لطمة كبيرة.. للكتب الخارجية.

[ابراهيم حافظ]

لطمة كبيرة.. للكتب الخارجية
الكتب المطورة..وصلت المدارس
شكل جذاب وطباعة فاخرة.. ومضمون مختصر.. وتدريبات متنوعة
سيد جاد
أوفي المسئولون بوزارة التربية والتعليم بالوعد الذي قطعوه علي أنفسهم بتسليم الكتب المدرسية لطلاب جميع الصفوف المدرسية في أنحاء الجمهورية مع نهاية الأسبوع الأول للدراسة.
وصلت أمس آخر دفعة من الكتب المدرسية إلي كافة محافظات الجمهورية وخاصة الكتب المطورة للصفين السادس الابتدائي والثالث الإعدادي وبدأ توزيعها علي الطلاب دون الربط بالمصروفات قام وكلاء الوزارة مديرو مديريات التربية والتعليم بالمحافظات بجولات ميدانية علي كثير من المدارس التابعة لهم للتأكد من وصول الكتب واطمأنوا عن التلاميذ علي استلامها.
زار مدحت مسعد وكيل أول الوزارة بالقاهرة مدارس طبري روكسي والمقريزي والتجريبية وعمر بن الخطاب والجبرتي.
أبدي التلاميذ ارتياحهم للشكل العام للكتاب المدرسي مؤكدين لوكيل الوزارة أنه يفوق خيالهم لأنه رائع الطباعة ومنسق ومختصر وبعيد عن الحشو ويتضمن تدريبات كثيرة علي كل وحدة من وحدات المنهج بالإضافة إلي مجموعة كبيرة من نماذج الامتحانات في نهاية الكتاب.
ناشد مدحت مسعد وكيل أول الوزارة أولياء الأمور تصفح الكتاب المدرسي الذي تسلمه أبناؤهم وبناتهم للتأكد من أنه أصبح بالفعل يضاهي الكتب الخارجية ويتفوق عليه في أمور كثيرة مشيرا إلي أن الكتاب المدرسي في شكله الجديد "لطمة" للكتب الخارجية ويمحو الصورة الذهنية السلبية عن الكتب المدرسية التي لم تكن قادرة علي أدني درجات المنافسة مع الكتب الخارجية.
وفي الجيزة أكدت نادية محمد عبدالمنعم وكيل وزارة التربية والتعليم أن جميع الكتب وصلت بالفعل إلي المدارس وبدأ توزيعها علي التلاميذ دون الربط بسداد المصروفات.
ووجه بدوي علام المستشار القانوني لجمعية أصحاب المدارس الخاصة الشكر للدكتور أحمد زكي بدر وزير التربية والتعليم علي وفائه بالوعد الذي قطعه علي نفسه مؤكدا أن قيادات الوزارة وفي مقدمتهم الدكتور عادل شكري مستشار الوزير للتطوير بذلوا مجهودا كبيرا للانتهاء من طباعة الكتب المطورة للصفين السادس الابتدائي والثالث الإعدادي في وقت قياسي وتوصيلها إلي المحافظات.
قال إن الكتب وصلت بالفعل إلي جميع المدارس الخاصة وبدأ تسليمها للتلاميذ بعد أن ظلت المشكلة قائمة في الأسبوع الأول من العام الدراسي مشيرا إلي أن الكتاب المدرس في شكله الجديد يعد ضربة قوية للكتب الخارجية لكنه يحتاج فقط إلي دعم أولياء الأمور واقتناعهم أن التغيير المنشود حدث بالفعل وعليهم تشجيع أبنائهم علي الاعتماد علي الكتاب المدرسي ولفظ الكتب الخارجية.
وفي أسيوط قال محمد عبدالسلام الكومي وكيل أول الوزارة أن الكتب المدرسية وصلت بالفعل إلي أيدي التلاميذ من الصف الأول الابتدائي وحتي الثالث الثانوي ولم تعد هناك أية مشاكل في هذا المجال.
مناهج التعليم الفني علي سديهات.. في جنوب سيناء
أكد محمد عطا القماش وكيل وزارة التربية والتعليم في جنوب سيناء.. أن المديرية قامت بطبع مناهج المدارس الفنية علي cd ووزعتها علي الطلبة لحين وصول الكتب من الوزارة.. كما قامت بتزويد أقسام الحياكة بالمدارس الصناعية ب 15 ماكينة تعمل بنظام الحاسب الآلي بالإضافة إلي 5 ماكينات تريكو مع تزويد قسم السيارات بوحدة الحقن واشعال إلكتروني ووحدة اكتشاف اعطال السيارات لتدريب الطلاب وتأهيلهم لسوق العمل.
وقال مدير المديرية بجنوب سيناء.. إنه تم وضع خطة لتطوير التعليم والقضاء علي التسرب الدراسي من مدارس الأودية بشكل يتناسب مع الظروف وعادات وتقاليد البدو.. مطالباً المجتمع المدني من رجال أعمال ومستثمرين بالمحافظة ببذل المزيد من العطاء والجهد لتطوير التعليم للقضاء علي الأمية في محافظة ذات خصوصية ومكانة سياحياً واستراتيجياً.
كما طالب وزارة التربية والتعليم بتوفير عدد خمس سيارات مجهز بعضها للسير في الصحراء والجبال لأحكام عملية المرور والمتابعة الميدانية علي المدارس خاصة أن المسافة بين المدن لا تقل عن 100 كم ووجود مدارس بأودية جبلية بعيدة. واصفاً حال المدارس والإدارات التعليمية بالمبتورة ووصول حالة الحملة الميكانيكية بالمديرية إلي حد متدهور أدي إلي تعطل السيارة المخصصة للقوافل التعليمية لابناء البدو في التجمعات لخمس سنوات دون أن يتحرك مسئول لإصلاحها.
http://www.algomhuria.net.eg/algomhu...s/detail01.asp

