بتحب الفتوى؟؟؟؟

[The_Relativistic200]

بسم الله الرحمن الرحيم
الموضوع ده يا جماعة


ببساطة تجميع
لم شمل المنتدى الحبيب المتآخى!!!
ليفهم احد اساسا الموضوع
الموضوعات التى طرحت من حوالى شهرين او تلاتة
او منذ انضممت لهذا المنتدى
انحصرت موضوعات العام او الركن العام فى
( الحب حلال او حرام ... الشات منافعه واضراره.....المنتديات وفاعليتها.....الغناء حلال ام حرام
وبعض الموضوعات المنفصلة اللى معظمها منقول
والاخر منقول برضو حتى الحب وخلافه منقول)
السؤال اللى بيطرح نفسه
ايه الجديد اللى بتاخده من هنا؟؟؟
غير اصحابك واللستة اللى على الميل..!!!
سؤال تانى
هذه الموضوعات والحمد لله
ضمت افضل الاراء اللى انا شخصيا استفدت منها جدا
واتعلمت انى اشوف الاراء دى
واعجب ببعضها واضحك على البعض الاخر

والغريب انها معظمها يقع موقع الفتوى من صاحبها لنفسه على هذا الامر
وكله يدلى بدلوه فى اى موضوع
بيتكلم فى السياسة خش وافتى
فى الكورة ....خش وافتى ...احمد السقا جاب جون فى حسن الشاذلى واى عك!!!
فى الدين.....يا سلام......شيخ عصره واوانه وهو بيقول رأيه فى الدين!!!
اول مرة حد يقول رأيه فى الدين
او .....اسهل يعنى
كوبى وبست .....احسن طريقة
فى التعليم.....خش يا راجل وقول رأيك هو بفلوس...مع انه طالب لسه!!
فى مواضيع البنات......الولاد تخش تفتى وتناكف...!!
مواضيع الولاد......البنات تخش وتناكف!!!

اظاهر ان اللى فينا (غريزة) القعدة
غريزة المصاطب....والحكاوى بس

المشكلة ان محدش افتى فى الموضوعات العلمية !!!



وليه كده يا بنى انت وهو وهى
لا يكلف الله نفسا الا وسعها.....
بلا مشاركة بلا بتاع
عارف ان رأيك مش هيتاخد بيه(زيى كده)
ولا حد هيقتنع الا باللى فى دماغه
فريح دماغك بقى
وبطل تفتى فى اللى ملكش فيه
هى البلد باظت من شوية

من كتر الناس اللى بتتكلم وخلاص
بتاع الميكروباص بيقول رأيه فى التعليم والامتحانات صعبة اوى!!!!
مدرس العاب يتكلم فى الدين




اذا كان الكلام من فضة فالسكوت من ذهب(طارق علام)
لذلك احسن حاجة ان محدش يشارك
خالص
كل واحد يروح يلم نفسه.....ويشوف شغله
جتكوا القرف
المرسل
: واحد من الناس