السلام عليكم : كام حاجة بالمرة للمرة التانيه

احمد رضا · #1 16-08-2009, 10:03 AM

السلام عليكم ورحمة الله وبركاته

يارب تكونوا أحسن من قبل كدا

أولاً : بالنسبة لقسم ( صوت الأعضاء )

أنا عايز أفهم حاجة دلوقتي .. إيه مُهمة المُدرسين ؟
لما إحنا بنعمل الشغل بتاع التعليمي كله إيه مهمتهم ؟
لما نلاقي في القسم الواحد أكتر من 40 مُخالفة يبقي إيه المُهمة اللي بيقوم بيها مُدرسين الموقع الكِرام ؟

حاجة تانية

إيه لزمة مُشرفين الأقسام
لما كُل المُخالفات بتترمي في صوت الأعضاء
طيب ما انا عندي فكرة قديمة
كل قسم يبقي فيه مُخالفات مثلا القسم ( الفُلاني )
والعضو اللي حابب يحط مُخالفات القسم يحطها
يبقي كدا كل واحد يشوف شغله
ويبقي مُهمتنا إشرافية إدارية ياجماعة
لإن فعلاً ساعات كتير الواحد بيزهق من كتر المُخالفات اللي بتتحط ورا بعض دي

ثانياً : بالنسبة للاستاذة رانيا
طبعاً الأخ عصام - جزاه الله خيراً - كان أيام المشاكل لمجرد إنها بتقول رأى دخل بخط احمر كبير
ورمي إيحاء مش لطيف إنها علي علاقة بأحد الأعضاء
ودي سمعة بنات
وفضلاً منها ومن اساتذة أفاضل كتير
استنوا عشان الحب والإحترام اللي بيني وبينهم
لما اتكلمت مع أكتر من شخص وقولتله يستني علينا شوية لغاية ما الإمتحانات تخلص
لإن الإمتحانات كان فاضلها شهر ونص
وحقكم هيرجعلكم
طبعاً إحنا خسرنا ناس كتيرة
وأولهم استاذة رانيا
من فضلكم
ياريت ينزل إعتذار باسم الإدارة
للإستاذة رانياً أولاً
ولباقي المُدرسين ثانياً
وعودتهم لمنصابهم الإشرافية والإدارية
لإن إحنا مش بنحتكر حد
دول بيقدموا دِتا علمية للجميع
وللخير
ومن الناس اللي اتعرضت للإهانة بشكل مُباشر
استاذ وليد عسكر علي ما أعتقد - لمشاكل شخصية -
واستاذة رانيا بردو - لمشاكل شخصية -
واستاذة دعاء شديد ونعمة محمود
- لاعتبارات أخرى -

فأرجوكم عايزين نرد حق الناس دي ولو مش حقهم
يبقي نرد جزء من مساعدتهم لينا في طول السنة
وهكرر الإعتذار الأول يبقي باسم استاذة رانيا ضروري
لإنها من أكتر الناس اللي اتعرض للإهانة والتجريح

شكراً
أرجو الرد السريع ونسخ الموضوع لحجرة مجلس الإدارة