[نقاء الروح]

فعلا انا شفت كتاب علوم تالتة اعدادي ،
شكله حلو ،
وفيه تمارين و شغل كويس ،
بس مضمونه الله يعين الطلبة ،
احس المنهج تقيل حبتين ،

[نور محمد الشباوي]

وكمان سلموا كتاب العلوم والرياضة لسة العربي والدراسات

[BaNZeR]

اللى اتقالي اه انه الطبعات شكلها جميل وزاهي لكن كمادة علمية اه سمعت انها اصعبت شوية
على كل حال لسه متفرجتش على كل الكتب وشكل المناهج
بس كنت متأكد انه الوزير حيغير وحيعمل

[وسام هلال]

والله مهما يعملوا مش هنستغنوا عن الاسلحه

[عاشقة الطفولة]

هههههههههههههههههههه

يا سلام طيب احنا ها نعمل ايه بالمظهر الخارجي

طيب ما انا اختي كتابها كويس جداا من برة بس من جوا الحاجات تقيلة خالص

يعني في حاجات انا اخدتها في اولى ثانوي هي واخداها في 2 و3 اعدادي

وكمان الكتاب اللي بيقولوا انه مليان تمارين

عارفين التمارين هي ايه يقلك اعمل مع مدرسك نشاط هي دي التدريبات


والله بقيت حاجة تقرف

[وسام هلال]

همه فكرين ان شكل الكتاب هيجزب
بالعكس لازم المضمون يعنى الكلام والشرح نفسه
مش كفايه علينا المدرسين الاونطه الى عندناااا
الكتب كمان اونطه

[وسام هلال]

ههههههههههههههههههههههه
والله كله شغل فاااضى

[ابو اسامة]

اذا كانت الوزارة متاكدة من جودة الكتاب المدرسي ليه بتزنق على الكتاب الخارجي فين روح المنافسة

[ايمن الشاطر]

والله مهما يعملوا مش هنستغنوا عن الاسلحه

[وسام هلال]

المشاركة الأصلية كتبت بواسطة ابو اسامة

اذا كانت الوزارة متاكدة من جودة الكتاب المدرسي ليه بتزنق على الكتاب الخارجي فين روح المنافسة

فعلا لو همه متاكدين ان الكتب الخارجيه الطلاب مش هيحتجولها مكنوش لغوها ولا يحربوها

[samar saad]

ربنا معاهم بجد انا اختى للاسف فى تالتة اعدادى وفعلا بياخدوا حاجات كتير جدا من الثانوي ربنا يعينهم بجد

[القابضة]

ده الكتاب نفس النسخة القديمة
والحمد لله شكله يقرررف

[Hisham_physics]

المشاركة الأصلية كتبت بواسطة ابو اسامة

اذا كانت الوزارة متاكدة من جودة الكتاب المدرسي ليه بتزنق على الكتاب الخارجي فين روح المنافسة

الله ينور يا أبو أسامة
كلامك صح 100 %
هو فعلاً شكل الكتاب المدرسي من بره جميل جداً و الألوان و الطباعة و طريقة العرض تحفة
إلا إنه طالما الكتاب لسه فيه أكملات كتير في الشرح مثل :
ماذا تلاحظ ؟ ..............................
ماذا تستنتج ؟ ...........................
متكلمنيش على تطوير المناهج و المنافسة مع الكتب الخارجية
إذا كان أنا كمدرس مش عارف أستنبط إيه اللي ممكن يتكتب في هذه النقط يبقى الطالب اللي هيعرفها ؟؟؟؟؟؟
ده غير الأخطاء العملية الكتير اللي بقينا نشفها في الكتب المدرسية
و بعض المعلومات اللي مش عارفين نفسرها للطلبة بسبب غموضها علينا كمدرسين

و في الآخر أرجع و أقول للوزير كفاية بئة إرحمنا عايز مننا إيه :
1- رجعت الحضور في المدارس تاني و ضيقت على طلبة الشهادات وقتهم اللي المفروض يذاكروا فيه
2- طولت فترة الدراسة لحد الساعة 7 بليل (الطالب خصوصاً بتاع المسائي يذاكر إمتى)
3- منعت الكتب الخارجية

[a7mad 3abdo]

واحده واحدة يا جماعة
السنة دي طور جلدة الكتاب و الطباعة
السنة اللي جاية يغير مضمون الكتاب ..
ربنا يوفقه للي فيه الخير ...
التغيير مش هييجي ف سنة واحدة
ولا في حد شايف غير كدا ؟؟