الخوف من المجهول

[marwa.m]

السلام عليكم ورحمه الله وبركاتة

كل عام وانتم بخير

ندخل فى الموضوع علطول ...
أكثر ما يخشاه الناس هو المجهول وهذا الخوف أوقفهم في

أماكنهم أزمنة طويلة وعلي عدة مستويات,وعدم التحرك كان بسبب الخوف الشديد بما قد يحمله المجهول من مكروه,علما بأننا نواجه المجهول يوميا فعندما نستيقظ في الصباح لنبدأ يومنا هل نعرف ماذا ستحمل لنا ساعات وثواني اليوم ؟سؤالي القادم موجه لمن يخطط لساعات يومه وكيف سيقضيها كم مرة تغير مخططك اليومي بسبب أوضاع أو ظروف طرأت فجأة ولم تكن في الحسبان سواء كانت جيدة أو العكس كلمة "ولا كان في بالي " ألا تعني الوقوع في المجهول الذي لم تكن تعرفه!! ولو عرفت بأن هناك أمرا ما سيحدث وخيرت للتوجه نحوه أو الوقوف في مكانك أعتقد أن النسبة العظمي من الناس سوف تختار الوقوف في مكانهم معتقدين أنه لن يصيبهم الا المكروه. كثير من الفتيات امتنعن عن الزواج بسبب خوفهن من المجهول الذي ينتظرهن مع هذا الرجل وكثير بقوا في أماكن عملهم رغم ضيقهم منها لأنهم خائفون من المجهول الذي ينتظرهم في مكان آخر والأمثلة كثيرة ........................................... لو أعدنا ذكرياتنا قليلا للوراء ورأينا المواقف التي تعرضنا فيها للمجهول خاصة الذي كان باختيارنا وأقصد المجهول الذي تذهب اليه بحكمة وليس بتهور ستجده من أجمل التغيرات التي مرت في حياتك حتي لو كانت مليئة بالعثرات والصعاب في بدايتها.وسؤالي الآن هل تخافون من المجهول؟والي أي مدي تصل نسبة هذا الخوف؟

[Meeroo92]

المشاركة الأصلية كتبت بواسطة marwa.m

لو أعدنا ذكرياتنا قليلا للوراء ورأينا المواقف التي تعرضنا فيها للمجهول خاصة الذي كان باختيارنا وأقصد المجهول الذي تذهب اليه بحكمة وليس بتهور ستجده من أجمل التغيرات التي مرت في حياتك حتي لو كانت مليئة بالعثرات والصعاب في بدايتها.وسؤالي الآن هل تخافون من المجهول؟والي أي مدي تصل نسبة هذا الخوف؟

الخوف من المجهول ده حاجه مسلم بيها بس الايمان بالله والايمان بأنه لن يصيبنا الا ما كتب الله لنا ده اكيد هيقلل نسبة الشعور بالخوف من المجهول والمستقبل...
الحياة مافيهاش متعه ولا ليها لزمه من غير مفاجئات ومجهول لأن الحياه عباره عن مطبات وكل واحد بيحاول يعديها
احيانا بيكون المجهول اللى جاى ده احسن حاجه ممكن تحصل للأنسان يعنى انا مثلا كنت فى مدرسه من وانا صغبره لجد اعدادى ولما قلت هنقل فى ثانوى واسيب صحابى كنت حاسه انى هموت وانى هيجرالى حاجه وخايفه من اللى ممكن يحصل بس لما نقلت كانت احسن حاجه حصلتلى وحاليا انا مستنيه نتيجة تحويلات الكليه وخايفه من اللى جاى والسفر بس اكيد اللى ربنا عايزه هيكون واكيد خير وان شاء الله المجهول ده يكون احصل حاجه حصلت
"قل لن يصيبنا الا ما كتب الله لنا"
وجزاك الله خير على الموضوع

[**(elktra)**]

