كام سؤال عن هندسة طيران -جامعة القاهرة

[islam-92]

السلام عليكم
ازيكم يا باشمهندسين
اخوكم ربنا تاب عليه وخلص الثانوية ولله الحمد
وكان عندي كام استفسار عن كذا حاجة بالنسبة لهندسة طيران القاهرة بما اني ان شاء الله ناوي عليها لاني باحب الطيران جدا
هي بتقبل من تقدير كم فى اعدادي هندسة
و الدراسة فيها ايه نظامها _ يعني سهلة ولا صعبة _
ولما هاتخرج هايبقى ايه موقفي من ناحية الشغل وهل ممكن يبقى في فرص عمل في شركات الطيران
والشغل دا هايبقى فى المحركات ولا فى الbody ولا فى الكابينة والافيونكس بتاعتها
ولا هاقعد على القهوة زي ناس كتيييير
وهل لو انا مجموعي مثلا جاب هندسة عين شمس ممكن احول للقاهرة ولا لأ

[sabryabdella]

من الجميل انك تسأل .................................................. ...... و الاجمل الا تجد الاجابة

[علاء يحي]

بص يا بشمهندس انا فى هندسة القاهرة وتخصص طيران لو حابب المجال قوى ادخل بس لازم تبقى عارف ان القسم ده اتقل قسم فى هندسة واحسن قسم تاخد فيه علم بس لازم تعرف ان المجال فى مصر مغلق شوية لان انت هتبقى زيك زى ميكانيكا صيانة فقط اما بقى
لو ربنا فتحها عليك وسافرت برة فممكن تشتغل فى اماكن كتير زى ناسا ووكالة الفضاء الاوروبية بس لازم تعرف انك علشان تدخل الاماكن دى لازم تكون مميز وتضيف لهم جديد وبرضة لازم تحط فى دماغك ان احنا دولة نامية؟؟؟؟
وحكاية القعدة عالقهوة مفيش مهندس شاطر وفاهم شغلة بيقعد على قهوة اهم حاجة تبقى فاهم والارزاق بيد الله وصلى استخارة وسيبها على الله
اتمنى اكون افدتك وانا فى الخدمة