التوتر يسيطر على المنيا بعد مقتل مسيحى وإصابة ٣ من أقاربه فى مشاجرة مع مسلمين

[محموديسنبك]

التوتر يسيطر على المنيا بعد مقتل مسيحى وإصابة ٣ من أقاربه فى مشاجرة مع مسلمين


سيطرت حالة من التوتر على قرية «دلجا» التابعة لمركز ديرمواس بالمنيا بعد مقتل قبطى وإصابة ٣ آخرين إثر مشاجرة مع مسلمين.

واعتصم مئات الأقباط خارج مستشفى ديرمواس العام حاملين لافتات تندد بما حدث، فيما عززت مديرية أمن المنيا المركز بفرق من الأمن المركزى ومكافحة الشغب، فرضت كردوناً أمنياً حول المستشفى للحيلولة دون وقوع اشتباكات.

وأبدى عدد من الأقباط غضبهم بسبب محاولة الأمن منعهم من الدخول إلى المستشفى للاطمئنان على المصابين لكثرة أعدادهم، وحاول بعض الشباب المعتصمين إلقاء الطوب على المستشفى، غير أن القس ميشيل جابر، راعى كنيسة «نهضة القداسة» بالقرية، تدخل ومنعهم من القيام بذلك.

وعقب شيوع خبر وفاة حنا أمين رزق، ترزى بلدى، تصاعد غضب الشباب المتجمهر خارج المستشفى، وتطور تجمهرهم إلى «اعتصام سلمى» وتزايدت أعدادهم، ورفع بعضهم لافتات مكتوب عليها:«لا لاضطهاد الأقباط» و«لماذا قتلوا حنا؟».

وانتقل مهند مصطفى، وكيل النيابة العامة بمركز ديرمواس، لمستشفى ديرمواس العام فى ساعة متأخرة من مساء أمس الأول، لأخذ أقوال المصابين فى الحادث.

وقال ماهر أمين حنا، شقيق المتوفى: «كنا فى طريقنا لمدينة ملوى لخطبة إحدى الفتيات لابن شقيقى أشرف - مصاب فى الحادث - وركبنا إحدى السيارات التى تعمل على خط «دلجا ـ ملوى»، وانتظرنا طويلاً لاكتمال العدد، ومع عدم وجود تندة تحجب الشمس بالصندوق الخلفى للسيارة نزلنا لركوب سيارة أخرى كانت على وشك التحرك».

وأضاف: «فوجئنا بسيل من السباب والشتائم من جانب السائق نايل منصور، فالتفت حنا (القتيل) ليعنفه واشتبك معه، فأخرج السائق سلاحاً أبيض، وسدد له طعنتين ليسقط أرضاً، وحاول أشرف إنقاذ عمه فكان نصيبه طعنات بالرأس هو الآخر، ولم نستطع الإمساك بالقاتل لتسديده اللكمات لنا بمعاونة شقيقه ولاذا بالفرار».
الرابطhttp://www.almasry-alyoum.com/articl...8&IssueID=1543

[mr_shrefamen2]

السلام عليكم
ايه يعني واحد مسيحي ولا واحد مسلم دا مصري ودا مصري ودول ناس اتخانقوا زي اي اتنين اتخانقوا واحد اتقتل يعني الامور ما فيهاش حاجة غلريبة عشان العنوان يكون بالطريقة دي طاب ما كتير من المسلمين بيقتلوا بعضيهم هو اللي قتل صاحبه دا وقطعوا في نهار رمضان لو حصل دا مع واحد مسيحي كنا علي كدا خربنا الدنيا يا جماعة كفاية بلدنا مش ناقصة توتر وفتن تاني حرام عليكم دي حوادث موجودة وهاتفضل موجودة طالما مفيش اخلاق بين الناس وتحمل السائق بلطجي وشايل سلاح ابيض معاه والراكب معندوش صبر ولا تحمل يعين التنين غلطانين والاتنين مصريين بغض النظر عن الديانة لان الموضوع اساسا ماقامشي علي كدا
ربنا يسرتها معاكي يا مصر يابلدي يا مبتلية علي طول.

