انا منهج مصري بس مش في مصر .. عايزة رايكم في حاجة

[nado_nona]

السلام عليكم ورحمة الله وبركاته .. انا حبيت احكي معاكو شوية واقول الحاجات اللي قلقاني
دلوقتي انا عايشة بره مصر وبدرس منهج مصري وكده وتابعة لنظام ابناؤنا للخارج ** منازل **
المهم انا في ثالثه ثانوي ادبي والسنة اللي فاتت كنت ادبي بردة وجبت ٩٤.٥٪ المهم اني السنة دي واخدة المواد عربي وانجليش وعلم نفس وفلسفة وجيلوجيا
ففي ناس بتقولي ان بلاش اخد فلسفة واخد اقتصاد واحصاء وانها مضمونه اكتر مع العلم اني بكرررررررره الرياضة .. وكمان حاسة اني هكون ضامنة الدرجه كامله في الفلسفة عن الاقتصاد عشان معاه احصاء
المهم ده استفسار وكمان في حاجة تاني احنا بره مش عارفين بالظبط موضوع ان في حاجات اتلغت وكده من المناهج
هل فعلا في دروس اتلغت من الانجليش انا جايبه كتب خارجية the best - surprise - bit by bit - senior وقلقانه ان يكون فعلا زي ما بيقولوا الحل في الكتب ده مالوش لازمة وان فيها حاجات مش في المنهج او كده .. احنا بنشتغل من ملازم بجانب الكتب
وكمان سؤال اخير انا حلم حياتي ادخل اعلام انجليش جامعة القاهرة .. فهل بالنسبة لمجموعي السنة اللي فاتت ** ٩٤.٥ ٪ ** والسنة دي الواحد عنده امل مدام مافيش رياضة انه هيعلي عن السنة اللي فاتت بكتير .. بس قلقانه للكليات مجاميعها تعلى زيادة وملحقش اعلام
فهل اطمن يعني .. ولا احط في بالي كليه تاني مع اني مش شايفة اي كليه غيرها ..