شبابي جدا

[سارةالنودى]

مين قال إن الإسلام ضد الروشنة ..؟!!!
ومين قال إن الزي الإسلامي ماينفعش يكون على الموضة ؟!!!

أنا بدأت مشاركات في المنتدى بموضوع عن بعض الملابس اللي كتب عليها عبارات غير إسلامية بالمرة .. زي كلمة كافر أو ملحد ، واللي انتشرت بين الشباب لجهلهم باللغات الأجنبية ، ومعاني الكلمات المكتوبة على الملابس الشبابية الحديثة ..
وحبيت أكمل الموضوع بالإضافة دي ...

أنا مش ضد (( الروشنة )) ، ولا اللبس على الموضة .. لكن إيه اللي يمنع إننا في المقابل ننشر فكرنا وثقافتنا الإسلامية ، وتعاليم دينا الحنيف بنفس الطريقة اللي الغرب بينشر بيها ثقافته الملحدة ؟!!

يعني مثلا .. ايه رأيكم في الصورة دي ..
v
v
v

إضغط هنا لرؤية الصورة بحجمها الطبيعي.

تيشيرت مكتوب عليه (( الجنة تحت اقدام الامهات )) وعليه صورة الأم وابنها .. ماله ؟ وحش ؟!!!

ودي ..
v
v
v
إضغط هنا لرؤية الصورة بحجمها الطبيعي.

التيشرت ده خاص بشهر رمضان المبارك و مرسوم عليه عدم الأكل وعدم الشرب وعدم الشجار بين الصائمين..
مش فاهمة .. عيبه إيه ؟!!!

وكمان دي :
v
v
v

إضغط هنا لرؤية الصورة بحجمها الطبيعي.

التيشرت ده بيقول لك لا تأكل إلا الحلال ولا تعمل إلا الحلال.. منتهى الروعة !!

وآدي واحد كمان ..
v
v
v

إضغط هنا لرؤية الصورة بحجمها الطبيعي.

التيشرت ده بقى بيدعو للمحافظة على صلاة الجمعة .. عاوزين إيه يا شباب أجمل من كده ..؟!!


طريقة جميلة وشبابية جدا لنشر الثقافة الإسلامية .. وتذكير الشباب المسلم بيها طول الوقت ..
طريقة تعبر ببساطة عن حبنا واحترامنا لتعاليم دينا والاعتزاز بيها ، وبدون تكلف أو جهد..
وشباااااااااااااااااااابي جدااااااااااااااااااا


دعوة لكل أصحاب المواهب في التصميم والابتكار .. إذا أعجبتكم الفكرة .. انشروها ..
وظفوا فنكم ومواهبكم فيما يرضي الله ، ويرفع شأن الإسلام عاليا ..
بلغوا الرسالة بفنكم وعملكم .. فكل صاحب موهبة هو صاحب رسالة .. وأنت مسئول عن تلك الرسالة التي تختار أن تحملها بفنك للناس ..
فأحسن اختيار الرسالة .. أثابك الله خيرا ..