|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-10-2006, 08:26 PM
|
||||
|
||||
موضوع للكل ( ممنوع دخول ولاد ابو اسماعيل )
أزيكم يا جماعة عاملين أيه
طبعا كلنا نسمع عن العنصرية والعنصرية بدأت ببداية أمريكا يعني بداية القرن ال15 تقريبا كانت بدايتها الجثث والمجازر والأبادات بعد مياخدوا السود من افريقيا بعد وعود وردية بالعمل في ال(New World) بيرحوا هناك يكتشوفوا أنهم مجرد عبيد شغالين بأقل سعر والي احلى من كده ان فيه درجات كمان للعنصرية يعني الي لونه فاتح شويه (لون بشرته يعني) ده بيكون خادم جوه البيت الباقي بقى الي هما السود بيشتغلوا في الارض ويناموا في الحظيرة بدا تمرد السود على المعاملة الغير أدمية دي تماما وهنا بدا الصدام بين البيض والسود والي مكنش في صالح السود خالص ورغم سياسية القمع الخرافية الي كانت ضد السود ظهر ناس بالنسبالي ابطال وقفوا قصاد النظام وعرفوا أزاي ياخدوا حقوقهم تدريجيا يعني فيه ست فاضله كده مش فاكر اسمها للاسف بس عملت حاجه جميلة أوي زمان كان البيض بيركبوا الاتوبيس عادي وفي الاخر بيقعد السود الست دي قعدت في كورسي بتاع البيض والظابط جي علشان يقومها رفضت وصممت على موقفها ودخلت السجن وحصلت مظاهرات جامده جدا بسبب الست دي وبالمناسبة هيه لسه عايشة لغاية دلوقتي بعديها كان فيه ناس الي مشهورين الى حد ما زي مارتن لوثر كينج واليجا محمد والرجل العظيم (Malcom X ) الي لازم اعمل موضوع عنه قريب ان شاء الله والناس دي خدت حقوقهم بشكل ما تدريجيا بس برضو فيه عنصرية لغايه الان والي بان اوي وشها القبيييييييح في اعصار كاترينا وطبعا فيه عنصرية ضد الملونين بشكل عام وكمان ضد الاصوال العربية أو الاسلامية أو الآسيوية واللاتينية وغيرها محدش ينسى الى حصل بعد 11 سبتمبر والكلام ده مش في امريكا وبس لا في دول تانية زي جنوب افريقيا الي كانت مقسومة نصين بجد يعني البيض في حته والباقي في حته تانيه الي يحرق دمك ان البيض اصلا 5 مليون والباقي 29 مليون وبرضو كان فيه ابطال عرفوا ازاي ياخدوا حقهم زي طبعا نيلسون منديلا ومن الحجات الطريفة شويه اني شفت بنفسي اعلان عن حاجه زي مؤتمر كده عن العنصرية وفي أخر الاعلان مكتوب NO CANADIAN يعني ممنوع دخول الكنديين !!!!! مش عارف هيتكلموا عن اي عنصرية في المؤتمر ده (دلوقتي اكيد عرفت قصدي بعنوان الموضوع) وفيه ممثل كوميدي أسمه Dave chappelle ليه برنامج مشهور جدا أسمه Chappelle's Show أول حلقة عمل حاجه استحاله تتخيلها تصور ان فيه واحد اسود اصلا بس أعمى ومش عارف انه اسود والناس قالت ليه أنه أبيض وبقى أبيض متعصب جدا ضد السود وبيشتم فيم وبقى كبير جماعة الkkk ان شاء الله برضو هبقى ارفع الحته دي الشاهد من ده كله ان العنصرية موجودة وفي كل مكان بس ده مش سبب اني كتبت الموضوع انا بس كنت عايز أسال سؤال هل العنصرية موجودة في مصر؟ ياريت بجد أسمع رائيكم في الموضوع ده وانا هقول رائي بعد مسمع رائيكم على طول بس مبدئيا كده فيه عنصرية فعلا في اللبس والشكل والمسكن والتعليم وفي كل حاجه آخر تعديل بواسطة أسيل رزق ، 21-07-2009 الساعة 11:57 PM سبب آخر: تعديل العنوان |
