انا اناقض انت تناقض والكل يناقض

[الشفق الباكي]

سلام عليكم
ازيكم يااعضاء البوابه
انا بقالى كتير جدا مش دخلت البوابه
ويمكن لما كنت بدخل مكنتش بشارك
عامه منورين
اخبار الاجازه معاكم ايه
وكل سنه وانتو طيبين بمناسبه قرب شهر رمضان الكريم

الموضوع باين من عنوانه
التناقض
ليه كل واحد فينا يناقض تصرفاته
ولا بيقنع نفسه كمان انه مش متناقض
وان الحاجه دى مش لها علاقه بالحاجه دى
فى امثله كتير كتير مننا بيعملها
والله مش هقول انى مش بعمل حاجات متناقضه بس على اد ماابقدر مش بحاول التناقض يبقى سمه حياتى
بس فى ناس للاسف التناقض هو سمه حياتهم
مش عارفه انا ايه خلانى اكتب الموضوع دا
او يمكن عارفه بس حاجه جوايا ومش عايزه اعرف

هطول شكلى النهارده كده بس جايز علشان اتخنقت من كم التناقض اللى الناس عايشه فيه
ممكن تقابل فى حياتك ناس متناقضه كتير
بس فى حاجات ممكن تعديها
حاجات بسيطه
لكن بتيجى عند حاجات وبتعمل ستوب
يعنى ايه تتصرف بشكل وتقول للناس حاجه تانيه خالص
ازاى تعيش مع حد بمبدأ ومع حد تانى بعكس المبدأ دا
ازاى اصلا يبقى فى دماغك مبدأ وفى ثانيه تنساه
ازاى تعمل الغلط انت بنفسك وتروح تقول للناس لا مانيفعش انتو غلطانين
ازاى تعيش مصدق حاجه وتنكرها فى لحظه
مش عارفه الموضوع دا كنت ناويه اكتبه بقالى يجى سنه وحظه مش حبيت اكتب الا النهارده
مش عارفه دا اسمه تناقض ولا حاجه تانيه
دا ناتج عن ايه فى حياتنا مش عارفه
بس بجد فى حاجات كتير اكبر من اللى بقوله دا
وفى اشخاص فى حياتنا عايشين حياه كلها تناقضات
مش عارفه متحملين كم التناقض دا ازاى

يالا هو التوبيك اقرب للفضفضه
طولت عليكم
اسفه على الاطاله
فى حفظ الله