انا عندى كارثة.... عايزة حل...مليش دعوة

[lalian lali]

السلام عليكم
ازيكم عاملين اية؟
يا جماعة انا عندى كارثة ومليش دعوة عايزة حل باى طريقة
لانى كدة خلاص تعبت من مشاكل الثانوية
اقولكم حكايتى
بصوا انا جبت مجموع 81%
مش كبير ومش صغير
انا كنت علمى علوم
كلو قالى لا خليكى المجاميع حتنزل
خليكى علمى كمان العلمى مجالة واسع
وناس تانية قالت
لالالا ادبي اهوه اسهل وتقدرى تجيبى فيه مجموع
وناس قالت اهو دة ثانوى عام و دة ثانوى عام
المهم يمين شمااال
شمال يمين
قولت ححول
بس المشكلة انى بكرهه التاريخ مضمنش انى انجح فيه اصلا
فطول الاجازة بقنع نفسي ان التاريخ جميل ولذيذ
جيت اول يوم دراسة خلاص ححول ادبي
لقيت كل صحابي لسة علمى
وانا بينى وبينكوا بحن للفيزاء والاحياء
فكرت يوم
وقولت خلاص الخيرة فيما اختاره الله
خلينى علمى
كل دة مش المشكلة
التقيل جى
انا كنت عاملة حسابى على ادبي
وحاجزة تاريخ وفلسفة بدل فيزياء واحياء
وطبعا مدام حفضل علمى
لازم اشوف مدرسين
بس الكارثة ان المدرسين كلهم بدئين من بعد النتيجة تقريبا
وكلوا فى الباب التالت
فقولت بلاش اضيع وقت وروح مع مدرس كويس
واحاول اذاكر البابين الفايتين لوحدى
وفعلا عملت كدة
ورحت احياء مع صحبتى
بصراحة عشان مظلمش الراجل الراجل كويس وشرحة حلو
بس انا عن نفسي مش حبا نظامة
اولا: سنتر يعنى حوالى 30 طالب
ثانيا:لو فى سؤال اقولة للسكرتيره مش للمستر
ثالثا:الشهر ب 150 جنية و 100 جنية مذكرات
يعنى ولا تعليم وخراب بيووووووت
بصراحة استكترت المبلغ حرام 150 وحيقى فايتنى اول بابين
ومفيش معاملة مباشرة بينى ومبين المستر
واعدين 30 طاااااااالب
مش حرااام
دنا لو لوحدى مش حيكون كدة
فأية العمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خصوصا انها سنة فل وباينة من اولها
اعمل اااااااااية؟
الى حيدخل ومش حيقول حل هو حر...
بالله عليكم ضرووووووورى
مفيش وقت
مشكورين

[mostafa_gamal2]

اولا انتى غلطانة 100% ودة مش رمى للمسئولية عليكى بس انتى غلطى غلطة شنيعة وهى التردد ومن خلال كلامك واضح انك انسانة مترددة وبتقلقى من اى حاجة بس المشكلة ابتديت لما دخلتى فى الاول ادبى ودى مشكلة لانك من الاساس مش مقتنعة بية رغم انى زيك فى ثالثة وادبى والتاريخ مش صعب خالص بالعكس انا جايب 49 من 50 يعنى درجة ماعلينا دى اول غلطة تانى غلطة انك سمعتى لثانى مرة كلام الناس وقلتى احول وطبعا حولتى منصاعة لرائيهم بصى المشكلة مش فى الدروس ولا المدرسة ولالالالا المشكلات دى هتخلص نصيحة منى حولى تشيلى المشكلة الاكبر اللى هى التردد والانصياع لاراء الاخرين
دى نقطة النقطة الثانية انا وتخيلى لسة مدخلتش دروس طبعا ههتصدمى بس بجد انا لما بدات بدرى السنة اللى فاتت شعرت فى اخر السنة بملل شديد اوى وكنت برمى الكتاب لان الانسان بطبعة بيشعر بالملل من حاجة بتكرر كتير فنصيحتى ليكى متضايقيش خالص + مركز اية دة اللى 150 !!!!!!!!!!!!!!!!!!!!!!!!!!!!!!!!!!! لية يعنى 30 طالب وكمان 150 لا حرام بجد نصيحة منى شوفى مدرسين الفصل وصدقينى المدرسين مش هيخلصوا وموجدين كتييييييييييييييييييييييير زى الرز فمتخفيش وربنا معاكى

[red-code]

اولا انا بقولك خليكى علمى علوم احسن ثانيا شوفى مدرسين صغيرين اوى يعنى لسه متخرجين وبدأين دروس علشان تعرفى تمشى معاهم فى الاول بس واول لما تخلصى المنهج روحى لمدرس شاطر كده وراجعى معاه بس اقولك حاجه لو حولتى ادبى مستقبلك هيضيع كليات العلمى والله حلوه لو حتى مش لحقتى كليه حلوه هتلحقى تجاره وتطلعى محاسبه وتشتغلى فى بنك واهى حاجه حلوه ومستقبلها حلو كمان حرام تضيعى نفسك لما تدخلى ادبى وانتى كمان مش بتحبى التاريخ يبقى مجموعك كمان هيبقى وحش فى الادبى