|
#2
27-10-2006, 08:57 PM
|
||||
|
||||
|
العنصرية فى مصر افتكر ايوه ومش فى اللون وبس فعلا فى كل حاجة
المصريين دلوقتى بقوا طبقتين طبقة غنية أو حرامية و طبقة فقيرة دا برده عنصرية موضوع رائع فعلا وجميل جزاك الله عليه خيرا
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 21-07-2009 الساعة 11:59 PM |
|
#4
27-10-2006, 09:15 PM
|
|||
|
|||
|
العنصرية فى مصر عنصرية اختلفت فى معاناها عن العنصرية التى نعرفها هى عنصرية قد سلكت طريق اخر طريقا قد ميز بين فئات المجتمع وعدنا الى النظام الطبقى من جديد ليس العنصرية هنا فى التفرقة بين البيض والسمر ولكن التفرقة فى مجتمعنا بين الأغنياء الذين اعطتهم الدنيا من خيرها والفقراء الذين ورثوه عن ابائهم هذه هى التفرقة التى نعيشها اليوم
__________________
 اعطيتنى يا سيدى الحبر .....وطلبت منى الكلمات وكيف اكتب ياسيدى ......ومازال قلمى فى جيبك ان اعطيتنى قلمى ......فما عاد للكلمات من معانى اوراقى قد بللها الدمع ... ...ومزقتها الأيام وقدجرحت نظراتك احساسى...... وافنت كلماتى وما عاد لإعتزاراتك .......من معانى ان كنت تريد قلمى فحتفظ به .... فربما يكون اخر زكرايا سافر الى اخر البلاد .....وتذكر انك تركت فى العباد حبيب يدق قلبه براياك ...لكنى لن أعود للقاء |
|
#6
27-10-2006, 09:25 PM
|
||||
|
||||
|
لا صراحه انا ما شفتش العنصريه اللونية دي في مصر بدليل الناس اللي جايين من السوادن وتلاقيهم في كل مكان في مصر والناس بتعاملهم كويس وعادي جدا
بس العنصريه اللي في مصر عنصريه دينيه وطبقيه هتقولي دينية ازاي يا عم ده احنا بلد مسلم هقولك ما هي دي المصيبه اصل حكومة هانم فافي شويتين ومعندهاش اي شخصيه وبتخاف كتير من ماما امريكا وكل الأمهات المتحدة " قصدي الامم المتحدة" فتلاقي لو اتنين شباب اتخانقوا في الشارع زي ما بيحصل في اي مكان وهب هب جه امين شرطه محترم بس يلا انت وهو بس يا بن ... (بيب ) رقابه ما تخدوش في بالكم المهم يشد الاتنين علي القسم وبطاقتك يلا انت وهو والاتنين يطلعوا البطاقة ويشوف اول بطاقة ويرميها علي جنب وبعدين يبص في التانيه وتلاقيه تنح شويه وبعدين جاب ألوان وبعدين يروح مرجع البطاقة التانيه دي لصاحبها ويقوله تقدر تروح دلوقتي والتاني يقول وانا يا بيه يقوله لا انت هتشرف شويه ويخرج الأول ويقعد يبص في بطاقته كده وهو مش فاهم اي حاجه ويسأل نفسه هي البطاقة مكتوب عليها مخابرات ولا امن دولة ولا حاجه ويقعد يراجع في اسمه يمكن يكون علي اسم واحد من كبار الدوله " يا عم انت دخلت في النوع التاني من