حد يفهمني ... بس بلاش الوزير !!

[mohamednasser]

والله الواحد يحمد ربنا انه لسه عايش لغاية دلوقتي من كتر الافتكاسات اللي الوزارة بتاعتنا بتطلعها كل شوية .. واخرها احنا المتعاقدين من 2004 وما قبلها أو حتى اللي بعدنا بسنة أو اتنين .... اول حاجة عايز افهمها بس بلاش الوزير يفهمهالنا لانه اصلا محتاج حد يفهمه اصلا هوة شغال ايه بالضبط .. ازاي واحد متعاقد بقاله 5 سنين يقارن بناس متعاقدة من 6 شهور !!!دول حتى لسه مدخلوش الجيش (والله عندنا واحد خلص معهد اتعين مدرس حاسب الي ولسه مكملش 21 سنة واحنا قعدنا 5 سنين في الشارع واتعينا) ازاي يقول في جملة واحدة كل المتعاقدين ؟...لازم يكون هناك فرق بين ناس متعاقدة من 5 سنين وناس متعاقدة من سنة .. وبعدين ايه حكاية بشري للمعلمين المساعدين!!! مين هما بالضبط..؟ اللي بقاله 6 سنين هيدخلة امتحان صلاحية ومش هياخد الرخصة او صلاحية المعلم الا بعد اجتيازه 4 مواد من مواد icdl ؟...ازاي ممكن ان واحد جاي حديث التعيين بعديه ب4 سنين يتثبت وهوة لا ... !!!ثاني حاجة الوزير نسى ال 80 الف اللي هوة هيثبتهم في اول العام الدراسي الجديد هيكون برضه من فئة المعلمين المساعدين حتى بعد ما يتثبتوا ..؟؟!!

يا جماعة حاجة من اتنين .. يالوزير مش فاهم يالوزير مش عايز يفهم ..

[mr_moh55555]

الوزير مش عايز يفهم

[ا/توفيق عزت]

اثنان لا تتكلم معهما
اذا القوا السلام .... لا ترد عليهم .......... فان ردك عليهم خطأ سوف يفتح عليك باب الخسائر
هما : ساقط الاعدادية.......... و ساقط الثانوية
الاول ادخلوه دبلوم التجارة و اصبح اليوم ادارى قديم
و الثانى ادخلوه الحقوق ب 50% و اصبح محقق اول
و كلاهما فى الاصل بلا مهنة او عمل يدر عليه رزقا
و لذلك عينتهم الحكومة اعانة اجتماعية
يعينوهم فين ؟؟؟؟؟؟؟؟؟؟؟ ما فيش غير مزبلة المجتمع التى يلقى فيها فضلاته
و كلاهما الآن يحقدون على مشرف النشاط لان الحكومة قالت : سوف نستفيد من مشرف النشاط .. اما الادارى و الشئون القانونية ( 560 الف ) نصف عدد المدرسين و بدون لازمة و بدون عمل
ــــــــــــــــــــــــــــــــــــــــــــــــــ ــــــــــــــــــــــــــــــــــ
اخى ............ ارسل شكوتك و بالريد المسجل كما فعلت انا العام الماضى شهر 7/2008 و جاءنى المحقق و فى مكتب السيد مدير المدرسة المحترم
قال لى اريد منك اقوال ........... قلت له انا لا اعطى اقوالى الا الى النيابة العامة او النيابة الادارية
حاول و تحايل و قال : انا استطيع ان أؤذيك و ارسل تقرير عنك للأمن !!!!!!!!!!
قلت له : اذهب الى اى أمن و أى جهة ........ و ربنا معاك و ما تأكلشى سمك و لا بيض و لا مخلل لان به نسبة املاح ترفع ضغط الدم
نظر للسيد مدير المدرسة و قال له : انت شاهد .. وقع على الكلام الذى حدث !!!!!!!!!
وقع له المدير
النتيجة : خطاب رد على ما ارسلته للنيابة الادارية ب أبو كبير مبعوث من النيابة الادارية : تمتن ازالة اسباب شكوك و نرحب باى شكوى منك !!!!!!!!!!!!!!
و الخطاب الذى ارسلته للوزارة جاء لى نفس الرد : تم حفظ الموضوع بعد ازالة آثار شكواك و نرحب بك ..............
ان خفت ما تعملش............. و ان عملت ما تخافش
و يفوز باللذات كل مجازف .... و يموت بالحسرات من قدر العواقب
و لك تحياتى و دعواتى

[Abu Menna Mohamed]

مستر توفيق
انت مدرسة !
كل يوم نتعلم منك الجديد !
بارك الله فيك و وهبك العمر المديد و الرأي السديد !

[mr_moh55555]

مستر توفيق

انت نموذج للمستر

وانا فخور بكوني مستر انجليزي مثل معاليك

يارب نوصل لنصف رجولتك و شهمتك و جرأتك

[mr_moh55555]

اثنان لا تتكلم معهما
اذا القوا السلام .... لا ترد عليهم .......... فان ردك عليهم خطأ سوف يفتح عليك باب الخسائر
هما : ساقط الاعدادية.......... و ساقط الثانوية
الاول ادخلوه دبلوم التجارة و اصبح اليوم ادارى قديم
و الثانى ادخلوه الحقوق ب 50% و اصبح محقق اول
و كلاهما فى الاصل بلا مهنة او عمل يدر عليه رزقا
و لذلك عينتهم الحكومة اعانة اجتماعية
يعينوهم فين ؟؟؟؟؟؟؟؟؟؟؟ ما فيش غير مزبلة المجتمع التى يلقى فيها فضلاته
و كلاهما الآن يحقدون على مشرف النشاط لان الحكومة قالت : سوف نستفيد من مشرف النشاط .. اما الادارى و الشئون القانونية ( 560 الف ) نصف عدد المدرسين و بدون لازمة و بدون عمل

اذا توفيق انت فعلا مدرسه وانا وديع بتاع اعلان ميلودي
كلامك بينقط حكمه و صدق وينم عن تجربه حياتيه عريضه
واريد بعد اذنك اضيف ثالث
اللي اطوع في الجيش و بيقول علي المدرس...ايه دا حتته خوجه مرتبه انا بصرفه علي القهوه

[سها أحمد شوقي]

علي فكره انا العقدبتاعي معلم مساعد متعاقده تقريبا من سنه وثلاث شهور بس علي فكره أنا معاك في رأيك المفروض التعيين من الأقدم في التعاقد إلي الاحدث وده حقك وحق كل زمايلنا وعلي فكره دي حاجه الكل يؤيدها ومحدش يقدر يزعل منهابس في مشكله في العقد بتاعنا(المعلم المساعد) إن شرط من شروط إستمراريته هوأخذ رخصة معلم في خلال السنتين زي مهو برده مكتوب فيه شرط أخذ الدبلومه التربويه وكلنا بجد محتاجيين حد يفهمنا وعلي العموم في النهايه(يااارب التوفيق لنا جميعا) لان كلنا في حاجه لحافز يشجعنا علي الإستمرا.