معامله الناس

[timo mido]

بسم الله الرحمن الرحيم
اولا كل سنه وانتم طيبين
ثانيا ده اول موضوع ليا في القسم ده اتمني انه يعجبكم
ثالثا نيجي لموضوعنا



احنا بنتعامل ازاي مع الناس وهل دي الطريقه اللي احنا نحب انهم يعاملونا بيها وهل بتختلف معاملتنا من شخص لاخر وهل المعامله دي هي اللي هتخلينا الناس يحبونا هي دي الاسئله اللي هحاول اجاوب عليها في موضوعي


نبدأ بالسؤال الاول انا شايف ان المعامله بين الناس عموما اصبحت وحشه اوي مش عارف ليه ؟؟؟؟؟؟؟ ممكن يكون السبب ان معظم التعاملات بين الناس دلوقتي بقيت قائمه علي المصالح والمنفعه ولا ممكن عشان ظروف المجتمع والانفتاح علي العالم الغربي ولا ممكن السبب هو الكمبيوتر ازاي؟؟؟؟؟؟؟؟؟ احنا اكيد كلنا بنقضي وقت طويل علي الكمبيوتر انا وجهه نظري ان ده ممكن يسبب انطوائيه فبقي الانسان اللي بيقضي معظم وقته علي الكمبيوتر يفتقد الاحساس بالناس فمش قادر يتعامل معاهم كويس او يفهمهم لانه اصبح متعود علي التعامل مع الاله


السؤال التاني ان في كتير من الناس بتتعامل بطريقه هما ما بيحبوش يتعاملوا بيها واعتقد ان الحل اننا نحط نفسنا مكان اللي قدمنا قبل ما نتكلم (عامل الناس بمثل ان تحب ان يعاملوك)

السؤال الثالث المفروض نعامل الناس كلها بطريقه واحده بس ما ينفعش كده لان الناس ثقافتهم بتختلف وكمان اسلوبهم وده بيخلينا في حيره نتعامل ازاي؟؟؟؟؟؟؟؟؟؟؟؟؟ وهل ده ممكن يزعل حد اللي احنا نعامله بأسلوب مختلف عن واحد تاني؟؟؟؟؟ اسئله كتير بصراحه مش عارف اتكلم فيها

وفي النهايه احب اقول ان الاسلام هو دين المعامله
اسيبكم انتوا تتكلموا اصل انا حاسس ان انا مش قادر اعبر عن افكاري