تعملى ايه ؟ لو كنتى فى المشكله دى ؟

[محمود الجوكر]

هدخل فى الموضوع عالطول وهقولكم


ايه احساسك لو كنتى بتحلمى بفتى احلامك بس


مش زى الاحلام العبيطه انا عوزاه غنى وشعرة اصفر والكلام العبيط ده


لا كل بنت بتحلم انها تحب انسان راجل بمعنى الكلمه يخاف عليها ويغير عليها ويحطها فى عنيه


ميخونهاش يحبها ميمدش قيده عليها عنده عزة نفس عنده كرامه شخصيه قويه هو صاحب


الكلمه المسموعه فى البيت اكيد ولو فى نقاش يبقى احسن لان الراجل هو الراجل اينما كان


فبعد ماتلاقيه فى الواقع وتحبيه واكيد هتحبيه جدا لانك كنتى بتحلمى بيه من زمان وهو


حسسك بحبه وبخوفك عليه وكده


وبعد مرور الوقت بداتى تعرفى ان كل ده تمثيل وكلام فاضى وانه للاسف بيكلم بنات وبيدحك


ويهزر وشخصيته ال حبتيها اتقلبت 180 درجه فى الارض وان الكلام ال بيقولهولك قالوا لطوب


الارض وانه معجب جدا بنفسه وبجماله ومظهرة ويحسسك انه نجم


ومع ذلك كنتى انتى بتحسسيه دايما انك خادمته وهو الامير لانك حبتيه ومش بترفوديله طلبه الا


فى الحدود ودايما بتقولى حاضر لانك تحبيه والبنت ال حبت اكيد بتضحى وبعد كده تبقى انتى


عنده عادى ولا تفرقى ويتلككلك على كل حاجه


قوليلى بالزمه تعملى ايه ؟؟؟؟؟؟؟؟؟


متقوليش تموتى نفسك


لا حرام وكفر بالله مش عشان انسان عبد لله حبتيه تموتى نفسك


تبعدى عنه بالموت وتزعلى الخالق منك لالالالالالالالالا


قولولى هتعملوا ايه انا عارفه لو كنتى فى المشكله اكيد برضه هتكونى بتحبيه بس حاولى


تقولى رئيك


ولو ولد بقى ال هيدخل يقولى هل يرضيك الوضع وتقول ايه على الانسان ده


على فكرة دى بس فكرة جت فى دماغى

[الاسطورة]

نفسى أشوف ليك موضوع بيتكلم عن الولاد

كل مواضيعك عن البنات

لأ وايه فى البروفيل مكتوب(البنت المسلمة
( 22 المشاركات في هذا المنتدى / 20% مشاركات )



مش مكسوف من نفسك!

[JusT l0sT]

أى بنت اكيد قبل ما تتجوز هى واهلها بيسألوا عنه الاول واذا كانوا عارفين وراضيين خلاص يستحملوا........
واذا سألت وما كانت تعرف فبردوا تستحمل لو كان عندها أطفال ولو ما كانش يبئا..............ولابلاش مش عايزين خراب بيوت

[عزة كمال محمد]

<div class='quotetop'>إقتباس(elma7et @ May 30 2007, 01:37 PM) [snapback]315812[/snapback]</div>

نفسى أشوف ليك موضوع بيتكلم عن الولاد
كل مواضيعك عن البنات؟
مش مكسوف من نفسك!
[/b]

السلام عليكم ورحمة الله وبركاته
انا بس عايزة اقولك يا محمود ان الجوكر دايما منتقض البنات
اكيد لو عمل موضوع للشباب هينتقضم برده.
بس انا ممكن اعمل موضوع ينتقضكم
وآخد حق البنات منك يا جوكر.
هو الموضوع ده غريب شوية
بس انا لو عرفت انه بيخونى مش هاقتل نفسى
هو انا اضيع نفسى عشان واحد ميستاهلش حبى؟
بس لو خلاص بقى لا مفر
ساعتها هقتله هو
والله ساعتها هاخد برآءة لان ده حقى وهارتاح منه
وهاريح كل البنات اللى بيلعب بيهم
وعندى استعداد اقتله لو قدامى حتى لو هاخد اعدام
بس ماعتقدش انى اخد اعدام عشان واحد زى ده.

[الاسطورة]

هههههههههههه

ينتقد مين يا عزة

ده على نفسه

وانتى عارفة

بس انا باقول ما ينفعش ان كل مشاركاته تبقى فى قسم البنات!!!!!!!

[Miss_CaR!zma]

فى الواقع دى مش مشكله ......
دى مصيبه

وفى حاجه حلوه اوى الناس بترتاح لما بتنفذها
"لما مش بتلغى عقلها "
وانا مش هحاول افكر انى فى الموقف ده لانى مش هكون فيه
سلام

[soliman sabbah]

السلام عليكم ورحمة الله وبركاته بصراحة انا لو كنت فى الموقف ده كنت هحاسب نفسى قبل مااحاسبه لانى حتى لو بحبه لدرجة جنونية مش لازم ان كل حاجة يقولها اقوله حاضر ومن غير مافكر لانى لازم اعقل الموضوع قبل مااتخذ قرارى ومن الاصل مش لازم البنت تحب واحد الا لما تتاكد من اخلاصه الاول ويكون كل شئ تفعله بعلم من اهلها لانه هيقفوا بجوارها وهيخدوا حقها بدل ما تودى نفسها فى مصيبة

[آيه]

لا انتحار ولا يحزنوا والله ما بكدب انا كنت كده فى الحقيقه اه محبتهوش بس اعجبت بيه وفى الاخر خت حقى منه وخليته يفقد الثقه فى نفسه قبل ما يفقدها فى البنات بتختلف الطريقه من شخص لاخر بس اهم حاجه اتنك تحوى تعليميه انو مش كله زى بعضهوالله ما بكدب هو فعلا اتربى

[imaan]

انا عن نفسى هنساه على طول...لان حسب وصفك للموضوع انا من الاول حبيته بس عشان صفاته الكويسه لما اكتشف ان ده تمثيل...خلاص يبقا فضل عنده ايه بقا عشان احبه
الحاجه التانيه ان اصلا البنت اللى عندها شخصيه مش هترضى لنفسها ان تفضل معاه بعد ما تعرف عنه ده كله...فأنا عن نفسي هسيبه اول ما اعرف عنه الحاجات دي كلها <_<