كدا انا ماشى سليم ام لا ؟

[febranya]

اولا انا تعاقد العام الحالى شهر 5 اللى فات

والعقد بتاعى ( مدرس فصل ابتدائى )

المهم انه فى بداية العام تم ندبى ندبا كليا لتدريس اللغه الفرنسيه بمدرسه اعداديه

وسارعت بتغير بياناتى فى قسم الاحصاء التابع له

وغيرت بياناتى بدل معلم فصل خليته فرنسى

وبدل ابتدائى خليته اعدادى

هل هذا الكلام سليم ام ان هناك تعارض فى بياناتى وقد يحدث سوء تفاهم عند تقدمى لمتحان الكادر

ارجو الافاده. وشكرا

[طاهر الشاعر]

العبرة بتخصص العقد وليس الشهادة او ماتقوم بتدريسه, فالمفروض تخلي الواسطة بتاعتك اللي انتدبتك تغير لك العقد, وخلي بالك من زمايلك لانهم هيشتكوك

[roosy]

ايه الفيلم دا معلم فصل ابتدائى وبعدين مدرس فرنساوى اعدادى دا ايه الحلاوه دى
بجد التعليم مش بايظ من قليل يعنى المفروض انك خرج تربيه فرنساوى واتعقدت على مدرس فصل ابتدائى طب ازاى؟؟؟ وطبعا راضى ومش مصدق الفرصه الفظيعه دى !!!!!! وبعد ما دخلت ظبطوك بقى واكيد رايح ندب وزياده فى المدرسه مهو لو كان فيه مكان من الاول كنت رحت فيه!!!!

[vip_ame]

لا حول ولا قوة الا بالله

ايه الاسلوب الغريب فى الردود دى يا جدعان

اذا كان فيه غلط فهو مش من عند الاستاذ اللى رضى يشتغل معلم فصل وهو فى الاصل مدرس فرنسى

الغلط على الاساتذة الكبار اللى ماسكين مناصب اكبر منهم

وبعدين الناس اللى بتتكلم وخلاص ياريت ما نفتيش

مافيش تخصص فى العقد اصلا ولا معمول اعدادى او ابتدائى

العقود كلها معلم مساعد مافيش فيها تخصص او بتنجان

وعامة ربنا يوفقك يا مسيو ويكرمك لانك صبرت ورضيت تشتغل فى مكان اقل من مكانك لحين توفر فرصتك للعمل فى مكان يناسبك

وربنا يسترها علينا من نفسنا الاول

[طاهر الشاعر]

ردا علي العضو المهم جدا:
1- "اذا كان فيه غلط فهو مش من عند الاستاذ اللى رضى يشتغل معلم فصل وهو فى الاصل مدرس فرنسى
الغلط على الاساتذة الكبار اللى ماسكين مناصب اكبر منهم"
- الوزارة بتاخد تقديرات معينة بتشغلها تخصص, وبتطرح وظيفة معلم فصل الي الجماعة اللي مطلوش عقود تخصص, والوزارة بترفض تعطيهم تخصصات بعدين لانها عملت لهم المسابقة دي لسد العجز في وظيفة مدرس فصل والا كل مدرسين الفصول هيدرسوا تخصص وتفضي هذه الوظيفة وكأن الوزارة معملتش حاجة.

2- "مافيش تخصص فى العقد اصلا ولا معمول اعدادى او ابتدائىالعقود كلها معلم مساعد مافيش فيها تخصص او بتنجان"
- العقد اللي انت مضيته في الاول قبل عقد معلم مساعد فصل مكتوب فيه التخصص واظن الاكاديمية طلبته , بعد الوزارة حرصت علي ان اي مسابقة معلم مساعد يتكتب في العقد التخصص اللي انت اتقدمت عليه في المسابقة

[a7madxxx]

عند عمل العقد المميز اضبط التخصص اللى هتمتحن فيه لأنك هتمتحن حسب المكتوب فى العقد

[العروبة2]

موجود في العقد التخصص اللي تم التوقيع عليه

[(هند)]

السلام عليكم
انا نفسى تربية عام عربى وقدمت ومش عارفه انى هشتغل ايه ومعرفتش غير لما رحت استلم الشغل واستلمت ابتدائى اقول لا كله قالى حد لاقى كل زمايلى كدا بردة

[febranya]

