صلاة التراويح ام هي للترويح!!

[**تسابيح**]

السلام عليكم ورحمة الله وبركاته
كنت عايزة أقولكم علي حاجة غريبة
شفتها ...
طبعا بما اننا في رمضان
فالناس نتحرص ع صلاة الترويح
اللي معظم المسلمين بيحرصوا عليها...
النساء بردو كان لها نصيب من صلاة الترويح
انا وبنت خالتي اتفقنا
اننا نروح نصلي التراوويح في الجامع
القريب من بتنا بما ان فيه قسم
مخصص للنساء
رحنا وكله تمام
بس اللي مش تمام
الكلام يعني لقيت ان فيه هرج ومرج
في المكان وفيه ستات بتتكلم
ووبقينا لما نخلص العشا مثلا
ونعقد شوية تلاقي اثنين مسكوا في ودن بعض
وهاتك ياكلام ....
يعني فيه ناس فعلا
بتتجاوز حرمة المكان دا ...
اللي مفروض فيه ناس بتصلي يعني
هيصلوا ازاي وفيه كلام..!!
غير دا ودا بئا المشكلة الكبري
الأطفال
يعني واحدة جاية تصلي بابنها الصغير
وهو طفل وبيعيط
بصراحة كنا نصلي والولد عمال يعيط ...
يعيط عياط أطفال ..
المشكلة اني لو حد همس وانا بصلي
هيحصلي حاجة بتلغبط
وتبقي حالتي حالة ...
وكان صعبان عليه اوووي
انه يعيط كدا ومامته مش سأله عنه
وكمان بيزعج اللي بيصلوا...
كان في مرة عندنا واحدة قريبتنا
بتصلي وابنه قعد يعيط
وعمالة اشيلة عشان مش يعيط
يسبني ويجري ع مامته
المهم
مامته راحت كانت قربت تسلم باين
راحت سبت الواد ع رجليها ...
عشان مش يعيط...
وان كانت ابنها لسه صغير
ليه تشحططه
معها للجامع
مع ان مش شرط ع المرأة الصلاة في المسجد
زي الرجل اللي لازم عليه انه يصلي في الجامع!!