شوفو بقولو ايه عن الريس

[الاندلس]

http://www.jondu-rrahmaan.com/vb/showthrea...45735#post45735

http://www.jondu-rrahmaan.com/vb/showthrea...45735#post45735



<div align="center">الف خساره عليك ياريس</div>

[khaled elryies]

والله هذا الرجل منافق
لاني شوفت له فيديو يصف فيه مبارك برب العزة والملكوت

وهذا من شعره:..::مبارك.....لهامان::..


مبارك يا فرعون لهامان مبارك
مبارك وهاته يكمل حصارك
وأوعك يا فرعون تبدل قرارك
ده هامان حبيبنا وأصلاً مبارك
***
مبارك يا فرعون ده يومنا ده عيد
وما فينا واحد ما هيكون سعيد
عشان يوم فرعونا ينوى الرحيل
هيترك مكانه وريثه الوحيد
وإحنا بلا شك لازم نبايعه
وإلا مصيرنا هيبقى فـ حديد
وبعدين ده راجل حبيبنا و"مبارك"
***
ده هو اللي ماسك لجام الحصان
وهو اللي راسم طريقه الشيطان
وهو اللي زودلك الصولجان
كفايه ان اسمه حبيبنا هامان
كمان كل طبعه وسمته "مبارك"
***
مبارك يا فرعون يا رمز السلام
يا مالي بلادنا ببراج الحمام
يا رافع سلاحنا فـ وش الأعادي
وإن كان سلاحك بسحر الكلام
لكنه بيعرف يفك الخصام
لأن الكلام من جلالتك مبارك
***
مبارك وخليه يعمل حسابه
وقول له ما يمشي فـ طريق اللي جابه
عشان أي حاشيه كحاشية أبوه
هتقضي عليه هو وياه كلابه
ما تنساش يا فرعون تعرف جنابه
***
بأن النهاية أكيد من قرارك
هيجني علينا ويركب حمارك
وينزل على البحر وياك فـ دارك
وعقبال هامانك يا فرعون"....."




ومن فريق الشاعر عبدالرحمن اسامه عبدالصبور:

كلب الأعيان
صابح زعلان
إكمن صاحبنا إللي إتعض إمبارح هفتان
جسمه العدمان مايمتعشي
وماشبعشي كلب الأعيان
الكلب يا أهل الخير معذور
علشان مسعور
كان أكله تملي مابيكفيش ولا يمسح زور
وصاحبنا إللي مروح مهبور
هو الغلطان
إزاي بكشر ويبرطم
ويقول أنا عايز حقي كمان
بتهين السادة المحترمين
روح يا حزين
وإحمد ربك إنك عايش زي العايشين
لكن تطمع وتقول أنا عايز أعيش بأمان
طب قولي إزاي أو قولي ب إيه يتسلى البيه ( كلب الأعيان )
يا صلاة الزين
شوفتم ودتنا الدنيا لفين
عايشين وكأننا مش عايشين
وفي بيتنا ولكن مغتربين
وبناكل طين وبـ نشرب طين و نشيل الطين
ودا كله وبرضك مش عاجبين
ياخونا حرام
ماتبصوا ف عين الناس حبه
مابقاش الحزن بيتخبى
وكلاب الحارة الغلابانة
ماهي عايشه بتاكل ويانا
وتقوم وتنـام
ولاعمرها عضت طفل بريئ
من غير ما يجيها و يتشاقى
ولا عمرها سدت ليَّ طريق
في زمان الفوضى الخلاقة
أنا باين إني سـرحت بـعيد
أنا باين إني هاروح ف حديد
لكن لو جيت للحق أكيد
أنا مش غلطان
لو أحزن إني باعيش ف زمان
بيدوس الإنسان الغلبان
وبيقسى عليه
و بيدفن نظرة خوف في عنيه
علشان ما يسلي سعادة البيه
كلب ( الأعيان

[الاندلس]

الكلام تهزيء علي الريس مش مده يا ابو الريس