المشاركة الأصلية كتبت بواسطة marwa.m

.وسؤالي الآن هل تخافون من المجهول؟والي أي مدي تصل نسبة هذا الخوف؟

لا طبعا مش بخاف منه
لكن هو قلق وتفكير في المستقبل
بجد موضوع رائع جزاكي الله خيرا

[هانى الشرقاوى]

بصراحة
أنا من النوع اللى لو الخوف مسكه بيقضى عليه
أنا فى فترة من الفترات كنت مريض نفسيا بسبب الخوف وده حصل بسبب موقف حصل معايا
كانت عربية خبطت واحد صاحبى وانا بنتمشى أنا وهو على الطريق بعيد والسواق وقتها هرب وسابنا

وبعدها فضلت فترة أشوف كل حاجة بغير حجمها الطبيعى
كنت بشوف نفسى صغير أوى أد عقلة الاصبع وكنت بشوف اى حاجة ثابتة أو متحركة على انها عملاق واقف قدامى عملاق كبييييييير
وكنت بهرب من الخوف للنوم وكان كمان العلاج اللى أنا بخده فيه منوم

ولسه لحد دلوقتى لسه فيه ذكرى عالقة بذهنى من التجربة دى مش قادر أنساها


من الاخر يعنى
أه أن بخاف من المستقبل

[marwa.m]

المشاركة الأصلية كتبت بواسطة meeroo92

الخوف من المجهول ده حاجه مسلم بيها بس الايمان بالله والايمان بأنه لن يصيبنا الا ما كتب الله لنا ده اكيد هيقلل نسبة الشعور بالخوف من المجهول والمستقبل...
الحياة مافيهاش متعه ولا ليها لزمه من غير مفاجئات ومجهول لأن الحياه عباره عن مطبات وكل واحد بيحاول يعديها
احيانا بيكون المجهول اللى جاى ده احسن حاجه ممكن تحصل للأنسان يعنى انا مثلا كنت فى مدرسه من وانا صغبره لجد اعدادى ولما قلت هنقل فى ثانوى واسيب صحابى كنت حاسه انى هموت وانى هيجرالى حاجه وخايفه من اللى ممكن يحصل بس لما نقلت كانت احسن حاجه حصلتلى وحاليا انا مستنيه نتيجة تحويلات الكليه وخايفه من اللى جاى والسفر بس اكيد اللى ربنا عايزه هيكون واكيد خير وان شاء الله المجهول ده يكون احصل حاجه حصلت
"قل لن يصيبنا الا ما كتب الله لنا"
وجزاك الله خير على الموضوع

ان شاء الله خير

شكرا على مرورك

[**تسابيح**]

انا اخاف خايفة من المستقبل واللي هيحصل فيه
بس بسبها ع ربنا لانه الرحيم
ربنا يهدينا ويرحمنا

[Yehemak_Fe_Eh]

انا رايى ان اى حاجة جديدة على الانسان واول مرة يمر بيها لازم تبقى مجهول المدرسة والجامعة والشغل وكل الحاجات الاساسية فى حياتنا لو اول مرة نشوفها اونمر بيها لازم تبقى مجهول والعلم موجود علشان يكشف لنا المجهول اقصد جزء قليل جدا من المجهول لان المجهول مفيش حد ابدا يعرفه غير ربنا
انا بخاف من المجهول جدااا بس بحب كتير اكتشف حاجات مش عارفاها انا كمان مستنية نتيجة التحويل ووخايفة موت من اخطر مجهول حصل فى حياتى ويا رب يبقى احسن مجهول بس حتى لو مكنتش النتيجة كويسة بالنسبة لى فاكيد ربنا ليه حكمة فى ده
بجد الموضوع جميل جداااااااااااااا شكرا اوى

[marwa.m]

المشاركة الأصلية كتبت بواسطة **(elktra)**

لا طبعا مش بخاف منه
لكن هو قلق وتفكير في المستقبل
بجد موضوع رائع جزاكي الله خيرا

اها اكيد كلنا بنلقق من المستقبل
بس المشكلة لما يتحول الى مرض عند بعض الناس