ياجماعه فين اللى دخل كمبيوتر ساينس خاص

[fuoozz]

السلام عليكم ورحمه الله وبركاته انا كان ليا استفسار انا مجموعى 61.2 وكان نفسى ادخل حاسبات ومعلومات فى الاكاديميه البحريه لكن هى بتاخد 62% وللاسف انا مش محصلها وقدر الله وماشاء فعل وايضا كل جامعات الخاصه فى مصر بتاخد من نفس المجموع وفى اللى بتاخد اكتر انا مجموعى ممكن يدخلنى كليه النقل الدولى فى الاكاديميه او تجاره اداره اعمال وتسويق ونظم ومعلومات اداريه او الهندسة البحريه بس مصاريفها جامده اوى40 الف فى سنة
ومجموعى ممكن يدخلنى جامعه النهضة علوم حاسب وفيها تخصصات علوم حاسب تقنيه معلومات نظم ومعلومات دعم القرار ايه رايكم فى الجامعه وانا كان نفسى ادخل حاجة فيها برمجيات ياترى التخصصات دى كويسة وهل هى مطلوبة فى سوق العمل وهل اى تخصص فيه شبه من البرمجيات ام لا

[eng saleh]

انصحك بالدخول فى المعاهد العليا

لأنها بتدى بكالريوس زى الجامعة بالظبط وارخص من الجامعة

ومفيش فرق مابينهم زى (اكاديمية الشروق/مودرن اكاديمى)

[asransas6]

اقل معهد عالى بياخد من كام فى الميه ؟

[eng saleh]

بياخد من 50% حاسبات السنادى

وبعدين فى هندسة بتجيب من 50% برده

وبالتوفيق

[fuoozz]

مع احترامى الكامل اثناء العمل بيبقى فى اولوية للجامعات الاجنبيه ثم الحكوميه ثم الخاصه ثم المعاهد
وبعدين انا يهمنى فى المقام الاول جودة التعليم نفسه وده كنت هالاقيه فى الاكاديميه البحرية او الجامعه البريطانيه

[fuoozz]

ياجماعه انا اتصلت بالاكاديميه وردت عليا دكتورة اسمها فاطمه زاده قالتلى ممكن تقدم التماس للكليه
وممكن يقبلوا وممكن لا انتوا ايه رايكم هى قالتلى لو كنت جايب مثلا 61.5 كان ممكن يتغاضوا عن النص فى المائه لكن انا جايب 61.2 فى ايه رايكم انتوا ممكن التماس ده يتقبل ولا لا

[XxScarnetxX]

بالنسبة لحوار الإلتماس معتقدش بس كل شئ يإيد ربنا
بانسبة للتخصصات اللي بتتكلم فيها تكنولوجيا المعلومات IT دي بتدرس فيها web design و أديك زي ما أنت شايف هي مطلوبة بس التلاتو منهم بقرش
بالنسبة للتخصص التاني لو كان is مش MIS يبقى بتدرس في DATA BASE و برمجة على خفيف و ده كويس و مطلوب و غالباشغلك بيبقى يا في بنك يافي شركة كبيرة و مرتباتهم حلوة برضوه

[fuoozz]

اوك ياباشا لاخلاص انا قدمت التماس وان شاءء الله يتقبل لان دكتور فى مكتب القبول والتسجيل قالى لو كنت جايب 61.5 كنا هنتغاضى عن النص فى الميه دى لكن انا جايب 61.2 وواحد صاحبى قدم التماس السنة اللى فاتت وكان جايب 78.5 عشان يدخلوا فى الفئه ب
اللى هى من 80% الى 90% واتقبل التماس بتاعه ووالدتى لما سالت دكتورة هناك قالتلها خليه يقدم التماس وان شاء الله ممكن يتقبل وانا حاليا فى كليه نظم ومعلومات فى فرع ميامىوالنتيجه هتظهر اخر الشهر