امتحان لغه عربيه قسما وبالله محدش يقدر عليه ....

[abdo 3sr]

السلام عليكم ورحمه الله وبركاته


الاول الموضوع ده يسلينا شويه بعد الكلام الغامض والصعب اللي سمعناه عن النتيجه ربنا يستر علينا

إمتحان عربى " مش هاتقدر تغمض عينيك"
وزارة : غش تعيش

إمتحان : عربى .. عربى

إن شاء الله نشوفك السنة الجاية

وقت الإجابة : خلص نفسك وإخلع

إسم الطالب : ناسى البطاقة

عنوان المنزل : فى حالة الوفاة أو الإنتحار : أول ناصية يمين!!

تليفون المنزل: اتنين صفر واربعه خضر

هذا الامتحان برعاية بيبسى كولا

أجب عن الأسئلة التعجيزية الأتية وعددها 6 اجبارى وواحد اختيارى:
ملاحظه عجلة الجاذبيه 9.8 فى حالة انك حبيت تنط من الشباك
يسمح بالغش من اللى وراك او اللى قدامك او اللى جنبك (طبعا محدش عارف حاجه عشان يديك يا حلو)
:

السؤال الأول (ابقى قابلنى لو عرفت تجاوب):

قال الفنان ريكو فى رائعته " خلى الشعب يعيش ":
راحت عليكى يادنيا .. وراح زمن الشهادات
وبقيتى يادنيا ماشية ع السقفة وع الصاجات
هزيها براحه براحه تفضلى على طول مرتاحه
هزيها بشويش بشويش .. خلى الشعب يعيش
على...على...على....على...
الأسئلة :
1- إشرح الأبيات الأخيرة من النص بإختصار شديد بما لايقل عن 90 سطراً !!
2- لماذا أكد الشاعر على القصد الشريف والنية الصادقة وعلام يدل قوله :
" هزيها بشويش بشويش "؟
3- استخرج من البيت الأول محسن إبراهيم ومحسن إسماعيل مبيناً كل نوع محسن !
4- استخرج من البيت الاخير صورتين فوريتين مبينا نوع الكاميرا
5- اين يسكن المدعو على وكم عدد واسماء اولاده من زوجته الثانيه؟

السؤال الثانى :

اعط سبباً مهماً لما يلى مع الشرح :
1-سبب نقل السوق المالى الى سوق السمك
2-اقبال الناس على شراء نوكيا 9990 وعدم شراءهم نوكيا 9900
3-اغلاق شبكة pnn بعد زواج شارون ستون
4-اسباب اندلاع الحرب بين ....مفيش فرق....اختار اى حرب مانت هتعيد كده كده
- اخى الممتحن ..
إقلب الصفحة . . هاتندم على يوم دخولك المدرسة

السؤال الثالث :

- اكتب إسم المستوفى من السؤال :
ماإسم الراجل الذى وضع كرتونة سجاير رقم 31254 فى سيارة نقل القاهرة
رقم 8656754 ؟
ورد إسم هذا الرجل فى عدة مسلسلات تليفزيونية !!

فاصل إعلانى :
غمض عين فتح عين . . إشترى بيتزا تاخد إتنين(هذا العرض سارى حتى نهاية الوقت المحدد للامتحان)

السؤال الرابع

ورد فى قناة روتانا فيديو كليب " ليلى نهارى "
للمخرج كامميرون كايسى . وغناء عمرو دياب .
" أحكيلك إيه خلاص ماإنت شايف .. من غير ماأقولك أكيد إنت عارف كلام كتير انا نفسى اقوله وكلام كتير يا ريتك تقوله جنبك حياتى دى اجمل حياه "

الأسئلة:
1-ما الذى كان يريد عمرو دياب ان يقوله للبنت اللى كانت معاه فى الفيديو؟
2- مانوع الكنبة اللى كان عمرو قاعد عليها ؟ وما إسم المنجد ؟
3- ما اسم صبى الخياط بتاع الموديل اللى كانت مع عمرو دياب فى الكليب؟

السؤال الخامس :

موضوع تعبير : قال أحدهم " حسن زعبولا ماشى بيتسلا محندق الجاكيته يتعايق بالفنلة"

1- اكتب نبذة عن حياة أبو حسن زعبولا (الحاج زعبولا)ودوره فى النهضة الحديثة ؟
2- اذكر 3 أسباب لإنفصال الحاج زعبولا عن هندامه (زوجته الاولى) فيما لا يقل عن 150 سطر ؟
بيبسى كولا
المشروب الرسمى لهذا الامتحان
أخى الممتحن اقلب الصفحه احسن لك (اصلك مش عارف اللى فيها)

السؤال السادس اجب عن اربعه فقط من الاسئله الاتيه:

ما رأيك بتصرفات "رفيع" و"فرحه" بمسلسل الضوء الشارد مبينا ما سيحدث فى فيلم "تيتو" بعد مقتل "تيتو" وافتتاح المطعم؟
ما رأيك بموقف "حسام" من "ثريا" فى مسلسل الحقيقه و السراب؟
من برأيك أقوى وأفضل بوكيمون؟ هل هو بيكاتشو أم بلياصور أم بوكيمون آخر؟
اذكر اسماء ابطال كابتن ماجد فريق فريق
وما عدد الاهداف التى سجلها الكابتن ماجد فى كأس العالم قبل الاخيره كورياواليابان 2002؟
العرض المفاجأه اللى هيكسر كل العروض اللى قبله
عرض موبينيل الجديد من سمعان ابورنه اشترى كارت بـ330 جنيه واحصل على نص جنيه رصيد مجانا

سؤال المساعده فى رفع الدرجات "ملوش لازمه اساسا"

اذكر اسماء ثلاثه من رؤساء بلدية قرية يوكوزهريتاشاتاتا اليابانيه مع عدد السنوات التى ترأسوا فيها البلديه
اذكر اسماء زوجات خمسه ممن ماتوا فى قصف هيروشيما و نجازاكى بالقنبله الذريه عام 1945 على ان تكون احداهن شقراء
إنتهت الأسئلة .. نلقاكم فى إمتحان الدور الثانى



هههههههههههههههههههههههههههههههههههههههههههههههههه ههههههههههههههه