العنصريه كده ..... حاضر معلش خلينا نرجع " المهم يحط بطاقته في جيبه ويمشي خلينا بقي نرجع الاوضه تاني الاخ اللي لسه جوه يقوله ايه يا بيه انا مش همشي انا كمان وكأنه قال مش عارف ايه تلاقي البيه المحترم قام خابط علي المكتب زي ما بتشوف في الافلام ويقوله انت يا بن مش عارف مين عايز تعمل فتنة طائفيه في البلد وطبعا الاخ يقول زي ما يقول هو خلاص كده بقي مهدد بتمة عمل فتنة طائفية ويمكن يلبسوه كمان تهمة التأمر علي قلب نظام الحكم بس بصراحه يعني بيحترموه اوي جوه وبيأكلوه كمان المهم هو بياكل اللي فيه النصيب ويخلع وهو مطلوب منه بعد كده لو حب يتخانق لاي سبب من الاسباب مع اي حد يسأله علي اسمه الاول اصل الحكاية ان الاخ اللي مشي علطول ده اسمه مايكل ماجد مرقص نيكولاس اما الاخ اللي شاف احلي احترام جوه ده كان اسمه محمد يارب حد يكون فهم حاجه المهم ده نوع من العنصريه في بلدنا النوع التاني بقي اللي هو النوع الطبقي وده من اسمه مش عايز كلام كتير ورغي زي الاول معاك اتنين كيلو كوسه هتوصل مش معاك روح عند امك وعلي فكره مش بيشتروا الكوسه دي من السوق هتلاقيها في اسواق تانيه مكتوب علي مداخلها " ضمير للبيع " وتلاقي جواه واحد قاعد علي قهوة بيقول وعندك واحد وسطه وصلحه للبيه هنا والبيه ده لما يقوم يدفع الحساب هيدفع حاجه بسيطه تمن للواسطه اللي شربها دي يدوب عشرين الف كفاية كده رغي سلام . .
__________________
 |
|
#7
27-10-2006, 09:40 PM
|
||||
|
||||
|
فعلا السودانين هنا كتير في مصر وبنعاملهم عادي
لدرجة ان في قهوه عندنا اسمها قهوة الصوماليين بس والله بتحصل العنصريه الي انت بتتكلم عليها انا السنه الي فاتت في المدرسه حصلت مشكله كبيره واتحولت انا وصحابي للنيابه الاداريه وكان من ضمن صحابي واحد والده نائب وزير الصناعه انا وصحابي دخلنا لرئيس النيابه كلمنا باسلوب وحش وقلنا قول والله العظيم هاقول الحق بس انا كلمني عدل المهم الواد ده دخل رئيس النيابه قاله ازيك وازي بابا وكلمه بكل ادب واحترام واداله رقم تليفونه وقاله خلي بابا يكلمني في اي وقت دانا لو حفيت علي ..... ماعرف اخد رقم التلفون والموضوع لحد دلوقتي مانتهاش لكن انتهي بانسبه للواد لان ابوه كلم نائب وزير التربيه والتعليم وهي دي العنصريه الي موجوده في مصر |
|
#9
27-10-2006, 10:00 PM
|
|||
|
|||
|
انا بقي مالاحظتش العنصريه دي في مصر خالص الا في حاجه واحده
وهي التفرقه في التعامل بين الولد والبنت في البيت وطبعا مش هوضح لان اكيد الكل فاهم سواء البنت اللي خلاص بتقول شوية رحمة او الولد اللي نايم بيستعبط وعامل نفسه مش واخد باله من التفرقة دي وهو طبعا في قمة انبساطه او حتي الاب والام اللي دايما يقولوا احنا عمرنا مانقدر اننا نفرق بينكم في المعامله وبكره لما تخلفوا هتعرفوا وواضح طبعا انهم بيغالطوا في نفسهم.......... شكرا علي الموضوع........
