|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
31-10-2009, 08:36 PM
|
|||
|
|||
لو انت طعمية أو فرخة مشوية اسمع واتعلم وبلاش تتكلم !!!!!!!!
من العجيب فى هذا الزمن أن تجد الأصغر يناطح الأكبر والأكثر خبرة ويرى ان سنوات الخبرة لا تعنى شيئا !!!!!!!!!!! يجدون ان كلمة نصح إهانة واستهزاء وسخرية .... وأن إمدادهم بالخبرات التعليمية تعالى وتكبر وتجبر ... وأن تصحيح الأخطاء لهم فزلكة وفلسفة ومهاترة !!!!!!!! واليكم قصة صغيرة على أستفيد من آرائكم .... دأبت الطالبات بأحد الفصول التى أدرس لها بالشكوى من إحدى الزميلات من المعلمات المتعاقدات .... حيث تقوم بسبهن بشكل دائم ومستفز والتحقير منهن وضربهن ضربا مبرحا ... بالطبع قلت لهن: "أكيد هناك سبب لذلك ، فماذا تفعلنه يضايقها؟؟.... يقسمن أنهن يخشين منها ولا يحاولن الإساءة اليها ..!!!!!!!!!" بالطبع لم أصدق أن تكون هكذا المعاملة بدون سبب ... ولما زادت الشكوى منها ، قلت لنفسى : لما لا أذهب اليها وأحدثها علُى أتبين الحقيقة كاملة ، وأكون قد حكمت بعد الاستماع للجانبين ... وفعلا فعلتها وجلست اليها... أنا : ازيك يا أستاذة نعيمة عاملة ايه؟؟؟ نعيمة : الحمد لله بخير أنت : عاملة ايه فى التدريس ؟؟ نعيمة : الحمد لله ماشى الحال أنا : انتى خريجة ايه أساسا؟؟؟ نعيمة : أنا كلية تجارة بتقدير جيد جدا ومن أوائل الدفعة بس حظى بقى اتعين فى التربية والتعليم !!!!!!!!!!! رضينا بالهم والهم مش راضى بينا !!!!! أنا : ليه كده بس؟؟؟؟ يا أستاذة نعيمة فيه معلمين كتير كانوا أوائل دفعاتهم وكمان فيه معلمين كتير حاصلين على ماجيسترات ودكتوراة كمان ومع ذلك بيحبوا عملهم كمعلمين نعيمة : أهو ربنا يعيننا ع التعليم أنا : والطلبة أخبارهم ايه معاكى كويسين والا مشاغبين؟؟؟ نعيمة : بنات زى الزفت وقلالاة الأدب أنا : ليه كده بس ؟؟؟ انا سامعة انهم بيحبوكى (( طبعا الكدب للصلح بين الناس مباح فأخدت بالرخصة )) نعيمة : يحبونى ايه بس ربنا ياخدهم ، بيعملوا دوشة وكلام وقلة أدب أنا : ممكن تحاولى تعرفى ليه بيعملوا كده وتعالجيه ، وعلى فكرة لازم تلاحظى انهم فى مرحلة سنية خطيرة شوية فترة المراهقة دى ، ممكن تحاولى تفهمى ايه سبب انهم بيضايقوكى ، وتحاولى تحببيهم فيكى وبالتالى يغيروا من سلوكياتهم اللى بتضايقك ...عارفة يا نعيمة انا اول ما اتعينت كنت باتضايق من البنات واخد حاجات كتير على كرامتى وافسر كلامهم انه عدم احترام لكن مع الوقت بقى عندى خبرة وصدقينى كل ما تحبك الطالبة كل ما تكون أحسن ما تتمنى معاكى وف مادتك نعمة : متشكرة اوى لنصايحك انا عارفة أتعامل معاهم ازاى....... أنا : ((يظهر ان الحوار الودى مش جايب نتيجة .. طيب نتكلم بطريقة أكثر وضوح ))...يعنى تفتكرى اما تحتقريهم وتشتميهم وتضربيهم طريقة أفضل للمعاملة ؟؟؟ نعيمة : أنا ما باشتمهمش وما باضربهمش !! أنا : شوفى البنات الظلمة كلهم اتفقوا انكى بتضربيهم !!!! طيب تفتكرى الضرب يجيب نتيجة ؟؟؟ نعيمة : هم اللى بيضايقونى وبيتكلموا وانا باشرح وما بيحترمونيش ... بالطبع كان لى رأى معها وفهمتها ما أراه لمصلحتها يعلم الله قبل مصلحة الطالب وما يحقق فى النهاية مصلحتهما معا ولسنا أنبياء وجميعنا لنا أخطاء ... لكن بعد هذا الكلام الذى رويت لها فيه مواقف واقعية لى وخبرات مكتسبة بالواقع لم تعد نعيمة تسلم علُى كلما رأتى تدير وجهها ودخلت الفصل فزادتهن وعيدا بأنها لا تخشى أحدا وانه الويل والثبور وعظائم الأمور فى انتظارهن ......!!!!!!! ولا تعلم كم من مرة وقفت ودافعت عنها فى غيابها أمام الطالبات الغاضبات من معاملتها لأنى أعلم أنها ما زالت فى بداية الطريق ولا خبرة لها .. لكن أيها الإخوة ما رأيكم فى نعيمة وأمثالها ممن يستكبرون ويعتبرون النصح إهانة ومزلة وممن يعتبرون تصحيح الخطأ تصيد وفلسفة !!!!!!!!!! ما رأيكم فى نعيمة؟؟؟؟؟؟؟
__________________
وأفوض أمري إلى الله إن الله بصيٌر بالعباد آخر تعديل بواسطة ممدوح مصطفى الانصارى ، 02-11-2009 الساعة 02:15 PM |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 08:35 AM.
