يوميات متعاقد ومسؤل..الحلقه الثانيه

[said_math]

بعد انا قدمت لكم الحلقه الاولى
ونالت اعجاب الكثير منكم

يسعدنى ان اقدم لكم الحلقه الثانيه....بس حلقه جديده

المسؤل المرة دى والد العروسه
المتعاقد متقدم لخطبه عروسه

ابطال الحلقه

المتعاقد والد العروسه والده العروسه والد المتعاقد


المكان : بيت العروسه


الحوااااار

المتعاقد: كل سنه وحضرت طيب يا عمى..رمضان كريم

والد العروسه: وانتوا,بالف صحه وسلامه

والد المتعاقد: يشرفنا اننا نطلب ايد بنتك لابننا...

المتعاقد : قولت ايه يا عمى ..تامر بايه؟؟

والد العروسه : الامر لله....

احنا نشترى راجل........طب.انتا شغال ايه يا ابنى؟؟

المتعاقد: مدرس متعاقد يا عمى


والده العروسه: (تفكر..اممممممممم)) متعاقد ؟؟!!!

والد العروسه: اتثبت ولا لسه..

المتعاقد : لسه والله يا عمى.(.(.فى باله ) يقول.... يمكن لما اروح البيت يكون اثبت))

والد العروسه: ( يفكر ..امممممممممم ) طيب يا ابنى


والده العروسه: مرتبك كام فى الشهر ؟؟

والد المتعاقد:: مستورة الحمد لله

المتعاقد( يفكر....ايه الاحراج ده...)) اقبض 400 جنيه يا عمى

والده العروسه:وهل دول هيكفوك تعيش بيهم...فى اليومين دول...((.تفكر كيلو اللحمه 55 جنيه))

المتعاقد: الحمد لله..ربنا يسهل


والد العروسه: وايه اخبار الشقه؟؟

والد المتعاقد: لسه باذن الله هنبنى الدور التانى

المتعاقد: سنه وهتكون الشقه جاهزه باذن الله

والده العروسه:: (تفكر ام مممممم ... لسه)

والد العروسه: والجواز على طول باذن الله ..

المتعاقد : لالالا يا عمى باذن الله سنتين ولا ثلاثه


والده العروسه: (تفكر...اممم ياااااه على ما التثبيت يجى يمكن يقبضوا 700 جنيه
وتكون اللحمه 100 جنيه))

المتعاقد باذن الله هسافر السنه دى يا عمى

والد العروسه والتثبيت يا ابنى ...دى بلدك ومستقبلك فيها


المتعاقد انا شغال من 4 سنوات ...والواحد صبره نفذ
والحكومه ولا حاسه بينا...ولا حد عايز يسمعنا
وشكلها ما فيش تثبيت

والد العروسه ناوى تطول فى السفر؟؟

المتعاقد : لسه مش عارف عمى..ربنا يسهل

والد العروسه: باين عليك يا ابنى محترم جدا. باين من كلامك.بس الظروف اليومين دول صعبه شويه
والعيشه غاليه والمصاريف نار..
عموما شرفتونا وسبونا نفكر


المتعاقد: ((يقول فى عقل باله
والد العروسه: الله يخليك ....ده كنت خايف منه ربنا يستر)

المتعاقد: كل رمضان وانتا بخير يا عمى نستاذن

والد المتعاقد: السلام عليكم ورحمه الله وبركاته

والد العروسه و الوالده العروسه: وعليكم السلام ورحمه الله وبركاته..شرفتونا الف سلامه



بعد ما مشوا
والد العروسه بيقول لوالده العروسه ايه رايك
والده العروسه: مرتبه ده مش يكفى ..زى ما انتا قلت العيشه غاليه
والا سعار نار....
والد العروسه : طب والشقه؟؟؟
والده العروسه:لسه هنستنا..لسه هيسافر..ولسه...اللهم طولك يا روح

طب نشوف راى بنتك
العروسه: اللى انتوا شايفينه



وجهه نظر
موقف صعب..امال لو تكلموا فى الشبكه..
اللهم يا مفرج الكروب فرج كربنا


سؤال الحلقه:

تخيل نفسك والد العروسه...ممكن تعمل ايه؟؟

بالنسبه للبنات
تخيلى نفسك العروسه؟؟