كاميرات مراقبه في ال...!!!!!

[ياسمينايا]

السلام عليكم ورحمه الله وبركاته ..

ازيكو ..يارب تكونو بخيير ..

النهارده شفت برنامج كده ..مش لازم اسماء يعنى,,لحسن حد يفتكرنى بعلن عن قناه ولا حاجه..

المهم شفت ع قناه المحور ع برنامج 90 دقيقه مع المذيعه ريهام والشيخ فرحات وكانت واحده تانيه معاهم ..((أظن كده انا مسبتش حاجه ))

المهم كانو بيتكلمو عن موضوع كاميرات المراقبه في المساجد ..لانه بيتم سرقه الاحذيه وصناديق تجميع الاموال ده غير المصاحف وامهات الكتب ..والمايكرفونات..ده طبعا مش في كل المساجد ده في معظم المساجد المشهوره ..((قدوتنا بقت الدول الاجنبيه !!!!!!!))

عشان كده تم اقتراح وضع كاميرات مراقبه ..في المساجد نفسها منعا للسرقات دى ..

والبرنامج كان فيه رأيين ..

الرأى المؤيد للفكره ..

اه طبعا وليه لآ طالما هتحد من السرقات دى ..ماحنا عندنا كاميرات في الحرم الشريف ..وبيبقى في ناس كتير قووى وكمان كتير من الدول الاجنبيه المساجد بتاعتها بيبقى فيها كاميرات مراقبه ..للامن والحمايه..
..((قدوتنا بقت الدول الاجنبيه !!!!!!!))


الرأى المعارض للفكره ..

لا طبعا ازاى المكان اللى الناس بتلاقى فى السكينه والراحه والطمأنينه تحس ان هى متراقبه فيه ..وبعدين مينفعش نقارن المساجد بالحرم الشريف لان ده حاجه وده حاجه تانيه ..والموضوع مش هينفع خاصه للسيدات في المساجد وبعدين السرقات دى بيتقى بنسب ضئيله جدا مش محتاجه يعنى كاميرا مراقبه ..

رأى الجمهور ...

متبعين الرأى التانى بردوا وبعدين بدل كاميرا المراقبه ما يعتنو بنظافه المساجد شويه ..وبعدين هيبقى شكل المساجد والمسلمين مش لطيف بالنسبه لدول اخرى لمايعرفو ان المسجد مكان الراحه والسكينه بيتحطلو كاميرا مراقبه !!!!!!!

..فاضل راى رابع ..

وهو رأى اعضاء المنتدى ..ياريت بجد تقولولى ارائكم ..