انا هانتحر

[نفسىفى هندسة]

انا فى ثانية ثانوى وانا بايظ خالص اقولولى اعمل خصوصا ان لسة 4شهور

[محمد السيد احمد محمود]

بص انا برضه فى2ث انوي انا برضه واقف معايا حاجات بس مش لدرجة الانتحار خصوصا ان لسه 4شهور على الامتحان احنا لسة فى نص السنة يعن تقدر تغير نفسك وتطلع من اوائل الجمهورية كمان
والرجاء من الاعضاء اللى خلصوا ثانوية ينقلوا خبرتهم لينا علشان نستفيد

[د/اسراء]

ياجماعه لأ خالص مش لدرجة الانتحار اولا استعينوا بالله وادعوا ربنا يوفقكم خلوا دايما على لسانكم دعوة اللهم وفقنى لما تحبه وترضاه
ثانيا دلوقتى المفروض مفيش ثانيه تضيع منكم بقدر الامكان وتقلل عدد ساعات النوم يعنى مثلا مايزيدش عدد ساعات النوم عن 6 ساعات والاهم من كده ياريت بلاش نت خاااااااااااااااالص
ماتقلقوش خالص وبلاش الارتباك لانه يمكن ده اللى مضيع التركيز منكم
بالنسبه للمواد اللى عندكم مثلا الرياضه ( انا هتكلم عن اللى انا كنت بعمله) كنت بقرا امثله محلوله وبعدين كنت بحل على الدرس منكذا مصدر يعنى هيا الرياضه عايزه حل كتير علشان الافكار تثبت فى دماغك من تكرارها ادامك كتير وانا كمان كنت من بداية السنه عامله كشكول كبيييييييييييييييييير واى مساله كانت بتقابلنى صعبه او فكرتها بتروح منى بسرعه كنت باكتبها فبصراحه الحركه دى فادتنى اوووووووووى ووفرت عليا وقت كتير اهتموا جدا بكتاب المدرسه
انا حليت كمان الماهر و100%والدليل حليته ومجاش من الدليل اى حاجه
الفرنساوى ده انا كنت فاشله فيه علشان كدا ماتسمعوش نصيحتى فيه خالص انا شايفه ان الفرنساوى اصعب مواد الثانويه العامه 2و3 بس متهيالي الضعف فى الفرنساوى يتعوض بالحل الكتير
الانجليزى سهل جدا ومش محتاج كلام معظم الاسئله بتتكرر فى كل الكتب وبرضه اهم حاجه حل كتب كتيييييير وانت بتحل الجمله اللى حاسس ان دى هتنساها اعمل عليها سهم بحيث ترجعلها تانى او على الاقل تقراها ليلة الامتحان لان لازم تعرف ان ليلة الامتحان مفيش وقت كل حاجه تتقرى اللى عليه سهم بس هو اللى هتقراه
العربى ده ربنا يكون فى عونكم عليه# الادب بتاع 2ث مش ادب ده قلة ادب# بجد عايز مذاكره كتيييييييييييييييييييييييييييير على الاقل يتراجع كل اسبوع مره هو انت لو عملت كده هيريحك اوى ومش هياخذ منك وقت بعد كده
ده طبعا غير معانى الكلمات وغير......وغير.......وغير......بس من الاخر عايز حفظ ثم حفظ ثم حفظ ولا تنسى كتاب المدرسه
يعنى مثلا انت ذاكرت الدرس من ملزمة المدرس بعدها تقرا الدرس من كتاب المدرسه مش هياخد منك نص ساعه
وطبعا الدليل مهم جدا والحقيقه قصة 2ث سهله جداااااااااا والنحو سهل برضه بس عايز حل كتيييييير
والكيمياء دى عسل وسكر وكل حاجه حلوه فى الدنيا اهم نصيحه عايزه اقولها لكم فى الكيمياء المراجعه كتييييييييييييييير يعنى مثلا انت ذاكرت الفصل الاول النهارده وحليت عليه ماتسيبوش تيجى تانى يوم تقراه ولوحتى قراءه عابره مش هياخذ منك نص ساعه وبعد مايعدى مثلا اسبوع تقراه مره تانى دى احسن حاجه فادتنى فى الكيمياء#
( ما تقيدش نفسك بمراجعة المدرس اللى بتاخذ عنده) انت مع نفسك تحدد انا هذاكر الفصل 6 مثلا مع مراجعة المدرس
واخيرا استعينوا بالله وابتعدوا عن النت
وافتكروا انكم هتتعبوا سنتين بس هترتاحوا طول العمر باذن الله

[boy.bird]

يعم مزاكرة اية سيبك انت متزاكرش كتير اخرك ساعة ولا ساعتين والامتحانات سهلة وانت مضايقش نفسك خالص

كلة تمام وبيعدى واللى مش بيعدى بيبقى ارتباك وخايف وبعد الامتحان يقول يااااااة الامتحان كان سهل اوى

هو بس ريح دماغك والثانوى مفيش اسهل منة

انا واخد احياء فى تانية وعاااااادى والعربى سهل جدا جدا جدا والانجلش اسهل والفرنساوى اسهل من السهولة هى وثيقة

وحبة مين اللى بيقول والتعبيرات وخطاب وحبة قواعد سهلة جدا مفيهاش حاجة

والرياضة سهلة اوى مش محتاجة هو حبة مزاكرة بدماغ هتظبط كل حاجة

فى ايــة تانى خلاص لو واخد كيميا سهلة

لو احياء اسهل واسهل

يبقى ثانوية اية بقى كأنها سنة عادية ولا يهمك

والامتحانات ولا اسهل منها

سؤال ف امتحان متعرفوش اوى اضحك ع اللى بيصحح وارمى السؤال فى ملعبة يديك الدرجة النهائية غصب عنة


ومجربها فى سنين كتير وكنت بطلع الاول مع ان فى اسئلة معرفهاش كتير

حبة تفتيح دماغ وبـــــس