__________________
مخالف قوانين المنتدى ×~ mostafa fathi ~× |
|
#10
27-10-2006, 11:20 PM
|
|||
|
|||
|
فعلا يا لوزا انت كلامك صحيح بس التفرقة ين الولد والبنت قضية يطالب بحقة فيها وخاصة البنات لأنها كائنات ضعيفة ممكن تبان قوية لكن فى النهاية هى ست والبنت محرومة من مميزات كتيرة يما بتخنقها العادات والتقاليد والعيب والصح وكلام الناس
__________________
اعطيتنى يا سيدى الحبر .....وطلبت منى الكلمات وكيف اكتب ياسيدى ......ومازال قلمى فى جيبك ان اعطيتنى قلمى ......فما عاد للكلمات من معانى اوراقى قد بللها الدمع ... ...ومزقتها الأيام وقدجرحت نظراتك احساسى...... وافنت كلماتى وما عاد لإعتزاراتك .......من معانى ان كنت تريد قلمى فحتفظ به .... فربما يكون اخر زكرايا سافر الى اخر البلاد .....وتذكر انك تركت فى العباد حبيب يدق قلبه براياك ...لكنى لن أعود للقاء |
|
#12
22-07-2009, 02:15 AM
|
||||
|
||||
|
اقتباس:
ده انا مصدقتش ان انا ان بقالي كتير منزلتش مواضيع في العام كويس انك نشطيه يا مها شكرا ليكي ولحد دلوقتي لسه فيه برضو عنصرية بس في الغالب بين الاديان انا ليا واحد صاحبي مسيحي وواد كويس جدا خرج معايا في مره وعرفته علي اصحابي المسلمين العيال كانت بتعامله كويسه لكن لما عرفت انه مسيحي مابقوش يكلموه وهو لاحظ كده وقالي انت مكنتش قايلهم اني مسيحي قولتله لا وساعتها معرفتش ارد عليه وصحابي يقولولي انت جايبلنا واحد مسيحي يخرج معانا بس انا شايف ان مفهاش حاجه كل واحد ليه دينه وكل واحد حر آخر تعديل بواسطة أسيل رزق ، 22-07-2009 الساعة 07:19 AM سبب آخر: أخطاء إملائية |
|
#13
22-07-2009, 03:41 AM
|
||||
|
||||
|
عندك حق أخى العزيز ( الدين لله )
و من المفترض إن كل الشرائع السماوية بتحض على حسن معاملة الناس |
|
#14
22-07-2009, 06:39 AM
|
||||
|
||||
|
اقتباس:
واشمعنا انا لما ببقا مع اصحابي المسيحيين مابحسش معاهم بعنصريه ليا من نحيتهم وبيحبوني جدا ومابيحطوش في اعتقادهم ان انا مسلم ومش زيهم ويربطو الدين بالمعامله وليه احنا ديما الي بنعاملهم وحش وبنتضهضهم ليه منكنش احسن منهم ونثبتلهم ان مفيش عنصريه ؟ |
|
#15
22-07-2009, 07:35 AM
|
||||
|
||||
فعلاً و الله النقطة دى بلاحظها كتير أوى بس غالباً إحنا اللى بنظهر عدم تقبلنا ليهم .. هما فى كتير منهم بيعرفوا يخبوا عدم تقبلهم أو عامةً مش بيحسسونا بكده أنا فعلاً كانت واحدة من شلتى بنوتة مسيحية و كنا أصحاب جداً بنيجى و نروح سوا و نتكلم فى كل حاجة حتى لو خاصة بدين أى حد فينا حتى أيام رسم الرسول كانت بتيجى تقولى شفتى المظاهرات اللى اتعملت فى ... علشان الرسول ... و حصل موقف غريب بصراحة جداً .. كنا فى الفصل و رايحين أوضة المسرح فلقيت صحبتى دى وقع منها صورة فيها رسمة كده من عندهم رحت شيلاها من على الأرض و قلت لما نرجع الفصل أبقى أديهالها .. فلقيت واحدة صحبتى تانية مسلمة بترخم كالعادة فا بتفتش جيوبى لقيتها و سألتنى عليها فاقلتلها .. قالتلى طب و شلتيها ليه ماكنتى تسيبها و خلاص .. بصراحة ماقدرتش أقولها أكتر من .. انتى لو كان وجع منك مصحف على الأرض كنتى ترضى إن واحدة تعدى و تكون شيفاه وتسيبه؟؟ إتكتمت  مش فاهمة إيه المشكلة فى كده؟!! أصلاً لما نعمل عنصرية بنفسنا بينا و بين بعض بجد ممكن البلد تتخرب بسبب كده ربنا يهدى الجميع
__________________
إذا فقدت كل شىء و بقيت ثقتك بالله فإنك لم تفقد شيئاً
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:07 PM.
