للمناقشة .... هل حياتك بلا اغاني لها احلى المعاني؟

[mona7974]

السلام عليكم و رحمة الله و بركاته
أخواني و أخواتي و أحبتي في الله. في المنتدى.
فكرت في حكاية قلقتني و سرقت النوم من عيني
عن حال الأمة وهي تنقاد لقول فلان و فلانة اللي بيدعوا لجهنم
و بيسيبوا المولى عز و جل و كلامه اللي بيدعوا للجنة ..
السؤال هو ....
هل حياتك بلا اغاني لها احلى المعاني؟؟؟ و قبل ما تجاوب هل جربت الحياة بدون الأغاني ؟؟

هل جربت يوم تروح كليتك و لا مدرستك بدون ما تسمع تامر حسني

كام مرة ابوك و امك نادوا عليك و انته حاطط المايك ف ودنك و معليه ع الاخر و انته بتسمع عمرو دياب

كام مرة ضيعت الصلاة عشان هتسمع الاغنية دي بس و هتقوم تصلي حالا

كام مرة ارتحت نفسيا لما سمعت اغنية

كام مرة لما كنت مضايق و مخنوق لجأت للاغاني عشان تخرجك من المود اللي انته فيه

كام مرة ذاكرت على انغام هيفا كام مرة اتمنيت ان فتاة احلامك تبقى نانسي و انتي كام مرة اتنميتي ان فتاة احلامك يبقى
تامر حسني

يا جماعة فقواا بقى لازم ناخد خطوة و نتحرك احنا شباب و ف ايدينا نغير كل حاجة
"ان الله لا يغير ما بقوم حتى يغيروا ما بأنفسهم"
ازاي عايزين فلسطين ترجع لنا و احنا لسه ف تامر حسني خرج من السجن و لا لسه عمرو دياب طلع شريطه الجديد و لا لسه
ازاي عاوزين نبقى احنا العرب متحدين ايد واحده ف كل حاجه و احنا لسه مهتمين بنانسي عجرم نافخة شفايفها و لا ايه
و هيفا شافطة و لا شاده هيه دي وسيلة من وسايل الغرب الاغاني عشان نتلهي فيها عن الاهم
بلادنا العربية اللي بتتنهب و احنا قاعدين نسمع ف اغاني و طبعا ما خفي كان اعظم
ده فيه اللي ادهى من الاغاني بس ده مش موضوعنا بالله عليكم فكروا بجدية شوية
ده الرسول صلى الله عليه و سلم قال " من ترك شيئا لله عوضه الله خير منه"

طبعا هتقولي ماشي بس ازاي اسيبها ده انا ادمنتها ع الاخر يعني ان ماكانش على الفطار و الغدا و العشا و بعد الظهر و
صبح و ليل مقدرش اعيش هقولك يا سيدي انا تجربة حيية قدامك انا بطلت اسمع اغاني و كانت ف الاول صعبة موووت
بس بعد كده ابتديت اسمع اغاني دينية و وطنية هتقولي اناشيد مش بحب اسمع اناشيد هقولك هوه حد قال اناشيد انا بقلك اسمع
اغاني دينية و دي موجود كتير و اغاني وطنية و بعد كده ابتدي خفف الاغاني خالص و ربنا هيعينك على كده و طبعا منتساش تدعي ان ربنا يثبتك على كده


فكروا يا جماعة بجد
هتعملوا ايه لما يجي ملك الموت و بدل ما تقولوا اشهدوا ان لا اله الا الله و ان محمد رسول الله تقول يا طبطب يا دلع !!!!!!!
أعرف أن البداية لتركها صعبة ولكن ... هل ربنا ملك السموات و الارض ميستحقش منك ده ده هوه اللي خلقك


مستنية اسمع ارائكم و عاوزين ناخد بايد بعض