عموما شكرا على الردود اللى بعضها اممممممممممم

المهم انا خريج تربيه فرنساوى تعاقد اخر العام الماضى تحديدا شهر خمسه ( مايو ) وعندنا كانو منتدبين مدرسين الثانوى يدرسو المنهج الجديد لاولى اعدادى عشان مكانش فى تانيه ثانوى
لكن العام الحالى تم الغاء ندب مدرسين الثانويه وخدو اى حد فرنساوى انا كنت متعاقد ابتدائى على امل تغير العقد لاعداى العام القادم
وبالفعل دا حصل لكن وكيل الوزارة مرضيش يغير العقد لنقل واكتفى بالندب وبرر كدا بان الفرنساوى فى الاعدادى تجربه وممكن متستمرش علشان كدا قال نخليها ندب وربنا يسهل
انا مشتغلتش زى البعض مفاكر بالكوسه ( الواسطه ) بالعكس انا تربيه فرنساوى جيد جدا .
ومش رايح زياده والله زى البعض متهمنى

وبرضه محدش افادنى فى اللى انا سالت عليه !!!!!!!!!!!!!!!!!!!!!!!!!!!!!!!!

[febranya]

ياخونا انا اجرمت فى حاجه

وعموما انا كنت فاكر انه دا منتدى للناس اللى بتفهم مش الناس اللى بترد ردود مستفزه وغبيه

ودى أخر مشاركه ليّ وحقكم علي . وشكرا .

[vip_ame]

المشاركة الأصلية كتبت بواسطة طاهر الشاعر

ردا علي العضو المهم جدا:
1- "اذا كان فيه غلط فهو مش من عند الاستاذ اللى رضى يشتغل معلم فصل وهو فى الاصل مدرس فرنسى
الغلط على الاساتذة الكبار اللى ماسكين مناصب اكبر منهم"
- الوزارة بتاخد تقديرات معينة بتشغلها تخصص, وبتطرح وظيفة معلم فصل الي الجماعة اللي مطلوش عقود تخصص, والوزارة بترفض تعطيهم تخصصات بعدين لانها عملت لهم المسابقة دي لسد العجز في وظيفة مدرس فصل والا كل مدرسين الفصول هيدرسوا تخصص وتفضي هذه الوظيفة وكأن الوزارة معملتش حاجة.

2- "مافيش تخصص فى العقد اصلا ولا معمول اعدادى او ابتدائىالعقود كلها معلم مساعد مافيش فيها تخصص او بتنجان"
- العقد اللي انت مضيته في الاول قبل عقد معلم مساعد فصل مكتوب فيه التخصص واظن الاكاديمية طلبته , بعد الوزارة حرصت علي ان اي مسابقة معلم مساعد يتكتب في العقد التخصص اللي انت اتقدمت عليه في المسابقة

هههههههههههه
ده اولا
اما ثانيا بقى
مين اللى قالك ان فيه دخل للتقديرات اصلا فى العمل وحكاية ان اللى تقديرة قليل يشتغل معلم فصل مع كامل احترامى تأليف واصلا يا استاذ حكاية مدرس فصل دى المفروض تتشال من التعليم ويبقى كل واحد يدرس تخصص ومدارس كتير عاملة كده يبقى حكاية تنخصص مدرس فصل دى اصلا مالهاش اى لازمة

ثالثا العقد اللى انا ماضيت عليه فى الاول اللى هو كان سنة 2005 مالوش اى قيمة خالص دلوقت والاكاديمية مالهاش علاقة بيه وكمان مكانش فيه تخصص برضه
اما العقد الجديد برضه لا فيه تخصص ولا مرحلة
اللى يحدد التخصص والمرحلة الادارة اللى انت شغال فيها والمدرسة وطبعا التوجيه
وبعدين مسابقة ايه اللى انت عمال تقول عليها احنا اشتغلنا بقالنا كام سنة اولا بالاجر وبعد كده ترشيحا من الادارة بقينا تعاقد سنة 2005 وبعدها تعاقدنا من خلال الوزارة ممثلة فى المديرية عام 2008 ومافيش اى مسابقات قدمنا فيها

انا كنت شغال مدرس رياضيات ابتدائى اول 3 سنين تعاقد قديم وبعدها طلعت وبقيت معلم رياضيات اعدادى من السنة اللى فاتت وتخصصى دخل من خلال الادارة قسم الاحصاء باننى اعدادى وامتحنت على كده

حكاية بقى سد عجز ابتدائى فده حصل بتعيين مدرس بالاجر مكانى

ونفس الحكاية هاتكون بالنسبة للمسيو اللى طلع اعدادى هايجيبوا واحد بالاجر مكانه

انا بس نفسى افهم حاجه واحده انت متضايق اوى ليه من المسيو اللى اشتغل دلوقت فى تخصصه اللى المفروض كان يشتغل فيه من الاول؟؟؟

[MR.Mamdouh Ramadan]

جزاك الله خيرا