أحدث نكته فى القليوبية

[emadcom]

قا ل الله تعالى(ومن الناس من يعجبك قوله فى الحياه الدنيا ويشهد الله على ما فى قلبه وهو الد الخصام واذا تولى سعى فى الارض ليفسد فيها ويهلك الحرث والنسل والله لا يحب الفساد واذا قيل له اتق الله اخذته العزة بالاثم فحسبه جهنم ولبئس المهاد)صدق الله العظيم

قصة مضحكة جدا و المضحك فيها إنك متعرفشى مين بيضحك على مين
إمبارح أنا ماشى على طريق بنها الزقازيق فوجئت بغزو لعمال النظافة على الطريق من بنها و حتى قرية شبلنجة منهم من يطلى عمدان الإنارة و منهم من يلون المطبات الصناعية و من يلون السور الفاصل بين الإتجاهين .. وقتها قلت إن محافظ القليوبية إتحسد و عاوز يعمل حاجة فى المحافظة علشان نفتكروا بيها قبل ما يمشى .. و لكننى صدمت حينما عرفت أنهم يفعلوا هذا لأن إبن الريس قادم إلى شبلنجة علشان يفتتح فندق سياحى فى قرية شبلنجة .. المضحك فى الموضوع إنهم بيدهنوا أعمدة الإنارة من الأمام و الجنبين فقط ( الجزء الظاهر للضيف ) والطريف أيضا إن شوية البوية و الألوان مش هيكلفوا 20 جنيه و أكيد المحافظة هتعمل كشف ب 2 مليون جنيه و هيقولوا ( طورنا ومهدنا ) طريق الزقازيق .. ياترى بيضحكوا على الضيف و لا على نفسهم ولا علينا .. تعرفوا إن الناس طلعت القمر و عندنا فى محافظة القليوبية محرومين من مياه الشرب لأنها لا تصعد حتى الطابق الثالث .. يا محافظ القليوبية إتقى الله و بدل متلون طريق علشان فرد واحد .. إسقينا ماء و إكسب فينا ثواب .. إنتظروا الصور

[النجم الكبير]

يبقى انت اكيد فى مصر

حسبنا الله ونعم الوكيل فى كل مسئول لم يراع ضميره تجاه عمله

[ربى الله ليس لى رب سواه]

ربنا يهديهم000

[BaNZeR]

مش اول مرة ولا اول محافظة تتعمل كده !

[ايه كمال]

احنا لما بنلاقى عمال النظافة مجتمعين بينضفوا نعرف ان فى حد جاى
دا بقى العادى وفعلا فى كل محافظة الكلام ده

[Mohamed.Helmy]

منتظرين منك الصور ... والكلام ده حصل كتيييير

[aliasdhade]

مشربتش من نيلها ممشتش فى ضوحيها طيب مكبرتش فيها
يبقى انت اكيد فى مصر

[safaa yousef]

اكتر واحد بيحب النظافة عادل لبيب وبيحب يطور المحافظات ربنا يوفقوا انتو تعالو محافظة قنا تعالو شوفوا هو عمل اي قبل مايمشي

[Ahmed Salah kaseb]

الضحك علينا احنا بس

[Dr/sooma]

بصراحه مش كل المحافظين بيعملوا كده
تعالوا عندنا في المحله الكبرى وشوفوا محافظ الغربيه عبد الحميد الشناوي عامل ايه هنا
حقيقي حاجه تشرف وياريت كل المسؤلين يبقوا كده

[elmosskhmb]

حصلت عندنا في سوهاج كتيييييييييييييييييييييييييييييييييييييييير

[عاشقة الموج]

أعزمك بقى عندنا محافظة 6 أكتوبر
اللى كانت جميلة و نظيفة أيام جهاز المدينة
كان هو اللى يحكم الآن عندنا محافظ
الله لا يوريكوا كل يوم يتفنن فى خلع الأرصفة
و تكسير الجزر ووضع الجديد منها
و أهو كله مال عام و لا سائل عن مسئول
و المجارى و المواسير الحلوة مكسرة و حدث و لا حرج
أما يحب مسئول يأتى يفتتح مصنع و لا أى مشروع
تقوم قيامة المحافظة بعمل مطبات صناعية بلزمة و من غير لزمة
و تحويل المسارات و خد عندك إهمال و عدم نظافة
أكيد أنت فى مصر

[egt2007]

ربنا يهديهم

[سيف سالم]

دا علشان تعرف فضل بن الريس
مجرد ما اعلن عن الزيارة
كل حاجة اتغيرت
علشان الناس بتوع التغيير
دا اكبر دليل على انه قائد التغيير

[emadcom]

الدكتور البرادعى كان فى بنها إمبارح و لا أى إنسان شعر بوجوده
تخيلوا لو البرادعى هوا الريس كان إيه اللى هيحصل