|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
26-10-2009, 07:34 PM
|
|||
|
|||
حاسة اني تاية ولوحدي في الدنيا دي .....
السلام عليكم ورحمة الله وبركاته
بصراحة انا عارفة اني هصدعكم بموضوعي دي بس بدور ع ناس اكون بعزهم اوووي عشان اتكلم معاهم مش لقيت غيركم بقي استحملوني ... عشان انتم اعز اصحاب في حياتك بصوا بقي ياجماعة ... انا حاسه اني مخنوفة ومضايقة وحاجات غريبة كدا وفي دماخي 500 حاجة وانا مش عارفة اي حاجة من الخاحات دي افكاري مش مترتبة ... وحاسة اني تايه ومش عارفة انا عايزة ايه !!! المهم هقولكم :::: فراق  انا كنت سعيدة اوي اول ما دخلت الكلية بس بقي السعادة دي اتحولت لضيق وحاحات غريبة لاني ملقتش صاحبتي اللي كنت بحبها اوووي أو حتي أصحابي راحوا مدينة تانية وكلية تانية غير كليتي وكل علاقتي بهم تليفونات ... انا اجتماعية وكل شيء وعرفت ناس كثير ... بس فيه فرق لما اعرف ناس وتبقي علاقتي بيهم سطحيه وناس تانية تبقي علاقتي بيهم قوية ...!!! او ناس استريح لها وتكلم معاهم .... ع فكرة انا شكاكه ومش بستريح لاي حد كدا بسرعة ودي بقي مشكلة مضايقاني اوووي ... انا مش لقيه حد اتكلم معاه مش كلام سر ...لا عادي كلامنا ... المهم ان الشخصية دي اكون بستريح معاه وانا مش لقياه في اي واحدة عرفتها لحد دلوقتي هم كويسين ومحترمين بس باين العيب فيه انا.!!! أو هم افكارهم وميولهم مش زي خالص!!! بصراحة انا خلاص زهقت بجد حاسة اني وحيدة ومن غير اصحاب حاجة صعبة ... :::: نفسي أكون شريرة بجد  تاني شيء بقي ... اني رد فعلي مش ببقي راضية عنه يعني لما حد يغلط فيه بسيبه وامشي وبزعل .. وانا بيتغلط في حقي كثير لما الناس دي تجي تعتذر لي مفروض اخذ حقي لانهم غلطوا فيه من غير سبب ... بتبقي دايما رد فعلي ::: لا عادي انا مش مضيقة ... انا فعلا بزعل بسرعة وبرده في ثانية بنسي بسرعة فيه ناس مينفعش اقولهم كدا ومفروض اكون شريرة في التعامل معاهم بس مش بعرف  شريرة يعني ليكون ليه موقف اي حاجة ارد بها حقي .... ولما ارجع البيت ببقي بغلي كان ادامي اني اخذ حقي ومش عملت كدا ... الناس دي والله ياجماعة بيبقوا غلطوا جامد فيه عشان كدا بضايق المشكلة اني بعدها بنسي وبعاملهم عادي ... وانا حاسة ان دا غلط اما اصحابي لما بنزعل مع بعض انا اللي كنت بتصل بيهم في التليفون وقلبها هزار عشان احنا اصحاب وبنحب بعض!! :::: طموحات بلا حدود  اني نقسي احقق حاجات كثير في حياتي وكل ما هقول هحققها ارجع تاني اقول لا ... انا هفشل ... او .. هتبقي حاجة مملة لو بقيت كدا .. وبعدين مش عندي طموح واحد انا عندي 3 طموحات كل واحد ما شاء الله عليه بحسس نفسي باليأس فيه... ومش عارفة ابقي اني حاجة فيهم .. ولا اخترت حاجة اقول ..لا خلينا في التاني حاسة بتوهان شديد جدااا :::: في رعاية الله
__________________
والحب له قوانين آخري..!
آخر تعديل بواسطة **تسابيح** ، 26-10-2009 الساعة 11:58 PM 
|
|
#2
27-10-2009, 05:58 PM
|
||||
|
||||
هرد عليكى بالتفصيل بس يوم الخميس إن شاء الله علشان أكون فاضية و أرد بمزاج
بس عايزة أقولك إن أعراضك دى أو مشكلاتك دى بسيطة ماتقلقيش
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#3
27-10-2009, 08:54 PM
|
||||
|
||||
قشطه
هارد عليكي يوم الخميس بقى علشان دي اجازتي مش فضيالك انا الوقت 
__________________
ما أصعب الاحساس بالفشل
|
|
#4
28-10-2009, 04:14 PM
|
|||
|
|||
|
اقتباس:
أكيد طبعا هستني رد عشان يهمني اكيد  اقتباس:
طيب أنا هرد عليكي يوم الجمعة
__________________
والحب له قوانين آخري..!
