من ساسى لراسى عيوب

[أ/رضا عطيه]

لو كان حبى للبلد دى عيب يبقى أنامن ســاسى لراسى عيوب
ولاعمرى ظلمت خلق الله ولا ببكى أبدا على اللـبن المسكوب
وبالطيابه اللى بتحسبوهــا خيابه بقيت للناس ودود ومحبوب
ولاعمرى فى مره عملت ديب ليقينى إن رب الخلق رب قلوب
واللى يكره حضن أمه يبقى ياويله من غضبها ومن المكتــوب
ما هيعرف أبدا طريق ربنا وما هيرضى عنه المولى مهمايتوب
إرجع لرشدك وصون ياعم وطنك ومفيش عاقل يتباهىبالذنوب
حب بلدك ياعمنا لذاتها وخليك دايما عنتر وبلاش تبقى شيبوب
كل ماتملكه بس تعيط وتلم الناس حواليك وفاكر نفسك موهوب
كل مرفه وأنت أولهم تقضيهاكلام والأفعال سوده بلون الخروب
وأم الدنيا مابخلت عنايوم بخيرها من أكل طيب وأعذب مشروب
اللى لوث النيل مين ؟غيرأنا وأنت وكل المصلحين اللى فى النقد شغالين
واللى سرق الأراضى مين غير مصريين مفسديين وربناالمنتقم قولوا أمين
وعشان نحررها من العدا دفعنا من الشهداء ملايين من أولادها الطيبين
إيه ذنب البلد نتبرأ منها وكل حصاها ورمالها علينا غضــبانين ومتحمليين
نعيب الزمان والعيب فينا ونسىء للبراءة وفى خيرهامنعمين وكمان ناقمين
الله يكون فى عونك ياغاليه وأم الدنياعاللى جرىواللى هيجرى
ليوم الدين
وتسلمى لنا يابلد الوحده فى أمن وأمان رغم ألاعيب الزمره والمستوردين
قولوا أمين
هى دى مصربلدنا - نعمة الله على عباده الطيبين
فهل أنت من الشاكرين أم من المرفهين والناقمين؟