|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
05-04-2007, 07:15 PM
|
|||
|
|||
حكايه كل شباب انهارده .. حنشوفها في شخص أحمد الطالب الجامعي المتخرج من 4 سنين من أشعة السنبلاوين .. و حبيبته كوكا, بكالوريوس كمبيوتر قسم ( كهربه أفراح ) !
أحمد تتجوزيني ؟ كوكا ـ أفندم ؟ أحمد ـ بقولك تتجوزيني ؟ كوكا ـ !!!!! أحمد ـ تتجوزيني ؟ كوكا ـ لا ! أحمد ـ ليه ؟ كوكا ـ بصراحة كدة شكلك مش عاجبني .. أحمد ـ إزاي يعني ؟ كوكا ـ يعني .. أصل أنا ليا مواصفات معينة لفارس أحلامي . أحمد ـ مواصفات معينة ؟ .. هو انتي هتتجوزي عربية ؟ كوكا ـ لا ! .. بصراحة كدة .. إنت مش فارس أحلامي اللي باتمناه ! ***** أحمد ـ تتجوزيني ؟ كوكا ـ إيه ده ؟ شكلك اتغير ! أحمد ـ إيه رأيك ؟ كوكا ـ واو .. شعرك بقة ناعم ! .. دي باروكة ؟ أحمد ـ أيوة كوكا ـ ودي عدسات خضراء ؟ أحمد ـ أيوة كوكا ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج ! أحمد ـ مين عباس كيج ده ؟ كوكا ـ عباس ؟!! ياي .. إيه عباس دي ؟ اسمه نيكولاس .. أحمد ـ مين نيكولاس ده ؟ كوكا ـ بقة مالكشي في السيما وجاي تكلمني ؟ .. ياي ! ***** أحمد ـ تتجوزيني ؟ كوكا ـ انت لسة ليك عين تكلمني ؟ أحمد ـ أيوة .. أنا عرفت مين بنكرياس كيج ده كوكا ـ أولاً : اسمه نيكولاس كيج .. أحمد ـ أيوة أيوة .. كنت هاقول اسمه صح .. بس اختصرته .. ده ممثل كوكا ـ ممثل إيه ؟ أحمد ـ ممثل أمريكاوي كوكا ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي أحمد ـ دونكي دي تبقى شتيمة ؟ كوكا ـ أوف كورس ***** أحمد ـ تتجوزيني ؟ كوكا ـ عندك عربية موديل كام ؟ أحمد ـ موديل دي تبقى شتيمة ؟ ***** أحمد ـ تتجوزيني ؟ كوكا ـ قوللي الأول .. حاطط أنهي نغمة في الموبايل بتاعك ؟ أحمد ـ نغمة دي تبقى شتيمة ؟ ***** أحمد ـ تتجوزيني ؟ كوكا ـ ما قلتليش .. إنت بتشتغل إيه ؟ أحمد ـ أنا -بلا فخر- عاطل كوكا ـ عاطل ؟ .. ياي ! .. أحمد ـ مش أحسن من اللي ما بيشتغلش ؟ كوكا ـ لا أحمد ـ يعني مش هتتجوزيني ؟ كوكا ـ لا يا أحمد أحمد ـ كدة أنا أزعل كوكا ـ ما تزعلش يا بابا .. خليك فريش أحمد ـ ماشي .. ماشي .. بس قوليلي .. كوكا ـ إيه ؟ أحمد ـ فريش دي تبقى شتيمة ؟ ***** أحمد ـ تتجوزيني ؟ كوكا ـ لقيت شغل ؟ أحمد ـ أيوة طبعًا .. سنتين وأنا بادور .. أخيرًا لقيت .. كوكا ـ وإيه هو ؟ أحمد ـ سواق تاكسي . كوكا ـ ياي ! .. مش مكسوف وانت بتقولها ؟ أحمد ـ فيها إيه ؟ العمل شرف .. وكلها كام سنة وأجمع مبلغ كويس .. كوكا ـ شرف ؟ جتك القرف ! ***** أحمد ـ تتجوزيني ؟ كوكا ـ جمعت مبلغ كويس ؟ أحمد ـ طبعًا .. مبلغ كبير جدًا .. كوكا ـ قد إيه يعني ؟ أحمد ـ ألف جنيه كوكا ـ نعم ؟!!! .. ألف جنيه دول تروح تسرح بيهم قدام كنتاكى .. أحمد ـ يعني موافقة ؟ كوكا ـ كنتاكى دى تبقى شتيمة . ***** أحمد ـ تتجوزيني ؟ كوكا ـ عندك شقة ؟ أحمد ـ طبعًا .. أودة على السطوح .. كوكا ـ نعم ؟!! .. أحمد ـ إيه المشكلة ؟! .. أحسن ما ننام في الشارع ! كوكا ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة . أحمد ـ طيب .. كلها كام سنة وأجيبلك أحسن شقة في الدنيا . كوكا ـ وهتجيبها في جاردن سيتي ولا في الزمالك ولا فى رويال مدريد ؟ أحمد ـ لا .. في الأهلي ..مدريد دى تبقى شتيمة..... ***** ( بعد سنوات) : أحمد ـ تتجوزيني ؟ كوكا ـ جبت الشقة ؟ أحمد ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. كوكا ـ فانتاستيك أحمد ـ بس الشقة ناقصة حاجة . كوكا ـ إيه هي ؟ أحمد ـ مفيهاش حمام ! كوكا ـ امشي من قدامي ! .. مش طايقاك ! ***** أحمد ـ تتجوزيني ؟ كوكا ـ إنت تاني ؟ أحمد ـ جبتلك حمّام إنما إيه فى المعادى كوكا ـ خليه ينفعك أحمد ـ ليه بس ؟ .. ده ينفع لينا احنا الاتنين كوكا ـ وأنا مالي ؟ أحمد ـ مش عاجبك .. مش مشكلة .. أكتبه باسمك ***** (بعد سنين) .. أحمد ـ هتتجوزيني ولا أولع فيكي ؟ كوكا ـ ومالك محروق كدة ؟ أحمد ـ حكايتنا طولت قوي .. طولت أكتر من اللازم كوكا ـ أوكي .. بس ممكن أعرف حاجة ؟ أحمد ـ إيه ؟ كوكا ـ إنت ليه متمسك بيا أوي كدة يا ميدو؟ أحمد ـ أصل .. أصل .. كوكا ـ أصل إيه ؟ أحمد ـ أصل أنا بحُبك (بضم الحاء) ! كوكا ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. وبعدين خليك روش وقول : I love you أحمد ـ ماشي .. بس قوليلي .. كوكا ـ نعم ؟ أحمد ـ روش دي تبقى شتيمة ؟ ***** أحمد ـ تتجوزيني ؟ كوكا ـ بصراحة .. في حاجة كنت عاوزة أقولهالك من زمااااااان يا ميدو . أحمد ـ إيه ؟ كوكا ـ أنا بصراحة .. مش شايفة إن في حد في العالم يستاهلني أحمد ـ يا سلام ! .. ليه ؟ كوكا ـ عشان أنا جميلة .. خفيفة الدم .. رشيقة .. رقيقة .. أحمد ـ رقيقة ؟! .. ده انت بدأتي تقشفي كوكا ـ فشر ! أحمد ـ فوقي لنفسك .. العمر بيجري .. كوكا ـ أنا مصرة على رأيي أحمد ـ يعني إيه ؟ كوكا ـ يعني اقطع معايا واخلع بقى أحمد ـ بعد كل السنين دي ؟! .. بعد كل الحب ده ؟!! كوكا ـ بلاش تراجيديا من فضلك أحمد ـ ماشي .. بس قبل ما أمشي عاوز أسألك سؤال واحد بس .. كوكا ـ إيه هو ؟ أحمد ـ تراجيديا دي تبقى شتيمة ؟ ***** ( بعد سنوات ) .. أحمد ـ تتجوشيني ؟ كوكا ـ إيه ؟ أحمد ـ تتجوشييينييييييي ؟ كوكا ـ إنت مين ؟ أحمد ـ أنا حبيبك يا هبلة .. البشي النضارة عشان تشوفيني كوكا ـ طيب شاعدني عشان ألاقي النضارة أحمد ـ آهي على الترابيزة قدامك كوكا ـ فين ؟!! أحمد ـ لا دي نظارتي أنا كوكا ـ أيوة لقيتها .. أحمد ـ البشيها بقة كوكا ـ ططييبب أحمد ـ عينيكي فوق شوية يا سماسم .. ده بقك .. كوكا ـ طيب لبشهالي إنت أحمد ـ عقبال ما البشك الدبلة كوكا ـ ما تكشفنيش يا ميشو بقي .. كنت بتقول إيه بقى ؟ أحمد ـ كنت بقول تتجوشششيييينيييييي ؟ كوكا ـ أكوشك ؟ .. إزاي ؟ أحمد ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟ كوكا دي شتيمة ؟ أحمد لاااااء .. بقولك تتجوشيني ؟ كوكا ـ آه !! .. أجوشك أحمد ـ بالضااااابط .. هاه ؟ كوكا ـ شيبني أفكر أحمد ـ أشيبك تفكري ؟! .. ده انت هتموتي خلاش ! كوكا ـ لا .. شيبني أفكر بش أحمد ـ ربنا يوفقك كوكا ـ إيه ؟ أحمد ـ ربنا يوفقك كوكا ـ بتقول إيه ؟ أحمد ـ ربنا ياخدك ***** (على فراش الموت) : أحمد ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟ كوكا ـ مش شامعة أحمد ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح ……. كوكا ـ أجوش مين ؟!!! أحمد ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!! كوكا ـ إيه ؟ .. أحمد ـ لا .. كوح .. أبدًا .. كوح .. كنت … كح كح .. بأكح كوكا ـ كنت بتكح ؟!!!! .. شلامتك .. ما قلتليش ليه ؟ أحمد ـ هو .. كوح .. إنتي .. لشة .. عارفـ .. ـة .. كوح كوح كوكا ـ بتقول إيه ؟ أحمد ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟ كوكا ـ أجوشك ؟!! .. طب بش خد الدوا الأول أحمد ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟ كوكا ـ أيوة يا حاج .. موافقة .. موافقة إنك تتكوشني .. أحمد ـ أخيـ….كوح كوح ..راااااً !! .. كوح كوح .. كدة أموت .. كوح .. كوح .. وأنا .. كوح .. مطمئن ومرتاح .. الودااا .. كوح ..ع ع ع ع كوكا ـ يا حاج .. يا حاج .. لااااااااااااااااااااااااااااا !! |
|
#2
05-04-2007, 07:23 PM
|
|||
|
|||
|
تحفه يابنى
بس شوفتها قبل كده عندنا فى المنتدى طلعت out المرة دى .... كووح كوح كاح .. س.. كوح كوح ..ل.. ا .. كوح كوح كيح ..م.. كوح .. سلام
__________________
<div align="center"> My place not here It's over </div> |
|
#3
05-04-2007, 08:54 PM
|
||||
|
||||
<div align="center"> <div class='quotetop'>إقتباس(Eng_Rahaf @ Apr 5 2007, 08:23 PM) [snapback]292050[/snapback]</div>
اقتباس:
</div>
__________________
 Always remember two things Don’t' take any decision when you are Angry Don’t' make any promises when you are Happy |
|
#4
05-04-2007, 09:29 PM
|
|||
|
|||
|
__________________
<div align="center"><span style="font-family:Comic Sans Ms">ما أصعب أن يعطي الإنسان،، ثم يُقابل عطاءَه بالنكران</span></div> |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:52 PM.