|
|
#5
31-10-2009, 01:50 PM
|
||||
|
||||
|
أنتى طيبه أوى يا تسبيح بجد
 وحساسه جدا بس أوعى تستسلمى للوحده صدقينى لو خدتى على كدا مش هتعرفى تتخلصى منه للأبد حتى لو لقيتى أصحابك بتبقى مكسوره من جوا فى جروح أتقفلت عليها قبل ما تدويى عمرك شوفتى دكتور بيعمل عمليه ويقفل على الجرح قبل ما يخلص أحنا بقى بنقفل وبيبقى صعب أوى لما نجى نفتح تانى علشان نصلح ونداوى ونرجع من الأول أنتى بتقولى مفيش أسرار ده كلام عادى بس الوحده نفسها أكبر سر محدش بيحس بيه أنك تعيشى لحظات جرحك وألمك وفرحك وحزنك من غير حد يعشها معاكى وتترمى فى حضنه أنا للأسف عشت كل ده سعتها ندمت وأتألمت من ذنب معملتوش عملوه اللى المفروض يكونوا أقربلى منى وأنا أستسلمت وندمت وأنتى مهما قولتى وحيده محدش بيسمعك غير ربك أدعيله وأوعى تستسلمى للوحده بتتعب حاولى تلاقى لنفسك مخرج منها حلو انك متسامحه ياريت بجد يكون كلامى خفيف ربنا معاكى وتقدرى تطلعى من المحنه دى وتلاقى نفسك وتحققى طموحك
__________________
الحمدلله
|
|
#6
31-10-2009, 02:30 PM
|
||||
|
||||
|
اقتباس:
ربنا يخليكي ياروحي شكلك واخده فيه مقلب اقتباس:
الوحدة دي اصعب شيء في الدنيا وبالذات لما تكوني اجتماعي وبتعرفي ناس كثيرة وفجاة تلاقي نفسك وسط ناس ولا انت حاسهم ولا هم حاسينك احساس صعب بجد اقتباس:
تصدقي انا فعلا حاسة كدااااااااا اني عايشة كل دا من غير ما حد يبقي معايا يمكن الناس اللي في المنتدي مخليني اصبر شوية لاني بحبهم اووووووووي وبحس اني معاهم بس اكيد لازم يكون معايا ناس في حياتي !!! اقتباس:
بجد مش عارفة اقلك ايه
بس يارب انتي كمان تخرجي من اللي انت فيه بجد انا سعيدة اووووووووي بردك شكرا ياجميل ع ردك
__________________
والحب له قوانين آخري..!
|
|
#7
31-10-2009, 02:41 PM
|
||||
|
||||
|
مش عاوزين نهايه للكلام عاوزين نتابع مع بعض
لحد لما تتخلصى من الوحده خالص بصى مدام أحنا اللى بنصبرك أدخلى هنا وقولى كل اللى جواكى ولو مش ينفع هنايبقى نبقى أصحاب من برا برا بقى أوعى تقولى لحد خليه سر ههههههههههههه
__________________
الحمدلله
|
|
#8
31-10-2009, 02:44 PM
|
|||
|
|||
|
اقتباس:
لا انا عمري عمري ما هقول لحد اننا بقينا اصحاب خلاص
انا اقدر يابنتي كفاية اللي انا قولته 
__________________
والحب له قوانين آخري..!
|
|
#9
31-10-2009, 02:44 PM
|
|||
|
|||
|
واضج جدا من كلامك انك صاحبة شخصية
ولا تحبين اغضاب الناس منكى حتى ولو كان حقك ودى صفات جميلة لو وجدت فى اى انسان بس دايما الصفة الجميلة تقع بين صفتين ذميمتين يعنى صفة الكرم على سبيل المثال تقع بين صفة البخل وصفة التبذير فتاتى صفة الكرم فى الوسط حتى كون الانسان عادل فى حياته حاولى انك تعدلى فى حياتك وبلاش تكون اكثر مثالية لانها حتتعبك نفسيا
|
|
#10
31-10-2009, 04:05 PM
|
|||
|
|||
|
[
اقتباس:
أنا فعلا مش بحب ازعل حد بس عشان انا مبحبش حد يزعلني وفي نفس الوقت مبحبش تجاوزات في التعامل اه ماشي احنا اصحاب بس فيه حاجة اسمها احترام وحدود لازم تكون بينا اقتباس:
اه فعلا ان شاء الله هحاول شكرا ع النصيحة
__________________
والحب له قوانين آخري..!
