يا ليتنى ابن البواب!!!

[حمامة فلسطين]

كنت مروح من الجامعه فدخلت مدخل العماره

فقابلني احمد 28 سنه وهو كان ابن البواب الي بلغ من العمر 60 سنه تقريبا

فقالي يا استاذ محمد عايز اسئلك سؤال ...

قلت له خير اتفضل ؟

قالي انا سمعت شيء بس عايز اتاكد منها ..

قلت له خير

قالي انا سمعت ان الي يصلي العشاء في جماعه ربنا يحفظه لحد الفجر والي يصلي الفجر في جماعه ربنا يحفظه لحد العشاء

قالي الكلام ده صح .. ؟

قلت له صح واكتر من كده كمان

قالي انا صلاه العشاء عادي بكون صاحي سهل اصليها في الجامع بس مش بعرف اصحى للفجر ...

قالي ممكن وانت نازل تصحيني .. قالي صحيني ضروري وخبط علي الباب جامد ... قلت له خلاص ماشي ان شاء الله بس اهم شيء متتعبنيش معاك

قالي لاء متخفش بس قالي لو مصحتنيش الفجر بكره مش هفتحلك باب العماره وانت راجع ...

انا ساعتها استغربت لما قالي كده


قلت له عارف يا احمد في حديث تاني النبي صلي الله عليه وسلم بيقول ..

ان الي يصلي العشاء في المسجد كأنه وقف نص الليل كله بيصليه ... بتاع 6 ساعات
وكمان النبي قال ان الي يصلي الفجر في المسجد كانه وقف طول الليل بيصلي ...

لقيته وجهه بقا شبه علامة التعجب ... واستغرب جدا

فلقيته مره واحده قالي يا استاذ محمد خلاص متصحنيش الفجر بكره ... فستغربت قلت له

ليه بس كده ايه الي حصل

قالي انا مش هنام اصلا
هفضل مستني صلاة الفجر .... ( والله هكذا قالها بالظبط )


بس وكأنه ضربني بشومه علي دماغي

لما نزلت الفجر يومها لقيته موجود في المسجد ....

معلومه : أحمد اصلاً مكنش بيصلي خالص لا في البيت ولا في الجامع ...

ووالله كلما نمت عن الفجر تذكرت هذا الموقف

فمن منا يقول في نفسه ياليتني كنت مكانه وهو من هو إنه ( إبن البواب )


هو عرف حديثين والحديثين وصلوا ليقين كبير جدا وطلب من الله الثواب

واحنا عرفنا عشرات الاحاديث ... ماذا فعلت في يقيننا

هل زاد اليقيين أم زهدنا في الثواب ؟

[Mr. Medhat Salah]

ربنا يزيد من ايماننا وحبنا لفرائضه

[حمامة فلسطين]

شكرا لمرورك
وربنا يزيدك ويكرمك

[حمامة فلسطين]

عندك حق والله
ده من كتر الفتن
ربنا يرفع عنا عذابه