المدرس والطالب

[كاريمان]

[

السلام عليكم ورحمه الله وبركاته


انا لاحظت ان فى مواضيع كتيرة اوى بتساعد الطلبه وبتعرفهم افضل الطرق للمذاكرة عشان يجتهدوا اكتر ويحصلوا على مجاميع عاليه ان شاء الله
لكن ملقيتش ولا موضوع يعرف الطالب اذا كان الاستاذ اللى قدامه كويس ولا لأ
ايوة كلنا طبعا عارفين ان والحمد لله عندنا مدرسين كتير كويسين جدا لكن برضه عندنا نوعيه تانيه من المدرسين واللى ممكن طلبه كتير يتظلموا معاهم
خصوصا ان احنا بنبدا قبل الدراسه يعنى لا معانا كتب دراسيه او بنسمع الشرح فى المدرسه عشان نقدر نحكم
اذا كان المدرس اللى قدامنا بيشرح اللى فى المنهج فعلا او حاجه تانيه وصدقونى انا قابلت مدرسين كتير كدة

فياريت اساتذتنا الافاضل يدخلوا يعطوا ملحوظات نقدر نعرف اذا كان المدرس اللى معانا كويس ولا لأ
كمان يعطوا نصائح لزملائهم الاساتذه بافكارهم المبتكرة واللى بتساعد ان فائدة التلميذ تبقى اكبر
انا عارفه ان ممكن دا مايبقاش مكان الموضوع بس انا قاصدة ان يبقى فى كل قسم لكل مادة موضوع مماثل عشان طريقه التدريس من مادة للتانيه بيختلف
زائد ان اختيار مدرس كويس للغه الانجليزيه صعب جدا لان فى مدرسين كتير يبانو انهم كويسين لكن بيبان فى اخر السنه انهم ميش متمكنين من اللغه
فياريت توضحوا لنا ازاى نقدر نعرف اذا كان الاستاذ اللى قدامنا متمكن من مادته ولا لأ

وشكرا لحضراتكم مقدما