ممكن اعرف معني الصداقة بالنسبالكم؟؟؟؟ الموضوع فيه فروع كتيرة ادخوووو

[ايروكا]

السلام عليكم ورحمة الله وبركاته

انا بالنسبالي يا بنات انو الصداقة احسن واروع شئ في الدنيا لكن ان كانت كالآتى:
1- بين بنت وبنت او شاب وشاب.
"يعني مش بين بنت وشاب والهبل اللى احنا بنشوفوا دا ونقول ان دي صداقة يا بنات حافظوا على كرامتكم ربنا بيأمرنا بكده ليه احنا نكلم شباب ليه تسمحي لاى حد انو يقول عليكي انك بنت مش محترمة مع انك على نياتك بتكلميه كأنو اخ ليكي لكن برده كل شئ ليه حدود مش معنى كده انى اكلم اى حد مش اعرفو وقول دا اخويا وصديقي هل دينك امرك بكده؟؟؟ ولا في الشات والله بلاوي البنات مع الشباب وكلامهم مع بعض (ياحبيبتي وياحبيبي) دى اخلاق مسلمين دي بالله عليكم دي اخلاق بنت مسلمة البنت تكون بتصلي وبتعمل كل شئ يرضي ربنا ومع الناس بره ولا تعرف حد بره البيت لكن في الشات تعمل كل دا يمكن بالنسبة لناس شئ عادى لكن مظنش انو لا اخلاقك ولا دينك بيأمروكى بكده ربنا خلقك عشان تصونى نفسك مش تخلي كل من هب ودب يغلط فيكي ياريت تقبلي نصيحتى يا اختى انا والله بحبك في الله راجعي نفسك كويس مرة واتنين وعشرة كمان ادعى ربنا انو يهديكي للطريق الصحيح"
2- مبنية على الصراحة والاخلاص.
"يعني ياريت تكونى مخلصة لصديقتك مش تحبيها لغرض مصلحة او غيرو وراعى ربنا في صداقتك ليها"
3- مش تكون صداقة من طرف واحد.
" لان اكيد صداقة من طرف واحد يعني جرح كبير للطرف دا وخاصة ان اكتشف دا بعد مدة يعني تحبي صديقتك وهى تقولك انها بتحبك وبعد فترة وبعد ما تحبيها وتعتبريها توأمتك الروحى تكتشفي انها بعدت عنك فجأة ليييييه؟؟؟ لانها مش كانت بتحبك اصلا من البداية بل كانت بتكلمك لانها مش كان عندها اصدقاء كتير ولما هى عرفت احصاب غيرك كتير استغنت عنك عند اول الطريق وسابتك لوحد بعد ما اخدت منك كل شئ حلو (اخلاص ، حب ، مراعاة شعور ، ووفاء ، وكل شئ حلو ممكن يعطيه شخص لاخر) لكن انتى مش اخدتى منها الا الجرح والعذاب والحزن ودموع مبتفارقش عينك"
ياريت يكون الموضوع عجبكم وجزاكم الله كل خير
في امان الله