سوأل لخبراء الكليات والتنسيق

[ahmedshrkawy]

1 - أنا كنت عايز أعرف ايه هو العلمى المتادب
2-كلية التجارة الانجليزى أو الخارجية بتقبل من مجموع كام من العلمى ومن مجموع كام من الادبى وهى بتبقى تنسيقها أكتر فين فى العلمى ولا الادبى
3-أنا جايب فى سنة 2 ثانوى عام مجموع 88.2% عايز أعرف أكمل علمى رياضة ولا أحول أدبى وهل لى أمل أخش هندسة أو حاسبات ومعلمومات أو تجارة أنجليزى

[بروف انس]

انا كنت رديت هنا وكتبت ارد خلاص بس النور قطع

بص ياعم العلمي المتادب علي ماكنت اسمع انك بتاخد مواد علمي وادبي بحيث تكون كليات العلمي والادبي متاحه ليك في التنسيق

بالنسبه للتجاره الخارجيه والتجاره الانجليزي بتقبل من مجموع التجاره العاديه تقريبا بس تكون حاصل علي درجه كويسه في الانجلزي في الثانويه العامه تقريبا تكون جايب جيد

مصاريف التجاره الانجليزي في معظم الكليات واحد 4000 جنيه منهم 2500 كتب ودي بتكون كتب ومراجع اجنبيه وو1500 مصروفات بالنسبه لتسيقها بيكون واحد في العلمي والادبي وحتي لو فرقت مبتفرقش كتير

مجموعك ده كويس بس لو كنت عايز تلحق هندسه علي الاقل يكون مجموع السنتين في الثانويه العامه 93 في الميه

علي العموم انا كان ليا واحد صاحبي كان علمي في 2 ثانوي وجاب 77في الميه المهم حول ادبي في 3 وجاب مجموع حوالي 86 في الميه في السنتين يعني جاب في 3 ثانوي لوحدها 98 في الميه المهم انت قدامك عد اختيارات ممكن تحول علمي علوم وتدخل معهد فني صحي وتطلع تشتغل وممكن تكون علمي رياضه وممكن لو جبت في مجموع السنتين حوالي 91 في الميه ممكن تلحق حاسبات ا و معهد بنها العالي للتكنولوجيا او ممكن تدخل معهد مساحه ولو جبت تقدير امتياز في السنتين بنسبه 90 في الميه ممكن تدخل هندسه
او ممكن تدخل معهد عالي هندسه خاص بحوالي 7000 جنيه في السنه

ومكن لو حولت ادبي وجبت مجموع كويس في سنه تالته ممكن تدخل كليه اعلام او سياسه واقتصاد