|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
05-12-2009, 02:08 PM
|
||||
|
||||
قبل ما قول هتوحشونى .. سلام وده الى عندي
بص يا سيدى انا هجيبهالك من الاخر خالص وهاخدك على قد عقلك سواء كنت مصرى وهقلك الجزائرين مش بس ضربوا المصريين لا يا سيدى رموا عليهم قنابل نوويه وهاخدك على قد عقلك برضه سواء كنت جزائرى وهقلك المصريين عملوا فى الجزائريين مالم يفعله الاحتلال الفرنسى فيهم خلال 138 سنه كويس كده يا عمنا حتى فى الحاله دى هيبقى سؤال طب ازاى ده حصل وايه اللى خلاه يحصل هو مش علمونا فى المدارس فى رابعه ابتدائى على قد مافتكر فى حصة الدين وفى حصة العربى ان انما المؤمنون اخوه ؟؟؟؟؟؟؟؟؟ على قد مافتكر هم فعلا علمونا ده حتى بالاماره انا مكنتش حافظ الايه دى والمدرس ضربنى بالخرزانه على ضهر ايدى كمان المهم ان كلنا اتعلمنا ده فى المدارس وسمعناه حوالى عشرومية مليون مره فى خطب الجمعه وفى كل البرامج الدينيه وفى شرايط المشايخ الى بيشغلها سواقين التكاسى والمايكروباصات اللى بدقون طيب السؤال هنا مدام كلنا عارفين ده يبقى ليه قطعنا فى بعض علشان ماتش بغض النظر مين اللى بدا ومين اللى علم عالتانى ؟؟؟؟؟؟؟؟؟؟؟؟ مش يبقى الخلل عندنا ان حتة المؤمنين اخوه دى فيها خلل ومتساويش فى نظرنا غطا ازوزه فعلشان كده سهل اوى اننا نقطع فى بعض فعلشان كده يا استاذى وسيدى وسعادة الباشا انا لما بقول نهدى اللعب والكلام وبنعمل دعوات تهدئه ونفتكسلها طرق زى اننا نروح الجزائر او نعمل مبادرات براءه من اللى حصل او اى حاجه من دى مش بنبقى بنتنازل عن حقوقنا وكرامتنا لا يا بيه انا هنا بالظبط مبعملش حاجه غير انى اطالب بحقى واحاول استرد كرامتى بس بحاول اعمل ده بانى افكر فى الاسباب اللى خلتنا نقطع فى بعض ونهدر كرامة بعض واعالجها فاول سبب ان المؤمنين مش اخوه ولا حتى ولاد عم ولا حتى قرايب من بعيد ولا يعرفوا بعض اصلا وده اللى لازم نعالجه علشان منقطعش بعض ونحافظ على كرامة بعض تانى حاجه : بالنسبه للى بيقول الاخ الاكبر يجب احترامه وان احنا دوله كبيره وعظيمه يا مصر يا ارض اللوا هقوله بالبلدى " هى القرعه بتتباهى بشعر بنت اختها ؟؟؟؟؟؟؟؟؟؟؟؟؟؟؟؟؟؟؟" ومعلش على مستوى الاسلوب بس بجد انا فى قمة غيظى دلؤت عالاخر المهم مصر الدوله العربيه الكبرى كان زمان وراح وكان اخر عهدنا بيه ايام حرب 1973 من اول مابتدينا نقول ملناش دعوه بالعرب ويولع العرب وربنا اغنانا بالامريكان ولا الحاجه للعرب من ساعتها مالناش اى وجه حق ولا وش نقول احنا الشقيقه العربيه الكبرى طب بامارة ايه ؟ بامارة ان احنا رضينا ترجعلنا سينا بس بعد الحرب ونفضنا للجولان والارض الفلسطينيه المحتله والقدس بالرغم من ان دول اول واكتر ناس حاربوا معانا ولا بامارة ان احنا قعدنا نتفرج على لبنان بعديها وهو بيقطع بعضه فى حرب اهليه 20 سنه كامله ولا بامارة ان احنا قعدنا نتفرج عالمغرب العربى اللى احنا بنتخانق معاه دلؤت وهو للاسف بيرجع تانى للهيمنه الفرنسيه والاوروبيه ولا بامارة ان احنا متحركناش علشان الكويت الا تحت القياده الامريكيه وعلشان نجيب احتلال امريكى للخليج ولا بامارة لما وقفنا نتفرج على العراق وامريكا بتحتله ولا بامارة ماوقفنا نتفرج على لبنان واسرائيل بتدكها بل وبنشمت فيها ولا بامارة ماساندنا وعاوننا اسرائيل فى حربها على غزه وحاصرنا غزه الخلاصه ان الكبير بيبقى كبير بفعله ومواقفه وانه بيبقى اللى بيسند الصغير وبيحميه انما موقفنا واحنا بنقول على نفسنا اننا كبار بيفكرنى بنكتة الدبانه اللى وقعت فى كاس ويسكى طلعت منه تقول وسع للنسر المفترس !!!!!!!!!!!!!!! فالمشكله ان كرامتنا بتنداس علشان احنا صغيرين سواء فى بلدنا او تعاملنا مع كل الناس ولو عاوزين كرامتنا متندسشى او تتهان تانى فلازم نبقى كبار ولازم نكون احنا اللى بنبادر واول ناس تقف وتتصدر فى كل مشاكل المسلمين ولازم يكون عندنا كرامه وعزه فى بلدنا اولا قصاد اى حد بيهين كرامتنا فى بلدنا بس انا كده خلصت اللى عندى 
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
|
#2
05-12-2009, 02:09 PM
|
||||
|
||||
|
اشوف وشكم بخير
وسنة سعيدة علينا جميعا وبيتهيألى لو جيت في الاجازة هلاقى الموضوع اتحزف وشبع حزفان يلا في رعاية الله والسلام عليكم ورحمة الله أراكم العام القادم
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
|
#3
05-12-2009, 02:21 PM
|
||||
|
||||
|
هو حضرتك كنتي جاية بتوصلي رسالة للجزايرين بس ولا ايه
 متخليكي قاعدة لسه في خناقات جديدة مع سويسرا واسرائيل وحاجات كده وخلاص بقى اللى حصل حصل مش حنفضل نحكي فيه طول عمرنا اللى معانا عملناه
__________________
It was over 3 years since my last visit  |
|
#4
05-12-2009, 02:39 PM
|
||||
|
||||
اقتباس:
بجد انتى موضوعك ده مضايقنى جدا ومش فهماكى وفى حاجات بتقوليها |
|
#5
05-12-2009, 03:58 PM
|
||||
|
||||
|
لا اله الا الله طب افرضى ان فى حد فى المنتدى مش مصرى يقول ايه
افضل ما قيل فى الموضوع شايفين يا اعضاء المنتدى العضوة المحترمة بتقول على بلدها ايه وسبق وقلتى انك مصرية ومعتزة بمصريتك فين الاعتزاز فى اللى بتقوليه حسبى الله ونعم الوكيل
__________________
الثورة مستمرة |
|
#6
05-12-2009, 05:53 PM
|
||||
|
||||
|
ده تقليد لكلام العرب!!
شوفي يا بسمة..عارفة ايه اللي فارسني في الموضوع ده.
