السلام عليكم ورحمة الله وبركاته
بجد يا جماعه انا تعبت اوى من الى بيحصل ده ومش عارفه مين الى بيعمل كدا ومش عارفه الموضوع ده بيحصل فى المنتدى عادى مع الكل ولا قصد معايا انا بس
بس انا مش هقدر استحمل اكتر من كدا
انا كذا مرة اكتب ليا موضوع واكون تعبت فى كتابته والقيه اتحذف بكل سهولة ومن غير اى اسباب والموضوع ده حصل معايا اكتر من 5مرات وانا مش عارفه ليه كدا ومين الى بيعمل كدا وقبل كدا بعت لمشرف القسم وقالى معلش اكتبيهم تانى وقولت عادى ومش مهم ومزعلتش وبصراحه فى القسم ده بعد كدا لما كنت بنزل اى موضوع بلاقيه مفيش اى حاجة اتحذفت
بس نزلت ليا كذا موضوع فى كذا قسم وكل لما اخش مالقهومش ودى حاجة تخنق بجد ومع ذلك سكت
بس ان انا اخش النهاردة والاقى موضوع انا كنت منزلاه والاقيه اتحذف ونزل باسم عضو فدى بقى لا بجد مش هينفع التهريج الى بيحصل ده وانا مش هقول ايه هو الموضوع ولا ايه هو اسم العضو لان اى اقلل حاجة هتتقال ان الموضوع متكرر بس لو الموضوع متكرر مش هيبقى متكرر بنفس لون الخط وبنفس الحجم وبنفس الطريقة وبنفس الكلام بالظبط حتى بنفس الصيغة انا بجد تعبت من الى بيحصل ده ومحتاجه حد يشوفلى حل فى الموضوع ده
|
05-04-2007, 06:30 PM
العرض الشجري
