جودة حلمنتيشى

[أمانى سعد]

قمت بتأليف هذا الشعر الحلمنتيشى لتتغنى به المرشدات بالمدرسة ..... فما رأيكم فيه ؟

هو يا هو تعليمنا ف جودة أهو


مدارســـــــــنا هتبقى الأفضل


تعليمنا هيبقى مطــــــــــــــور


رؤيتنا و رسالتنا ..... أهدافنا كمان تتحضر


و قيادة بقوانينها تعدل ..ترشد..و تقدر


مواردنا أهى موجودة و المبنى كمان متوفر


ونشارك مجتمعنا و يشارك هو أكثر


وحدة تدريبنا نشيطة بتدرب تبنى تعمر


هو يا هو تعليمنا ف جودة أهو


أستاذنا هيسمع لينا


وهيرشـدنا ويهدينا


واحنا كطلبة بأدينا


هنخلى عقولنا أفضل


مناهجنا و معاييرها فى مناخ صح هتتقدر


وأدلتنا و شواهـدنا فى ملفاتنــــــا هتتصور


و الهيئة تعتمـــدنا بوســــام ع الصدر ينور


و دى أخرة كل مجــاهد دايما ع القمة يدور

[ابو الحسن]

very good words

[ابو الحسن]

منقول

كتبهاد محمد عباس ، في 3 أبريل 2009 الساعة: 08:58 ص

استاذنا حط ايده فى الشق قال يا سيدنا معندكش حق

شايل على راسه كتير خالص دايما بعافر ماقالشى لا

قالوا تطوير قلت شىء رائع تطوير يكون شامل كده نافع

اجرى وصور هاته وطور واكتب لنا مانشيت بلون فاقع

ادى جوايز الامتياز فى الدار عايز وكيل واتوصى بالمعيار

وادى كمان تعليمنا بالجوده يا فرحة الى ابتكر واللى شار

تقويم وشامل ياجدع لينا ينتج مواهب من حوالينا

بالانشطة يبقى الواد ناجح لو مستواه زى البلى طينه

والابله دى بتقول آه يانا من تل الحقايب دى اهى تعبانه

طول النهار تملى تكتبها مش فاضيه تعلمنا ديانه

شوف الاحترام للمدرسة مقلوب بص المدرس حدفوه بالطوب

قانون وزير ماتضرب عيل يا بخت من بات والله مغلوب

والناس كتير عايشه فى دوامه سمعه كلام مش فاهماه ياما

جوده وتقويم وامتياز تعليم هدى حبه يا عم ابو شامه

عايزين ايديكم مع ايدينا عشان نحقق كده اهدافنا

مش بالكلام ولا شعار مكتوب بالجد نطور علم ولادنا
من موقع //
http://vetegypt.maktoobblog.com/1580...5%D8%B5%D8%B7/

[Mr. Medhat Salah]

thaaaaaaaaaaaaaaanks