ارجوكى يا استاذة ام شاهندة ساعدينى

[DR_MOHAMED_97]

انا طالب رايح تالتة ثانوى جبت في تانية 92.5 وانا حلم حياتى ادخل طب واهلي عاوزين كدة ومش عارف اعمل اية بالله يا استاذة انا مش عارف اقولك اية انا عملت تظلم ف الاحياء والرياضة ولقيت ليا 10 درجات ونص بس مش رضيوا يدونى الدرجات والله نفسي حضرتك تقوليلي اعمل اية وهل في امل التنسيق ينزل السنة الى جاية وهل ممكن الحق طب ولا لا



ارجوكى ساعدينى

[المحب لله]

بص انا كنت زيك كده وجيبت نفس مجموعك وكنت عاوز صيدله ولكن الحلم تحطم فى تالته وجبت 86 و دخلت هندسه بعد ما اخدت سنتين معهد فنى صناعى ودلوقت بحمد ربنا انى مدخلتش صيدله

فاعلم ان الخيره فيما اختاره الله وان ربنا بيحطك فى المكان الصح وبعدين الدنيا مش حتقف على طب (ان لم تصل لما تحب فحب ما تصل اليه ) وربنا يوفقك ومش عاوز احبطك واقولك ان املك ضعيف خصوصا انك متعرفش السانه الجايه ايه الى حيحصل السنه دى كاننت ميغه عشان سنه الفراغ عموما ربنا يوفقك لما فيه الخير واسف على الاطاله

[clinical chemist10]

اجتهد واعمل للي عليك وكليه طب مش كل حاجه انت ممكن تدخل كليه صيدله او علوم ودي كليات كويسه بردو ومستقبلها كويس

[الأستاذة أم شاهندة]

بص يا بنى

التنسيق ينزل ده مستحيل


كمل وزود مجهودك شوية

والله عرفت تدخل طب خير

لم تستطع الوصول لها يبقى ممكن صيدلة وهى كلية رائعة ولا تقل عن مكانة الطب فى شئ


لو فعلاً لك حق وضاع بسبب تعنت القوانين

قول حسبى الله ونعم الوكيل
وإن شاء الله ربنا حيقف جنبك (بس تذاكر وتعمل اللى عليك )
وستجد أنه رد لك حقك الذى وكلته فيه

ممكن تجيب درجات فى العام القادم أعلى مما تتخيل
ممكن يوفقك ربنا فى كلية أحلى مما تحلم


اتقن العمل وسيب الأمر لصاحب الأمر


ربنا معاك

[eng saleh]

انصحك نصيحة تدخل علمى رياضة وتجتهد فيها لانك مش ضامن التنسيق

وبرده مش هيبقى عليك ضغط كبير

وبعدين كلية الهندسة دلوقتى فى الشغل احسن من الطب

وربنا يوفقك

[ArabianPDA]

المشاركة الأصلية كتبت بواسطة amear

انا طالب رايح تالتة ثانوى جبت في تانية 92.5 وانا حلم حياتى ادخل طب واهلي عاوزين كدة ومش عارف اعمل اية بالله يا استاذة انا مش عارف اقولك اية انا عملت تظلم ف الاحياء والرياضة ولقيت ليا 10 درجات ونص بس مش رضيوا يدونى الدرجات والله نفسي حضرتك تقوليلي اعمل اية وهل في امل التنسيق ينزل السنة الى جاية وهل ممكن الحق طب ولا لا



ارجوكى ساعدينى

يا جماعه بيقولكم كان احياء فى تانيه
بص
مهو طب دى صعبه شويه
بس انت عندك ميزه
انت خلصت الاحياء
وبحسبه بسيطه
العربى قول 29
الانجليش 24.5
الكيمياء (عبيطه) 50
الفيزياء لو مخك حلو 50
علم النفس 50
وبالرفيع
قول 9 يعنى 4 درجات
وانت جايب
189.5+203.5+4=96.5%
يعنى مجموع اسنان او صيدله
بس عايزه منك مجهود اوووووووووووووووووووووووووي
شد حيلك
وخد بالك ان السنادى بالنسبالك بسيطه اوى لانك خدت احياء خلاص وخلصت منها

[محمود عواد]

طيب يا جماعه ان دلوقتى عايز ارفع تظلم ايه النظام انا ف الفرنساوى منزلتش الا 2 درجه والى معطينهولى انى ناقص 11 درجه
بس انا كتبت لكل سؤال اجبتين حتى اللتر كتبتله اجابه اخرى والاجابات واثق فيها انها صح ولو نزلت قوى 3 درجات
كده حرام والله بس مش عارف لو رفعت هيعطونى حقى ولا زى ما بيقولو الى رفعوا هنا حد يرد عليه وبسرعه يا جماعه انا مطفلح قوى انا محافظة المنيا والرفع فى اسيوط بسرررررررررررررررررررررررررررررعه

[ArabianPDA]

المشاركة الأصلية كتبت بواسطة محمود عواد

طيب يا جماعه ان دلوقتى عايز ارفع تظلم ايه النظام انا ف الفرنساوى منزلتش الا 2 درجه والى معطينهولى انى ناقص 11 درجه
بس انا كتبت لكل سؤال اجبتين حتى اللتر كتبتله اجابه اخرى والاجابات واثق فيها انها صح ولو نزلت قوى 3 درجات
كده حرام والله بس مش عارف لو رفعت هيعطونى حقى ولا زى ما بيقولو الى رفعوا هنا حد يرد عليه وبسرعه يا جماعه انا مطفلح قوى انا محافظة المنيا والرفع فى اسيوط بسرررررررررررررررررررررررررررررعه

والوثيقه عملت فيها حلول اخرى!!!

[Mostafa Ahmad]

ولكن
بالنسبه للتظلم فو كنت عامل حل آخر للوثيقه يبقى مفيش لزمه للقضيه ووجع القلب وبيتهيألى انك تركز ف السنه الدراسيه الجديده احسنلك من انك تربط نفسك بالتظلم واجراءات القضايا ومادام لك حق فسيعوضك الله خيرا منه
واحب اقولك كمان انك مش فى اختيارات لأنك دخلت الاحياء يعنى مش هينفع تحول هندسه ال هيا اضمنلك بكتير يعنى داخل حرب ولازم تنتصر فيها
على قد ما تقدر قرب من ربنا واطحن نفسك وخد بالك ان مستحيل صيدله بعد ما نزلت 90 هترفع 97 مره واحده يعنى ان شاء الرحمن ممكن تكون 95.5او 95 وتجيبها يا كبير

سورى طولت عليك ولكن فكرتنى بأيام حين لم يكن امامى اختيارات