كيفية تسميع الكلمات

[mmgdy28]

السلام عليكم
كلنا يدرك اهمية تحفيظ الطالب للكلمات سواء في المرحلة الاعدادية او الثانوية لذلك طلب مني لكل الاساتذة الافاضل ان يبوحوا لنا باسرارهم وطرقهم الخاصة في تسميع الكلمات لعل الكل من امثالي يستفيد
اللهم صلي وسلم وبارك علي سيدنا محمد

[wally bah bah]

اولا يسعدنى ان اكون اول من يرد
فى الحقيقه انا بخلص الوحده فى حصه وبسمع كل حصه كل ما فات
بمعنى الطالب اخذ الوحده الاولى فى حصه والثانيه فى حصه
والثالثه فى حصه
انا فى الحصه الرابعه باسمع كل ما سبق بمعنى بسمع الوحده الاولى والثانيه والثالثه مع التركيز على اهم الكلمات الموجوده والجديده وذلك بعمل قاموس للكلمات طبعا من كلمات المنهج وذلك بالاستعانه بملازم الاستاذ الكبير العلامه عصام وهبه
هذا ما اعلم والله تعالى اعلى واعلم
ولو حد عنده فكره تانيه يا ريت يؤلنا وجزاكم الله خيرا
والى بحبح

[surprise]

تمام اما بالنسبة عنى فأنا طالب بالصف الاول الثانوى فأنا اوفقكك على هذه الفكرة يا wally bah bah
ولكن انا شايف انه من الاحسن ياعنى ان الطالب يعمل كشكول خاص به يسجل فيه كل الكلمت الصعبة اللى تواجهه تمام وكل يوم يطلع عليهم ويحاول على قد مايقدر يقراهم فى الطريق الى المدرسة بدل ما يبقى شاغل باله فى حاجة تانية يتسله فيهم فى الفسحة وهو زهقان ده اساسا حتى هيسهل عليه فى سؤال الترنزليشن اما كون انك تسمع عليه زى طلاب الابتدائية ده ما ينفعش فى الثانوية
وتقبلوا مروري

[mmgdy28]

هل توجد افكار مختلفة ؟؟؟
اين الاخوه المدرسون الكبار ؟
عاوزين نستفيد و نتعلم

[مستر . سعيد ابراهيم]

من افضل الطرق لتسميع الكلمات هى اعداد تست فى اول الحصة بياخد 15 دقيقة فقط من كل حصة لتسميع ما اخذ فى الحصة السابقة ولكن هناك طريقة جزابة لذالك انك تعد 10 كلمات فقط والطالب يكتب معناهم باللغة الانجليزية ثم 10 كلمات اخرى باللغة الانجليزية لكى يكتبهم الطالب باللغة العربية وممكن تزود فى التست 5 جمل اوجد الخطأ
ودى من انسب الطرق

[mmgdy28]

الله , طرق جميلة
شكرا لتفاعلكم

[wally bah bah]

والله فعلا كلامكم كلكم صح
بس كل ده فى الاخر بيصب فى حته واحده ان الطالب لازم يتابع ويواصل حفظ كل الحصص ببعض وهو ده اهم حاجه
والحمد لله يا جماعه الحمد لله
انا بدخل الطالب حافظ المنهج كله فى دمافه من كتر التكرار انا بيجى عليا وقت بسمع ال18 وحده كل مره فعشان كده بيتحفظ بس خلى بالكم مع التركيز على اهم الكلمات الجديده والمهمه
وجزاكم الله خيرا
والى بحبح
مدرس اللغه الانجليزيه بالسيده زينب

[ابو كريمان]

مشكورين جميعا
انا شايف اننا مممكن نسمع للطالب بطريقتين التقليديه العاديه بان يكتب معانى كلمات بالانجليزيه يحددها المدرس والطريقه الثانيه تكون تصحيح واختيار من متعدد وبكده نشوف مستوى ما حفظ وفهم

[Abu Ezz]

مفيش أفضل من التسميع على السبورة المدرس كل حصة بيسمع على السبورة . كيف ؟
أقولكم .
المستر مثلا بعد أما نخلص 3 وحدات يطلع مثلا طالبان أو أكثر ويسمع ليهم مثلا 50 كلمه والطلبة اللى قاعدين يسمعوا فى كراستهم وبعد مايخلص تسميع نناقش التسميع ده ولو الطالب اللى سمع ده عنده أخطاء المستر يكلف حد انه يصح الأخطاء دى وبكده ممكن نطلع فى اليوم ب150 كلمه من 3 طلاب . وكل حصة كده .
( مع العلم ان الكلمات بتزيد كل حصة بزيادة الوحدات ممكن فى اخر السنة يبقوا 120 كلمه للواحد بس بصراحة طريقة جميلة تخلى الطالب يحفظ والتكرار يعلم ..... . )

[Abu Ezz]

يا ريت تتقبلوا مرورى وهذه الطريقة المتواضعة بالنسبة لحضراتكم

[كلمتين وبس]

اري فعلا ان التسميع علي السبورة افضل طريقة

[mr zidan sabry]

السؤال الاهم تعمل اية لوالطالب مش حافظ او غلط فى التسميع؟
انتظر الاجابات

[تامر مصطفى احمد]

مشششششششششششششششششششششششششششششششش

[Mr.Ramadan Seddik]

فى أول 10 دقائق من الحصة أسأل الطلاب أن يسمعو 10 كلمات من عربى لانجليزى و10 من انجليزى لعربى و5 تعبيرات و5 جمل تصحيح أخطاء . الدرجة الكلية من 20 والطالب الاول والثانى يحصل على جائزة ( جنيه - 50 قرش)

[alaa26]

بسم الله الرحمن الرحيم والصلاة والسلام على اشرف المرسلين سيدنا محمد / انا بقى بخلي الطلبة يجيبو كشكول للحفظ وبطلب منهم كتابة الكلمات في البيت كلها بتاع الوحده وبعدين في اول ربع ساعة يسمعوها عشان منسيبش اي كلمات في المنهج وبعد 3 حصص بعملهم تست خاص بالكلمات دا طبع غير المنهج / علي فكره والله جابت نتيجه في اللغة نفسها كعلم وكامتحان