ان المبادرات بتنطلق من المصريين..يعنني كمان احنا اللي بنقولهم تعالو نبقى اخوت..و المصيبة الاكتر انهم بيحلقولنا. تاني حاجة..هل زيارتكم للجزاير دي هي اللي هتجيب حقنا؟ ثالثا..لو احنا بنتباهى بحاجة حصلت من 36 سنة..طيب العرب بيتباهو بحاجات حصلت من اكتر من كده بكتير و احنا كمان اللي ساعدناهم فيها. و بعدين بقى .. هل في 36 سنة حد قدر يحتل ارضنا تاني؟..احنا انتصرنا و حافظنا على النصر..و لا يخفى عليكي ان الحرب دمرت اقتصادنا و مينفعش نحارب تاني الا لما نصلح اقتصادنا الا لو العدو هو اللي بدأ الحرب. و مصر مش هتحارب بامر من العرب..مصر هي القائد و هي المنفذ يعني العرب يقفلو بقهم خالص. موضوع بقى اننا نسينا فلسطين و الجولان.. طيب..نفكر مع بعض..دلوقتي مصر خانت العرب و عملت معاهد مع الصهاينة و خرجت من معسكر المواجهة مع اسرائيل. و سوريا رفضت السلام برغم انها مكانتش محققة نصر زي بتاعم مصر(مش تفاخر ولا حاجة انا بحب سوريا جدا). هل سوريا بعد ما مصر عملت المعاهدة مع اسرائيل..هل سوريا ضربت على اسرائيل رصاصة واحدة توحد ربنا؟ ولا هو بقى كلام و خلاص؟ عارفين الدكتورة بسمة عايزة تقول ايه بالضبط؟ هي عايزة تقولي:ما كفاية بقى حرب اكتوبر اللي صدعتونا بيها دي. على فكرة بقى حرب اكتوبر بيتألف عنها كتب لغاية دلوقتي. السادات قال تاني يوم للنصرفي مجلس الشعب: "ان القوات المسلحة المصرية قامت بمعجرة على اي مقياس عسكري". و كمان قال: "و لست اظنكم تتوقعون مني ان اقف امامكم لكي نتفاخر معا و نتباهى بما حققناه في احد عشر يوم من اهم و اخطر بل اعظم ايام تاريخنا" يعني الراجل مش بيتفشخر مع ان ده حقه. مصر هي قيادة العالم العربي بلا منازع.
__________________
.jpg)
|
|
#7
05-12-2009, 06:22 PM
|
||||
|
||||
بصي يا بسمة
مش هاقولك موضوعك دايقني ونرفزني لدرجة الضحك وشوفي بقى لما نرفزتي توصل لدرجة الضحك يبقى ايه وماحدش يقول يبقى هبل  الجزء الأولاني من الموضوع اللي هو اول حاجة ماشي مش زعلانة منه لطيف ونايس وسمباتيك وكل حاجة انما الحاجة التانية لو الكلام ده من عندك يبقى انتي بتاخدي معلوماتك عن الحجات اللي مصر بتعملها لاخواتها الصغيرين من قنوات الاخبار وبس ومش بعيد م الجزيرة وبس ولو انها قناه ظريفة جدا والله  فيما لا يتعلق بمصر المهم لو كنتي بتفكري ف حجات كتير دي بتحصل ازاي وبتدخل منين ومين اللي بيوصلها ومين اللي بيساعد ويطلع يستغرب زيه زي بقيت الخلق بجد ما كنتيش هاتقولي كده لان مصر بالرغم من كم الفساد الهائل اللي ف حكومتها الا انها فعلا الام مش الشقيقة الكبرى وبس باللي بتعمله ومش شرط يطلع ف شريط الاخبار ويتناقش ف 90 دققيقة عشان تصدقوه بس كده وتروحي وتيجي بالسلامة ياستي ووووووووووووو بس كدهون بالاذن
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
 |
|
#8
05-12-2009, 06:46 PM
|
||||
|
||||
|
اقتباس:
ههههههه
بتتحسبن على مين بالظبط وبعدين الاخت قالت ايه يشكك ف اعتزازها بمصريتها وبالمناسبة التوقيع بتاعك ..مين دول اللي انت واثق ف عدالتهم ...الفيفا ....ماحدش قالك ان كلها فساد وقرف وبلاوي زرقا احنا مش مصحصحين ليه ؟؟
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#9
05-12-2009, 07:05 PM
|
||||
|
||||
معلش كلامك ظاهر كويس وباطنة لا
اقتباس:
وانا كمان كده خلصت ردى عليك او عليكِ
وياريت نتمعن فيه بدل ما ننساق وراء حملات تريد منا جلد انفسنا وتقديمها قرابيين فى محاريب الأخرين
__________________
شوقي يقول وما درى بمصيبتي:قــم للمعلم وفه التبجيـلا
لوجرب التعليم شوقي ساعة لقضى الحياة شقاوة وخمولا يا من يريد الانتحـار وجدته .. إن المعلم لا يعيش طويلا |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:08 AM.
