة ...ماعليك سوى ان تتكلمي


- سئل الشعبي : مااسم زوجة ابليس؟؟فقال : ذاك زواج ماشهدناه


- قال رجل لبرناردشو : اليس الطباخ انفع للأمة من الشاعر أو الأديب ؟؟ فقال : الكلاب تعتقد ذلك


- قال الحجاج لرجل من الخوارج : والله اني لأبغضك ، فقال : ادخل الله اشدنا بغضا لصاحبه الجنه



يـــــــــــــــــــــــــــــــــــــــــــــــاه ..

صعبه قوي .. الواحد لو مكانهم هيعمل ايه ..

اعتقد الاستهبال سيد الحلول في المواقف دي ..

انا عجبني الموضوع بصراحه قوي .. اتمنى يعجبكم كده..ومفيش مانع يعني من بعض الاراء

ده انا بقالي قرن منزلتش موضوع .. يعني انتو وزوقكم بقى ..


هتوحشوني تاني وربنا ..

يلا الى اللقاء .. في رعاية الله