|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
24-08-2009, 04:43 PM
|
|||
|
|||
الحصة الأولى فى بداية مشوار الثانوية العامة!
بسم الله الرحمن الرحيم
من شوية فوقت على مكالمة مفاجئة من صديق ليا وقاللى إن بكرة هيكون أول درس لينا السنادى، درس Math طبعاً أنا صُعقت زى ما بيقولوا وإتخضيت جداً وبقيت مش عارف أعمل إيه، ده بعد ما كنت مهيأ نفسياً ومؤهل "فنياً" إنى أبتدى فى أى وقت إن شاء الله، بس طبعاً دى غريزة فينا. المهم أنا بستأذن بقى الناس الخبرة السابقين يقولوا نصايحهم للتجهيز السليم للبداية بالتفصيل بعد إذنكم  وربنا يخليكم على المساعدة مقدماً 
|
|
#2
25-08-2009, 03:34 AM
|
||||
|
||||
احسن استعداد للثانوية هو عدم الاستعداد لها
الحاجات اللى بتربك الواحد وتبهدله في الثانوية إنه بيدخل على الثانوية على إنها ثانوية عامة لكن في الحقيقة ما هي إلا "مرحلة الثانوية العامة" يعني مرحلة زي المرحلة الابتدائية والاعدادية حتترعب وتكبر من كلمة الثانوية يبقى حتخاف وحتفشل فيها حتستصغرها وتذلل صعابها وتقول ماهي سنة زي اي سنة عدت يبقى حتمشي وحتقدر تمسك اعصابك وقت الامتحانات وده من اهم الحاجات اللى ياتنزلك يا ترفعك التحكم بالاعصاب خليك عادي وامشي زي ما كنت ماشي كل اللى المفروض تعمله زيادة إنك تذاكر بذمة اكتر وزي ماعديت في السنين اللى فاتت بمجموع حلو حتعدي السنادي بمجموع احلى لإنك ذاكرت بضمير اكتر الفرق الوحيد بين هنا وقبل كده الدروس الاجبارية روح الموضوع ده كنت رديت هناك وردي حيكمل كلامي هنا http://www.thanwya.com/vb/showthread...54#post1531554
__________________
It was over 3 years since my last visit 
|
|
#3
26-08-2009, 11:11 AM
|
||||
|
||||
|
عادي جدا ياعم والله انت عارف ايه اللي بيخلي الناس تذاكر حلو في الثانويه العامه انك بتكون مقبل علي مواد عايزه تركيز وحل كتير وده هتكتشفه بنفسك لما تلاقي نفسك بتحل وكتير وتبتدي تسخن كده وتلاقي نفسك بتخلص كتابين تلاته في الحل والمراجعات ومتقلقش كل حاجه في الثانويه العامه الدفعات السابقه كانت بتعملها هتلاقي نفسك اوتوماتيك بتعملها احنا كنا زيك كده انا كنت بمشي في الشارع الاقي واحد من بعيد ينادي ويجيي جري انس هه انس هه انا عايز اقوللك هه انا الدرس بكره الساعه 4.5 هه وطبعا هو بينهج من الجري طبعا بيبقي صعبان عليا علشان مبروحش اول حصه مش عارف ده دستور عندي ولا ايه المهم ارجو للك التوفيق في الثانويه العامه
|
|
#4
26-08-2009, 01:56 PM
|
||||
|
||||
|
بص يا سيدي الثانوية العامة دي عايزة المثل بتاعك امسك العصاية من النص ، يعني اية ؟يعني مش تكون تنشن اوي وخايف وقلقان ومرتبك ومش عارف تنام وحاسس انك ضايع ، وفي ننفس الوقت مش تنفض ويبقى عندك لا مبالاه لأن في الحالتين هتكون النهاية الفشل ,
انتا تبقى خايف بس مش خوف يعني رعب .لأ خوف يشجعك انك تذاكر وفي نفس الوقت تبقى مقتنع انها مرحلة دراسية عادية جدا كل الفرق فيها انك هتهتم زيادة عن باقي السنبن . ونظم وقتك وخلص الي وراك اول باول دة هيديك ثقة عالية اوي ان شاء الله ربنا يوفقك
__________________
 why should I care wat people think of me Iam who Iam & who I wanna be
|
|
#5
26-08-2009, 08:58 PM
|
||||
|
||||
|
نصيحة
ذاكر اول باول ومتركنش حاجة عليك ومتخدش كل حاجة على اعصابك يعنى خليك ريلاكس خالص ولو انت داخل اولى بلاش تبذل جهد جامد اوى فيها علشان لما تيجى تانيه وتالته متكنش زهقت وتعبت مش معنى كدا انك تهمل ومش تذاكر لا لازم بردوا تذاكر وتثبت وجودك
|
|
#6
27-08-2009, 10:02 PM
|
|||
|
|||
|
أنا اليوم اللى أتفقت فيه ع درس الاحياء و الفيزيا
قعدت أعيط معرفش ليه بس اللى حصل بقى يلا الحمد لله انها عدت ع خير ...... متورتش نفسك بس أهم حاجه مجرد شكه دبوس
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
#7
27-08-2009, 11:53 PM
|
||||
|
||||
أهم حاجة إنكم ماتقلقوش نفسكم و خلاص
يعنى خدوا الحكاية عادى خالص أكنها سنة زى باقى السنين ماتعملوش غير إنكم تذاكروا الدروس أول بأول و متأخروش المذاكرة عن وقتها و طبعاً تهتموا بالصلاة و قراءة القرآن علشان ربنا يباركلكم و ييسر عليكم الصعوبات و ربنا يكرمكم و يوفقكم يا رب
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:24 AM.
