|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
27-09-2010, 12:09 PM
|
||||
|
||||
رباعيات ومربعات شعر سمير الأمير
رباعيات ومربعات
*** بلاد تجيب الاكتئاب فيها العجايب..عجيبه نصيب لكل نصّاب ولكل مخلص..مصيبه ..... علف التيوس يجى بسهوله بس اللى عالف،سانن السكاكين إعدل دماغك وافهم الفوله فيه ناس مواشى وناس جزارين. ...... فيه ناس مواشى وناس جزاريين وكان زمان فيه ناس بشر كانوا تلات أصناف مافضلش غيرصنفين المذلولين بالرغيف، واللى قلوبهم حجر. ....... ما اقدرش اقول آه ولا اقدر اقول لأ مهزوم أمام الحياة دخلت جوه الشق. ........ دخلت جوه الشق رعب وخوف أنا اللى كانت أمى دعيالى بقيت اكيف نفسى حسب الظروف وبقيت سجين يومى ورزق عيالى. ........ حينمّروا الجزم وكل سنه تجديد برسوم جديده وفحص ومخالفات والمشى ف الشارع حيبقى بالمواعيد بخط سير معتمد وبإذن م السلطات. ........... بخط سير معتمد مختوم بختم النسر علشان دواعى الأمن، حرصاً على الانتاج وعشان ولاد الإيه يتفسحوا ع الجسر من غير ما صوت الجزم يعملهم ازعاج. ......... العجل طب وكترت السكاكين مسكين لا حيل ولا حيله فرحت ليه لما وقع صدام حسين مع إنه شبهك ومن نفس الفصيله. أنا قلبى عريان وحافى وجلدى توبى ولحافى شفتونى والع جريتم وماجبتوليشى المطافى. ................... اعقلها يابن الناس وبطل كلام لازم تكون ف المعركه فتوه كل اللى شافطين دمنا اولاد حرام واللى خدوه قوه ما يرجعش الا بالقوه. ................................ 
|
|
#2
27-09-2010, 12:29 PM
|
||||
|
||||
|
اقتباس:
شاعرنا واستاذنا المبدع استاذ سمير الامير بجد ابدعت في هذه الرباعيات والتي عبرت فيها عن معاناة الاغلبيةمن الناس بارك الله في قلمك الذي سخرته للخير دوما دمت مبدعا ومتألقا تقبل تحياتي وتقديري
|
|
#3
27-09-2010, 12:30 PM
|
||||
|
||||
|
رغم انها تهكمية لكن تشير الى واقع مؤلم
دمت مبدعا
|
|
#4
27-09-2010, 04:52 PM
|
||||
|
||||
|
جئت لتعبر عما يدور بداخلنا فأبدعت وسطرت لنا أجمل الكلمات تقبل تحياتى ،،،،
__________________
عندما تنتحر الحريات تعجز الديمقراطية عن عمل عزاء للشرف .
|
|
#6
27-09-2010, 10:51 PM
|
||||
|
||||
|
اقتباس:
لأمير الألم والاحساس الراقى
__________________
Minds, like parachutes, only work when opened 
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:35 AM.
