شايفة النهاردة الدنيا كلها لونها اسود

[yomna1993]

السلام عليكم
انا النهاردة بجد اتاكدت ان الدنيا وحشة اوي
عشان لاول مرة احس الاحساس الصعب ده
بنتظلم كتير و بنتعرض لاضطهادات كتير بس مبتبقاش علني كده
انا السنة دي راجعت الامتحانات بعد ما خلصت و قرنتها بنماذج الاجابة و حسبت لنفسي في اسوا الظروف هجيب كام
بس جت النتيجة اقل من اللي متوقعاه في الكيمياء و الرياضيات بكتير
كانت صدمة بالنسبة لي المهم
روحت و عملنا تظلم فيهم

النهاردة بقى شوفت الظلم بعيني بجد
و اللي يقهر ان بيقولوا مش هيحصل جديد لان الزيادة بتكون في جمع الدرجات بس
يعني المفروض اسمه اعادة تجميع مش تصحيح

بس شوفت الكيميا
اللي هيموتني ان مفيش سؤال مكتوب عليه غلط
بس معظمه مديني عليه نص الدرجة
مثلا سؤال علل ده اجاباتي فيه نموذجيه و كاملة بل فيها زيادة
و كل سؤال منهم عليه درجة
انا واخدة في الاسئلة كلها نص من واحد
بردو في الاسئلة المقالية كده
و في اسئلة انا متاكده انها صح كلها و حاسبنها غلط
ليه طيب كده انا بجد متاكده و شايفه اجاباتي في نموذج الاجابة صح و كاملة و كله ليه بقى ينقصوني عليها
حاجة تقهر بجد

الجبر بقى في سؤال مكون من 5 خطوات
كل خطوة عليها نص درجة ماعدا الناتج درجة
ده بقى مديني على الخطوات صح كلها و الناتج راحو منقصيني فيه الدرجة روحت شوفت النموذج و سالت ولد جمبي لقيته نفس اجابتي و هو واخد 3 \3 فيه !!!

و بردو في سؤال 6 خطوات كل خطوة بنص ما عدا الرسم 1.5
ده الخطوات مش متصححة خالص عندي لا مكتوبة صح ولا غلط بس ممضي على السؤال بس و مش مكتوبله اي تصحيح بس كاتبين في المراية 4 \6 و هو عندي كله صح و الله

انا بجد في حالة وحشة جدا
بجد انا اتظلمت جامد و كل ده عشان مدرسين انا حاسة انهم مستخسرين يدولي الدرجة كاملة لان مش ممكن في سؤال علل ده كله كده يدوني نص نص نص يعني ايه و انا واثقة ان الاجابة مش ناقصة خالص

انا عايزة حد يقولي هو انا كده ممكن يصححولي الحاجات دي تاني و اقدر اخد حقي بجد
ولا هم مبيصححوش و بيشوفوا تجميع الدرجات بس
انا قلبي بيموت شايفة الدنيا كلها ظلام

اعذروني اني طولت عليكم
نستودعكم الله