[dr.abdullah]

الصراحة ان الغلط على المصري اليوم

انها تنشر الاخبار اللي زي دي

عشان ده بيثير الفتن

ده واحد عادي قتل واحد تاني من غير ميعرف اسمه اوحنى ديانته

يعني لو كان واحد مسلم كان هيتصرف معاه نفس التصرف

[_GUIDE_]

على فكرة الحوادث دى فردية وعادية جدا وبتحصل كل يوم
بس المشكلة ان فى البعض بياخدوها بطابع دينى وبيحاوله يظهره ان فى فتنة وتعصب فى مصر
انا ليا اصدقاء مسحيين كتير وناس فى قمة الاحترام والاخلاق وعمرى ما شوفت منهم اى حاجة وحشة
اللى بينقله الاخبار دى وبيدوها طابع دينى وطائفى هما دول اللى عايزين البلد تولع
او بالبلدى كده عايزين جنازة يشبعه فيها لطم

[بروف انس]

انا مش شايف ان في ابعاد طائفيه في الموضوع واعتقد ان الكاتب هو من يريد جعل الحدث طائفي وتوظيف عنوان المقال من اجل اشعال فتنه طائفيه والاقباط عاملين اعتصام علشان ايه علشان مشاجره عاديه جدا يعني لما واحد يتقتل يقوم الناس كلها عاملين اعتصام انا مش عارف ايه البلد دي

[mr_shrefamen2]

يا اخوان والله العظيم الخير موجود لكن الناس كفيلة تقومه نار بين المواطنين علي حاجة عادية بتحصل كل يوم في اي مكان والمفروض الجرايد ما تنشرش دا عشان بيبقي الموقف حساس شوية عند بعض الناس
تعرفوا انا واحد من الناس اللي مجاورين مسيحيي من اكتر من 30 سنة ما شافوا مننا حاجة وحشة ولا احنا شفنا منهم برضه حاجة وحشة وعلاقات عادية جدا دون نظر لموضوع الدين تزاور وود وواجبات وكمان واحد صاحبي في واحد صاحبه مسيحي علي طول مع بعض في شغلهم او بعد الشغل لدرجة انا المسيحي انا شفته فيرمضان استحالة يعمل حاجة مخالفة في نهار رمضان قدام زميله المسلم مراعاة لشعوره وهو صائم الخير موجود والكلام دا مش من عندي دا كان في عهد الرسول صلي الله عليه وسلم والصحابة رضوان الله عليهم العلاقة طيبة مع اهل الكتاب ومؤمنين كمان احنا فهمنا غلط للاسف سواء مسلم او مسيحي بنكبر المواضع وبرضه نفس التعاليم عند المسيحيين يا اخوانا ماهو كله من عند ربنا
يارب يارب يا مصر يا بلدي يمنع عنك نوايا المخربين والمفسدين ويجعل كيدهم في نحرهم
الدين لله والوطن للجميع

[Eng_lfc]

و الله العيب على الجرايد اللى بتعد تولع المشكلة كده و تكبر الفتن
انا لسه رايح الصعيد و مش هلاقى الكلام ده و لا لأ
و سا رب ما يورينا

[سمر2000]

فعلا الموضوع ليس لة صلة بالديانة ولا السواق كان سالهم انت ديانتكو اية وبعدين كتير من السواقين بيسبو الدين وبيكونو مسلمين يعنى استغفر اللة العظيم دة قاتل قتل واحد واصاب اثنين والجرايد مليانة حوادث قتل وسرقة ونهب ياجماعة لازم نهدى اكثر والصحفى اللى نشر الموضوع بالصيغة دى يتقى اللة مش عشان الصحيفة توزع اكثر ىكتب عنوان يولعها

[totta2010]

ايه دخل الديانة ف موضوع زى دا
هو السواق كان عارف انه مسيحى علشان كده قتله
حرااااام كده

[nayfashab]

لا حول ولاقوة الا بالله
ربنا يهدي الجميع يارب

[Eng. A'laa Salah]

خناقه بتحصل كل يوم ومع اكتر من شخص وفي اي موقف ميكروباصات
كبروا الموضوع علي الفاضي
السائق مكانش قتله علشان هو مسيحي

[Eng_lfc]

خلاص يا جدعان
الخناقة خلصت
و هى و لا فتنة و لا حاجة
و من فضلك يا بانزر اقفله بقى
علشان انا بدات اتعصب لأنى رايح هناك

[BaNZeR]

الموضوع موجود ومش شايف إنه في خناقة او حاجة
والردود كلها متفقة على حاجة واحدة وده المهم

[أسيل رزق]

حاجة غريبة والله .. فى صحفيين كده عايزين ضرب النار
أنا فاكرة يوم كانت حصلت خناقة فظيعة بصراحة بين شباب مسيحيين و مسلمين قدام بيتنا و حصل فيها ضرب و مجازر بعد ساعتين بالظبط نزلت أشترى حاجة لقيتهم قاعدين مع بعض فى كافيه و بيهزروا و يضحكوا مع بعض

ما كل يوم ناس بتقتل فى بعض و يقطعوا بعض و يعبوا فى أكياس زبالة و ممكن يكونوا مسلمين فى بعض أو مسحيين فى بعض

ربنا يهدى الجميع .. أنا بصراحة مفيش خبر شفته من صفحى بين مسلم و مسيحى إلا و يدخل بينهم صراعات طائفية و فتن ملهاش لازمة

ربنا على المفترى