|
|
#11
31-10-2009, 04:24 PM
|
||||
|
||||
|
أنا مش عارف ازاي مشفتش الموضوع ده غير دلوقتي
اقتباس:
ايه بتكتبي أخبار في القسم العام
وصور بقى وحركات وبعدين فين مصدر الخبر واللى كانو حيردو يوم الخميس خلعو مش كده مليش مزاج احكي في النقطة الاولى دلوقتي فحدخل في التانية على طول انا واحد نفسه يبقى شرير برده ومش عارف دايماً باجي على نفسي عشان ارضي الطرف التاني بس ماشي في اجراءات التحول الشريرة يعني بدأت ارد بعض الحاجات اللى بتزيد لكن هي في النهاية صفة مش وحشة برده وبالعكس بتزود العلاقات بين الناس مش بتقللها والمسامح كريم طموحات بلا حدود عنوان مقال جميل انا عندي طموحات برده كتير بس المشكلة مش في اليأس المشكلة في الحيرة اصل الطموحات كل واحد غير التانية خالص ومينفعش اتجه فيهم كلهم فمحتار اخد انهي سكة فيهم طبعاً حتضربيني عشان سبت موضوعك ودخلت في موضوعي بس مينفعش اعدي عالفقرة ساكت يعني قلت ارد باي حاجة لي عودة (اوعى تصدقي ده كلام بس )
__________________
It was over 3 years since my last visit 
|
|
#12
31-10-2009, 05:35 PM
|
|||||||
|
|||||||
|
اقتباس:
أكيد الدنيا ضلمة في اسيوط عشان كدا مش شفته اقتباس:
حضرتك عمرك ما هتنسي انك مشرف مصدر الخبر قصدي خبر وتعليق وبعدين كلامي لوحده مصدر ثقة (مش اوي يعني)  اقتباس:
بجد بجد ونعمة الناس بتهدي النفوس انا عارفة اقتباس:
مش المشكلة انك تيجي ع نفسك المشكلة الناس... ساعات كثيرة بتتعامل مع ناس مستفزة هي بترخم عليك وتخليك تزعل ومش يهما انت اصلا لكن لما تكون مصلحتها معاك تيجي تعتذر ومش قصدي والكلام العبيط دا فبتبقي حاجة تغيظ وتخليك تغلي من جواك وتحسسك انك ملكش قيمة الا عشان مصلحتها لكن غير كدا ........ ساعتها ببقي نفسي يكون ليه رد فعل قوي.. اجبها من زمارة رقبتها وزمر بيها شر بقي عشان تعرف ان الناس مش لعبة في ايدها تغلط براحتها ولما تعوز حاجة ترجع زي .... اقتباس:
مش اي حد ممكن نعمله كدا يابانزر فيه ناس اللي بتغلط مش بيبقي قصدها او ساعة غضب ودول لازم نسامحهم عشان هم مش قصدهم غير ان الاعتذار دا حاجة كبيرة اوووووووي بس لو الاعتذار دا كان بصدق والله انا مش بحب اكون فيه خلاف بيني وبين حد اقتباس:
أكيد الحيرة بتودي ليأس انا برده كدا مش عارفة اروح في اي اتجاه وعندي طموحات كثيرة جدااا ومش ينفع احققهم كلهم هو لازم حاجة واحدة بس عشان اقدر اكمل الطريق ممكن اعمل حادي بادي اقتباس:
 بجد شكرا يابانزر ع ردك مع كثرة مشغوليتك
__________________
والحب له قوانين آخري..!
آخر تعديل بواسطة **تسابيح** ، 31-10-2009 الساعة 05:40 PM
|
|
#14
02-11-2009, 09:16 AM
|
||||
|
||||
|
من الواضح انك عندك صراعات داخليه ومش عارفه تغلبي اي طرف الطيب الغلبان ولا الطرف الجامد العنيف انتي ممكن تجربي الاتنين بحيث تعالي في يوم كده وابداي من الاول ان اي حد هيدوسلك علي طرف خدي حقك منه تالت ومتلت ومتسيبهوش الا لما تاخدي منه القديم والجديد وتعرفيه شغله
تعالي في يوم تاني تكوني طيبه وغلبانه ومسامحه وي حد يكلمك بطريقه نش عجباكي مترديش اعملي نفسك طرشه مسمعتيش متحاوليش تردي من اول مره لما حد يجي يكلمك اعملي نفسك مش مركزه معاه دايما حسسيه انك احسن منه وجربي وياريت تقولي لنا ايه النتيجه ملحوظه: الاراء دي انا مش مسئول عنها يعني لو حصل ضرب وكده انا مش مسئول
__________________
|
|
#15
03-11-2009, 04:00 PM
|
|||
|
|||
|
اقتباس:
ربنا يخليكي يارب انت اللي زوق وعسولة شكرا ياروحي اقتباس:
ههههههههه
لا بجد نصيحة رهيبة شكلي هضرب في الاخر :: بصراحة اني حاولت اجرب اكون شريرة وكدا وقعد اقول اول لما حد هيكلمك هطلع فيه وهعمل وهعمل بقي اول لما اشوف الحد دا ...مش بقدر بصراحة بكتفي اقول مفيش حاجة والحاجات دي انا خلاص اكتشفت اننا مش مفروض نقلل من نفسنا والمسامح كريم برده شكرا ع النصيحة ربنا يخليكي يارب
__________________
والحب له قوانين آخري..!
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:05 AM.
