هام لكل المعلمين المتعاقدين

[زياد نور]

السلام عليكم ورحمة الله وبركاته
تحية طيبة الي كل الزملاء من اخواني واخواتي المتعاقدين ارجو توضيح عدة حقائق وامور طبعا كلنا بنحلم بالتعيين والتثبيت ويكون لينا نفس الحقوق الا لباقي المعلمين بس ياجماعة ان عايز اوضح ان كل الناس بتحلم بالتعيين بس محدش بيعمل حاجه كلنا قاعدين مكاننا وثابتين محدش بيتحرك كل مستني الوزير يخبط عليه ويقوله مبروك انت اتعينت
لكن محدش بيدور علي حقه والوزير قال بدل المرة عشرة انا مليش دعوة بالتعيين ومابيكملش اصلا في الموضوع تعال بقي نحلل التصريحات من الاول الي الاخر اولا من ساعة الوزير احمد بدر اصبح وزير ما بيكملش في الموضع ده ولو حد حاول يساله عن التثيبت بيرد عليه اي اجابة مش مقنعة واخر مازهق قال الموضع دي مش في ادي وانتو عارفين ان احنا المفروض التعيين بتاعنا كان يبقي في شهر سبعة اللي فات وبعد كده قالوا هتبثتوا من اول شهر ثمانية بتاريخ اول سبعة بعد كده قالوا لا اخر ثمانية بعد كده نزل في الجرايد والدنيا كلها قالت مبروك دي انتوا من اول شهر تسعة هتعينوا وانتوا اكيد فاكرين وبعد كده طلع مساعد الوزير قال المتعاقدين ليس لهم الحق في طلب التعيين في الوقت الحالي دول العقودات ثلاث سنين وبعد كده يتثبتوا هو ده النص بتاع العقد يعني احنا المفروض هنكمل سنة كمان بعد الاتنين وبعد كده هيشوفوا يعملوا ايه معانا كمان موضوع الشهادات بتاع اي سي دي ال شوية يقولوا احنا بنلم الشهادات عشان نثبت الناس والكلام دي مش صح لان مش كل الناس اللي معاها اي سي دي ال هيتبتوا فيه ناس لسه بتخلص التربوي وناس تانية لسه بتاخدها وناس تانيه معاه الشهادة وساقطة في الامتحان بتاع شهر 11 وبعدين كان البلد كلها بتمحن اي سي دي ال وبعدين لو بصنا لتصريحات وزير التنمية هو نفسة ماكدش ان المتعاقدين بتاعوا التربية والتعليم هيتثبوا هو قال كلام عام عن المتعاقدين في الدولة بالامارة محمود سعد ساله وقاله صراحة هتعملوا ايه مع الناس المتعاقدة هيتثبتوا ؟ رد عليه وقاله مقدرش اقول اه مقدرش اقول لا بس بنسب كبيرة هيتثبتوا ودي كلام عام وبعدين اما القانون يدخل مجلس الشعب وتوافق عليه في الدورة الجديدة
يعني شوفوا بعد الانتخابات بتاعة مجلس الشعب وبعد كده محدش هيبقي فاضي لينا والكل مهتم بانتخابات الرياسة وبعد كده محدش عارف اللي هيحصل دي غير نقطة تانية الخبر اللي محوط ان فيه ناس من الاكاديمية هينزلوا يشوفوا الورق والاصولات بتاعنا وبتاع الاي سي دي ال طيب ياجماعة احنا اصلا مش بنقدم الاي سي دال احنا بنقدم صورتها وهم بشوفوا الاصل ويرجعوا الاصل لصحابة تاني والكلام عن اكاديمية بني سويف والفيوم والمنيا طيب احنا 65 الف معلم الا ناجحين وكله تمام بالنسبة لهم ما نرفعش قضية ونحاول ناخد حقنا بالقانون زي ما ناس عملت اول نوصل صوتنا للراي العام عشان يهتموا شوية ومش هنخسر حاجة بس مينفعش واحد يقول الفكرة والباقي بقول اه واللهي فكرة حلوة لا ياجماعة لازم كلنا ناخد خطوة عشان يعملونا حساب لينا مفيش نتيجة مش هنعمل مظاهرات ولاحاجة نعمل اضراب في امتحانات نصف العام وانتوا عارفين احنا الي مشغلين المدراس وبعدين لو محصلش تثبيت في الفترة الجاية مظنش انه هيحصل تثبيت
معلش طولت عليكم وارجوا تتعبروا كلامي ففضة وانا احنا بنتكلم بصوت عالي ونتشارك الافكار وارجو من المشرف او الادارة التثبيت