نماذج من الجودة فى حب الوطن

[أ/محمد ابراهيم]

دخلت على احد المنتديات الرياضية فوجدت هذه الابيات الرائعه التى توضح كم يحب المصريون بلادهم رغم كل همومهم فنقلتها لكم لتروا ان مصر غالية وعزيزه على جميع ابنائها

أنا حافضل المصري
مليون شهيد .. وتاريخ مجيد من الكفاح المشترك..
وخوض غمار المعترك..
وف آخر الشوط أخسرك؟!!
وثورتك ؟!!
حريتك ؟!!
دول كان مخاضهم أرضنا !!
وف حضننا !!
تيجي انت تهتك عرضنا ؟!!
تحرق علمنا اللي كان شاهد على دم الشهيد ؟!!
وترهب الطفل الوليد ؟!!
تنسى تاريخك يا بليد ؟!!
بقى هو ده الجيل الجديد ؟!!
إنزل يا واد من فوق كتاف القاهرة
إنت فقدت الذاكرة
لاتصلي في الأزهر
ولاتمشي ف حواري السيدة
ولا تسمع الكوكب وهي منشدة
ولا تقرا محفوظ النجيب
ولاحتى تسمع عندليب
خليك كده
تحرم عليك كل العيون والأفئدة
تحرم عليك كل الدماء والأوردة
وبريئة منك ألف مدنة
وكل جبهة ف مصر ساجدة
وانا حافضل المصري كريم العنصرين
اللي متربي وساكن في الحسين
إنزل يا واد من فوق كتاف القاهرة
مش تاني هانشيل العيال
دي مصر ولادة رجال
رجالة من عزة وشهامة مش ورق
يا حارق الطوق والشراع
مين راح ينجيك م الغرق ؟
إنزل يا زفت من فوق كتاف القاهرة

(الشاعر : محمد محمود السعيد )