الرجاء المساعدة

[حسام الصيفى]

السلام عليكم ورحمة الله وبركاتة
انا هحكيلكم كل حاجة بصراحة تامة
انا فى الفترة الى فاتت الحمد لله كنت بصلى وبشوف قناة الناس وكل يوم عن يوم بعرف حاجات مهمة عن دينا والفترة دى كانت فى اثناء الامتحانات فانا مش عارف هل كنت بصلى عشان الامتحانات ولكن كنت بقولى لنفسى انى ان شاء الله هداوم على الصلاة وكمان فى الاجازة الى انا فيها دلوقت ان شاء الله هحفظ القران الكريم ونفسى يكون ايمانى قوى زى العلماء الدينية وتكون عندى ثقافة دينية وكنت بسمع اغانى وعندى اغانى على الكمبيوتر روحت مسحتها مبقتش اسمع اغانى خااالص وكنت بكلم بنت وكدة سيبتها بطريقة صحيحة يعنى فهمتها ان كدة غلط وهية شبة تقبلت الموضوع المهم حبيت الله والرسول صلى الله علية وسلم ولكن يا جماعة بعد اخر يوم امتحان او اخر يوم امتحان حسيت انى اتغيرت استخدمت النت بطريقة خطا ومبقتش اصلى وفى البيت قالولى انتة بقة كنت بتصلى عشان الامتحانات والكلمة دى اثرت فية جااامدد وكمان حاسس ان ربنا مش راضى عنى خاالص ورجعت كلمت البنت مش عارف اعمل اية بالرغم ان انا عندى ارادة قوية جداا والدليل على كدة انا مازلت مش بسمع اغانى
طب اعمل اية يا جماعة انا مكسوف من ربنا من بعد ماكنت مداوم على الصلاة وصلاة الفجر اعمل الحاجات الوحشة دى
بالله عليكم ساعدونى