أسئلة هامة جدا

[ayotabahy]

بسم الله الرحمن الرحيم
ممكن لو سمحتوا الطلبة اللى كانوا فى الصف الثانى الثانوى
وربنا وفقهم يفيدونا من خبراتهم ويعطونا بعض النصائح التى نستطيع الاستفادة منها فى الصف الثانى ان شاء الله:يعنى
_ هل نرهق أنفسنا فى المذاكرة لأن الثانوية العامة مصيرية ولن تتكرر ؟ ولا نذاكر عادى 3 أو 4 ساعات وخلاص ؟ مع العلم ان طموحى كلية الطب بإذن الله.
-هل نمنع النت والتلفزيون والمسلسلات وقعدة الصحاب وزيارات الاقارب والخروجات ؟ ولا ننظم الوقت ازاى؟
-هل نداوم على المدرسة ؟ ولا مش لازم نروح لأنها مش مفيدة؟ ولو رحنا نروح كام يوم اسبوعيا؟ وازاى ممكن تكون المدرسة مفيدة الى جانب الدروس؟
-هل نسلم نفسنا للملخصات الكتير ؟ ولا كفاية ملخص؟ وهل كتاب المدرسة مفيد وازاى؟ مهم السؤال ده
-هل مهم بالنسبة لموضوع التعبير فى العربى إن يكون فيه المام بالأحداث الجارية الى جانب المذاكرة؟ ولا المواضيع بتكون سطحية سهل ان الواحد يتصرف ساعة الامتحان ويألف فيها؟ وهل لازم استشهاد بآيات قرآنية وأشعار ولا مش مهم؟
-وبالنسبة للانجليزى هل احفظ كلمات زيادة عن المقرر ولا مش لازم اوى؟
-وبالنسبة للأجازة دلوقت:ما أهم الأشياء الممكن عملها؟ الاسترخاء التام الذى لن نحس به طول سنة تانية ولا نزود كلمات الانجليزى والفرنساوى ونقرأالنحو ونتعب شوية؟مهم السؤال ده
-ايه بجد أحسن وقت لمذاكرة المواد التى تعتمد على الفهم ؟وايه للمواد التى تعتمد على الحفظ؟
-هل واجهتوا صعوبات فى أول السنة فى تذكر الفرنساوى ولا افتكرتوا بسرعة؟
- هل فعلا ثانية وثالثة ثانوى صعبة نفسيا ومجهدة؟ ولا دى اشاعات ؟ ولو هى متعبة ازلى أتفادى الضغط النفسى؟
أرجو الرد بالتفصيل على كل الاسئلة لأنى بجد عندى قلق رهيب
مع ادراج نصائح أخرى لو عندك أداوم على الرياضة ولا لأ وما على مثال ذلك. قال (صلى الله عليه وسلم ): { من سئل عن علم فكتمه ألجمه الله بلجام من نار يوم القيامة } ورواه ابن ماجه والترمذي وحسنه , وصححه الألباني
وقال أيضاوخير الناس أنفعهم للناس )
والسلام عليكم ورحمة الله وبركاته