انهم يصنعون الثروات دون ان تدري

[بروف انس]

اعتقد ان الموضوع ده يكون خطر في بال حد بس يكون اتاخر شويه في طرحه

الموضوع بيتكلم عن الناس اللي بيعملوا ثروات " طبعا انا مش بحسد "

او ممكن يكونوا بيسرقونا واحنا راضيين او محرجين

نيجوا لاول مثال لما تكون راكب في ميكروباص ولك شلن او10 قروش باقيين

عند السواق لما تقوله الباقي يا اسطي يبقي كده انت زعلته ويقول يا فتاح ياعليم يا رزاق ياكريم

اصطبحنا بوش مين النهارده يا استاذ دا شلن انت هدقق علي شلن

طبعا انت الرد بتاعك خلاص يا اسطي مش مهم ولو انت اصريت علي حقك تلاقي

واحد قاعد جنبك او وراك يا استاذ دا شلن مش مهم ودا سواق بيجري علي عيال

انت بقي بتبقي محرج في الميكروباص وخلاص حسيت انك الوحيد البخيل

بين الناس كلها وان السواق احرجك " شكلك بقي وحش اوي "

بالنسبه لصاحبنا السواق لو باقي له شلن بيوقف العربيه في نص الطريق اللي مدفعش

يا اساتذه كله يحس ان في حد مزوغ من الاجره وتلاقي السواق بيدور علي شلن

كمان تلاقي الجماعه السواقين دول يركبوا خمسين واحد في كرسي وعايز

يملا العربيه علي اد ما يقدر وانت لو معجبكش متقدرش تتكلم

انا حصلت معايا في مره الكرسي بياخد ثلاث ركاب

والسواق عايز يركب اربعه طبعا انا كنت زهقان وحلفت بالله ان مفيش اكتر من تلاته

هيركبوا في الكرسي وطبعا الناس عماله تهدي فيا وخلاص يا استاذ واستحمل كلنا مستحملين

قلتلهم انا مبقلش غيري انا بدفعله اجره عايز يركب اربعه هدفع نص الاجره ان كان عاجبه

طبعا السواق ولا قدر يفتح بقه اصل اف انه بيتكلم مع واحد فاهم ومتمسك بحقه

المثال الثاني :- شركات المحمول

شركات المحمول دي بتنصب علينا نصب محدش يقدر يتخيله مفيش حاجه اسمها مكالمات اسمها ب 9 قروش

او الكلام ده علاوه علي ذلك مبيحددوش سعر المكالمه الا بعد ما تتصل

وكمان لو انت قريت العقد لما تشتري خط تلاقي ان الدوله بتعطي لشركات المحمول حقوق وتستغفلنا جامد

احد الحقوق دي مثلا لو انت بتتصل بحد والشبكه بتقطع هم مش مسئولين وان سعر المكالمه هيخدوه منك

وهم ممكن يغيروا خواص اي خدمه انت مشترك فيها بدون الرجوع للمستخدمين

مش عارف اذا كانت شركات المحمول بتدفع رشاوي للحكومه ولا ايه

كمان اسعار المكالمات المتفاوته تلاقي مثلا سعر دقيق ب 10 قروش وساعات تلاقيها

بجنيه ونص وساعات ب5 جنيه

كفايه المثالين دول في امثله كمان بس احب اعرف رايكم في الموضوع ده