يا هجرة يا اعارة ..

[Dr/ master2011]

على باب سفارة..لمحت ابليس و ف ايده استماره

..بقول له على فين ..قاللي بص ..يا هجره يا اعاره

..يا عم زهقت كفرت ..الاقيش معاك سيجاره

..انا انتهيت خلاص ..لا نافع وسواس ولا خناس

..ولا ليا عيش وسط الناس

دي عالم مجرمين

..عندكوا فائض ف الفساد

..في كل البلاد

..ومش محتاجين شياطين

..مليش عيش ف البلد دي

....بقالي سنين عاطل

...و انتوا بتعرفوا

..تقلبوا الحق باطل

..و تسلكوا القاتل

..و تمشوا ف جنازة المقتول

..ومفيش مشاكل

..يا عم ده انا بقيت أوسوس بالمقلوب

...و أقول للحرامي كفايه بقى توب

..انت هاتعمل كل الذنوب لوحدك

...و أنا ابليس

أشتغل واعظ

..ولا كمساري ف اتوبيس

..يا عم ده انا زمان

..كنت استنى حد ينسى

يسمي

..وهو بياكل لقمته

..دلوقتي كل اكلكم ملوث

..و بصراحه الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته

...يا عم ده كل حاجه اتسرقت

..وكده الاجيال الجديده

..م الحراميه اتظلمت

..يا راجل ده من كتر ما لطشت معايا

..خرجت ف مظاهره

..مع الناس اللي بتقول كفايه

وبرضه




مافيش فايده

[أ/رضا عطيه]

المشاركة الأصلية كتبت بواسطة master2015

على باب سفارة..لمحت ابليس و ف ايده استماره
أكيد سفارة إسرائيل

..بقول له على فين ..قاللي بص ..يا هجره يا اعاره
مع السلامه هو ورفاقه

..يا عم زهقت كفرت ..الاقيش معاك سيجاره

..انا انتهيت خلاص ..لا نافع وسواس ولا خناس

..ولا ليا عيش وسط الناس

دي عالم مجرمين
ليه التعميم يا أستاذ

..عندكوا فائض ف الفساد

..في كل البلاد

..ومش محتاجين شياطين

..مليش عيش ف البلد دي
وده يوم المنى

....بقالي سنين عاطل

...و انتوا بتعرفوا

..تقلبوا الحق باطل

..و تسلكوا القاتل

..و تمشوا ف جنازة المقتول

..ومفيش مشاكل

..يا عم ده انا بقيت أوسوس بالمقلوب

...و أقول للحرامي كفايه بقى توب
معقول

..انت هاتعمل كل الذنوب لوحدك

...و أنا ابليس

أشتغل واعظ

..ولا كمساري ف اتوبيس

..يا عم ده انا زمان

..كنت استنى حد ينسى

يسمي

..وهو بياكل لقمته

..دلوقتي كل اكلكم ملوث

..و بصراحه الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته
ليه التعميم تانى

...يا عم ده كل حاجه اتسرقت

..وكده الاجيال الجديده

..م الحراميه اتظلمت
صدقت

..يا راجل ده من كتر ما لطشت معايا

..خرجت ف مظاهره

..مع الناس اللي بتقول كفايه
أيوه كدا ياراجل إظهر وبان عليك الامان

وبرضه

مافيش فايده

على قد ماكلامك روعه فى التعبير
على قد مافيها تعميم
لسه الدنيا بخير ياأستاذ
لسه فيه ناس بتتعذب علشان تتأكد من إن مأكلها من حلال ومشربها من حلال ويتقوا الله فى كل أفعالهم وأقوالهم
ليه كدا بكل بساطه ناخدهم فى الرجلين مع الحراميه والمفسدين
وشكرا لك

[Tona Ashraf]

المشاركة الأصلية كتبت بواسطة blakblak66

على قد ماكلامك روعه فى التعبير
على قد مافيها تعميم
لسه الدنيا بخير ياأستاذ
لسه فيه ناس بتتعذب علشان تتأكد من إن مأكلها من حلال ومشربها من حلال ويتقوا الله فى كل أفعالهم وأقوالهم
ليه كدا بكل بساطه ناخدهم فى الرجلين مع الحراميه والمفسدين
وشكرا لك

انا متفقة معاك

[ibrahim elsayed]

جميله اوى ومضحكه اكثر
لان شر البليه ما يضحك
ربنا يرفع عنا الظلم ويرد كيد الظالمين
ولكن وقفه اانا معك فى ان الظلم عم والبلا طم ولكن من قال هلك الناس فقد اهلكهم
نحسب انفسنا على خير وندعوا الله الا يسلط علينا بذنوبنا من لا يخافه ولا يرحمنا